گەلی كورد تەنیا لە پێناو گەیشتن بە ئامانجە گەورەكەی تێدەكۆشێ وقوربانیی دەبەخشێ.
رێبوار حەمەلاو شوانی
بە هۆی سیاسیی هەژموونگرایی ئێران لە سەر ئاستی رۆژهەڵاتی ناوین بە تایبەت لە " سوریا ،عێراق ، لوبنان و یەمەن و ئینجا كۆتایی هاتنی پەیمانی سایكس پیكۆ و سەرهەڵدانی داعشی تیرۆریست و كاڵبوونەوەی سنوورە دەستكردەكان ، كاتی هەڵوەشانەوەی دیكتاتۆران و دارٍشتنەوەی نەخشە و سیاسەتێكی نوێ لە ناوچەكە هاتووە كە تێیدا هەم دەسترۆیشتوویی ئێران كەم دەكرێتەوە و لاواز دەكرێ و هەمیش كەشێكی نوێ دروستبوونی چەند دەوڵەتێك دێتە ئارٍاوە . لە سەرباری سیاسیی ڕۆژهه‌ڵاتی ناوه‌ڕاست به قۆناغی گۆڕانكاریی گه‌وره‌دا تێ ده‌په‌ڕێت، ئه‌و بنه‌ما سیاسییانه‌ی كه له ساڵانی ڕابوردوودا خۆی سه‌پاندبوو به‌سه‌ر ناوچه‌كه‌دا بەرەو كۆتایی هاتن دەروات .. كورد له‌م قۆناغه هه‌ستیاره پڕ له گۆڕانكارییه‌دا پێویسته شوێنی خۆی دیار بكات له‌نێوان ئه‌و به‌ره یاخود ڕیزبوونه نوێیانه‌ی كه له ڕۆژهه‌ڵاتی ناوه‌ڕاستدا سه‌ریان هه‌ڵداوه و ببێته فاكته‌رێكی كاریگه‌ر، چونكه وه‌كو هه‌موو دیارده‌كان وا پیشان ئه‌ده‌ن كه تا ڕاده‌یه‌كی زۆر ئه‌وه‌ی چاره‌نووسی كورد دیار ئه‌كات بوونی هه‌ماهه‌نگی و له یه‌ك تێگه‌یشتن و پاراستنی به‌رژه‌وه‌ندیی هاوبه‌شه له‌گه‌ڵ هێز و ده‌وڵه‌تانی ئیقلیمی، نه‌ك وڵاتانی دوور. به‌ڵام له هه‌مان كاتیشدا هه‌ڵویستی یه‌كلاكه‌ره‌وه‌ی كورد به‌رامبه‌ر به‌م هێز و به‌رانه پێش هه‌موو شتێك پێویستی به یه‌كڕیزیی ناوه‌وه‌ی كورد و بڕیارێكی یه‌كدەنگی نه‌ته‌وه‌ییه‌وه هه‌یه، بەتایبەت له‌سه‌ر ئاستی هه‌رێمی كوردستاندا.
گەر تا دوێنی لە عێراق بابەتێك بە ناوی دەستوور و مافەرەواكانی كورد بوونی نەمابوو و فەرامۆشكرابوو و هەروەها هەوڵەداگیركارییەكانی بەغدا نییەتی راستەقینەی عێراقی دژی گەبی كورد پێشاندا ،بەڵام بەرخۆدان و دیپلۆماسی هەرێمی كوردستان توانیی بە سەر پیلانەكانیاندا سەركەوێ و بەغدا ناچار بكات دانووستان بكات.ئەوەی ئێستا هەیە سەرکەوتنی دیبلۆماسییەتی کوردە بەسەر عێراقی شیعی و تائیفی و هیچ وڵاتێک ئامادە نییە پابەند بێت بەو نەهجە بەرهەڵستکارییەی لە بەغدا بانگەشەی بۆ دەکرێت، بۆخۆی ئەم هەنگاوە تاکە هەنگاو بوو تا نەفس و ورەی تێکشکاوی کوردستانیان بەرەو چاکبوونەوە بەرێت و دووبارە کورد بگەڕێتەوە بۆ ئەو بارودۆخەی قسەکەر بێت و داواکاری هەبێت نەک تەنێ گوێگربێت و داوای لێبکرێت، وە ئەوەی لە هەموو شتێک گرنگترە، ئەوەیە وەفدە سیاسییەکانی وڵاتان زۆر ناڕاستەوخۆ پەیامی عەبادی باس دەکەن لە کۆنگرە ڕۆژنامەوانییەکاندا، بەشیوەیەک وەک ئەوەی بیانەوێت عێراق نەتۆرێنن، بەڵام کاتێک باس لە ماف و داواکاری کوردستانیان دەکەن زۆر ڕاشکاوانە بەرگری دەکەن و بە ڕاستەوخۆ پەیام بۆ عەبادی و حکومەتەکەی دەنێرن و سوورن لەسەر ئەوەی عەبادی دەبێت زامنی مافە دەستوورییەکانی گەلی کورد بێت، ئەمە بێگوومان قۆناغێکی تر بەدوای خۆیدا دەهێنێت: ئەویش قۆناغی ئاسایی بوونەوەی ڕەوشەکەیە لە نێوان هەولێر و بەغدا، ئەگەر ئەمەش ڕوو بدات بە بێ ئەوەی ئەنجامی ڕیفراندۆم هەڵبوەشێتەوە، ئیتر تا عێراق ڕۆژی ماوە ناتوانێت جارێکی تر بێ دەستوری بەرامبەر کوردستان و هەرێمەکەی ئەنجام بدات، بۆچی ناتوانێت؟ چونکە جارێکی تر کورد مقۆ مقۆ ناکات بۆ ئەوەی چارەسەری حاڵی خۆی بکات و ڕێگا چارەیەک بدۆزێتەوە، بەڵکو کلیلەکە کە ڕیفراندۆمە لە گیرفانی خۆیدا دەبێت و هەرکاتێک دەرگایەکی لێ گیرا پێی دەکاتەوە، بەغداش تاکە هەوڵ کە بۆی ماوەتەوە ئەوەیە ئەو کلیلە لە کوردستان بسەنێتەوە و ئەنجامی ڕیفراندۆم هەڵبوەشێنێتەوە، چونکە زۆر باش لەوە تێگەیشتووە ئەوەی پیلانی بۆ دانابوو، وا دەرنەچوو، بۆیە لە قۆناغی دوای ئەمە دەترسێت، کە کورد ڕیفراندۆمی ئەنجام داوە و لە ئەگەری ئەوەی جارێکی تر کۆسپ بخاتە بەردەم هەرێمی کوردستان، هیچ بە دوور نازانرێت بە هاوکاری نێودەوڵەتی ئەمجارەیان سەربەخۆیی بێ ماندوو بوون بەدەست بێنێ و بۆ هەتا هەتایە خۆی لە عێراق دروستكراو رزگاربكات ..
