حکومەتێ ئەرکێ خۆ ئەداکر
March 29, 2018
وتار و بیروڕا
![حکومەتێ ئەرکێ خۆ ئەداکر](https://gulanmedia.com/public/old_images/nusaran/karwan-bady.jpg )
لێ سەرباری وێ چەندێ کو خەلکێ کورستانێ بۆ دەمێ چار سالان ئاسەنگیێن مەزن کێشان بەلێ سەبر و تەحەمولا وان ئەو سەلماند کو ئەو وەلاتێ خۆ زەلیل ناکەن ژپێخەمەت پاریەکێ نانی، ژبەر هەردەم حکومەتا هەرێمێ بتایبەت سەرۆک وەزیران نیچیرڤان بارزانی د گوت مافێ کارمەندانە داخازا مافێن خۆ بکەن و لدویف وێ بودجا لبەردەست دێ مافێن وان دابینکەین بەلێ دیسان لایەنێن ئوپوزسیون کی هیچ مادەیەک نەمایە پێ چەواشەکاریێ بکەن داخوازیێن کارمەندان کرنە ئالاڤەک بۆ خۆ دەرێخستن و دەنگ کۆمکرنێ.
ئەوا هاتیە راگەهاندن سەبارەت کێمکرنا برینا پاشکەفتێ موچەی ئەو یەک سەلماند کو هەردەما داهاتێ حکومەتا هەرێمێ زێدەببیت ب زیترین دەمی دێ موچەیێ فەرمانبەرانژی زێدەکەت و ئەڤرۆ ئەو چەند سەلماند، سەرباری وێ چەندێ دایە خۆیاکرن کو پشتی پەسەندکردنا پرۆژە یاسایا چاکسازی کو پرۆژەیەکێ رێگریێ ژ هەدەردانا هەر داهاتەکێ گشتی دگریت و دبیتە ئەگەر پتر داهاتێ حکومەتێ زێدە ببیت ل وی دەمی هیچ تشتەک نامینیت بناڤێ پاشکەفتێ موچەیی.
سەرۆک وەزیران د دوماهی کونفرانسێ خۆ یێ رۆژنامەڤانیدا ئاماژە دا کو هیچ حکومەتەک نینە پارە هەبیت و بسەر خەلکێ خۆدا دابەش نەکەت، وەک دبینن چەند داهات زێدەبوو ئێکسەر مۆچە هاتنە زێدەکرن، ژبەر وێ جەندێ ئەو لایەنێن لسەر وێ خەونێ دنڤن کو ژبەر داخازیا مافێن کارمەندان و خۆپیشاندانێن وان کو تا حزبان دەستێ خوە تێوەرنەدا د مەدەنی بوون دێ شێن دەست بسەر دەستهەلاتێدا گرن و ڤی وەلاتی پەریشانکەت، ئەوا نۆکە دبینین ئەداکرنا ئەرکێ حکومەتێیە بەرامبەر موچەخوردان و ئەوا ژنوکە وێڤە تێتە چاڤەرێکرن ئەوە کو کارمەند ئێدی بزانن حکومەتا وان هەر دەسهەلاتەکا هەبیت دێ بۆ بەرژوەندیا وان بکار ئینیت.