حکومەت و چارەسەرییا پرسا
March 28, 2018
وتار و بیروڕا
![حکومەت و چارەسەرییا پرسا](https://gulanmedia.com/public/old_images/nusaran/karwan-bady.jpg )
حکومەتا هەرێما کورستانێ ژلایێ خەلکیڤە هاتیە هەلبژاردن و هەرکەسەژێ چوبیتە پشت سندوقا دەنگدانێ باش دزانیت کو بێی گفاشتن و ترساندنا هیچ کەسەکێ دەنگێ خۆ دایە، پرانیا خەلکی باوەری دایە حزبەک یان چەند حزبێن سیاسی داکو حکومەتێ پێک بینن، پشتی پێژیئنانا ڤێ کابینا حکومەتێ کو ل دەستپێکێ یا بنکەفراوان بوو و پاشی گوران ژێ هاتەدەر و کومەل یەکگرتووژی، لێ یێ خودانێ بەرپرسیارێی هەر ماڤە.
دەما حکومەت خودان داهات و پارە و ئاڤەدانی و بۆدجە و سولفە هەین، هەمی حزبا ب حکومەتا خۆ دزانی، لێ دەمێ پەترول ئەرزانبووی، شەرێ داعش بسەردا هاتی، بەغدا پارە بڕی و کورسستان پربووی ژ ئاوارەیان هەمیان خۆ ڤەکێشا و جورئەتا وێ جەندێ نەکر بەرپرسیاریێ هەلگر و ژوانڤە بڤی دەستوداری دێ حکومەت هەرفیت و هیچ دەسهەلاتەک نامینیت، بۆ سەرئێخستنا وێ پیلانێژی هیچ نەما لدژی پارتی و حکومەتا هەرێما کوردستانێ نەکەن لێ سەرئەنجام حکومەت هەر ل جهێ خوەیە.
سەرۆک وەزیرێن کوردستانێ نێچیرڤان بارزانی د چەندین کونگرەیێن رۆژنامەڤانیدا ئەگەرێن سەرەکی یێن ڤێ قەیرانێ داینە خۆیاکر و یا خۆیایە کو د ئەڤ قەیرانە د دەسهەلاتا حکومەتا کوردستانێدا نینە و بەلکو ژلایێ بەغدا و دیڤەلانێکێن وەڤێڤە لدژی خەلکێ کوردستانێ هاتیە ئامادەکرن لێ هندەک حزبێێن سیاسی ژبەر چەند دەنگەکان خەلکی برێیەکا خەلەتدا دبەن و دبێژنێ کو پارە هەیە و حکومەتا کوردستانێ نادەت، لێ سەرباری ڤان هەمی گفاشتنان ئەوێ براستی مای دگەل خەلکێ خۆ و راستیان بۆ شرۆڤەدکەت بتنێ سەرۆکێ حکومەتێیە و د هەمی سەردەمێن خۆشی و نەخۆشیاندا بەرپرسیاریەتیێ هەلدگریت.