نها بازارێ پلێتێن گه‌شتێن نێڤه ده‌وله‌تێ ژ بۆ فرۆكخانه‌یێن هه‌ولێر و سلێمانێ گه‌رم بوویه، یێ سه‌یر ئه‌وه پێشتر هیچ ئاماژه‌یه‌ك بۆ گه‌هشتن بۆ ڤێ قۆناغێ نه‌دهاتن دیتن، له‌ورا گرنگه بزانین ئه‌و چ گڤاشتنن وه‌كرى عه‌بادى د هه‌ستیار ترین ده‌مێ خوه‌یێ ده‌سته‌لاتێ دا بریارێن وه‌ها نه‌رم ل دۆر هه‌رێما كوردستانێ بده‌ت، بۆ ڤان بریاران ژى عه‌بادى نه ب تنێ خێره‌كێ ناكه‌ت، به‌لكو ل ژێر وان هه‌ول و بزاڤێن حكومه‌تا هه‌رێمێ و دروستكرنا گڤاشتنان؛ سه‌رۆكێ حكومه‌تا نه‌چارى ڤان بریاران بوویه، ده‌ستپێكێ ب هنارتنا لێژنه‌یێن وردبینیێ ژلایێ به‌غدایێ ڤه؛ ئاماژه‌یێن بزاڤێن دبلۆماسێن سه‌رۆكێ حكومه‌تا هه‌رێمێ دیاربوون، بریا و سه‌د بریا خه‌لكێ كوردستانێ ژبۆ گوتارێن حه‌یده‌رێ عه‌بادى یێ رۆژانێن پشى ریفراندۆمێ و 16ى ئكتۆبه‌رێ ڤه‌گه‌ریت، خوه‌زى شرۆڤه‌كارێن سیاسى كێمه‌ك به‌راوردیێ دناڤبه‌را هه‌لوه‌ست و گه‌ڤ و گۆتارێن وى ده‌مێ یێن حه‌یده‌رێ عه‌بادى دگه‌ل هه‌لوه‌ست و گوتارێن وى یێن نها بكه‌ن، سه‌رۆكێ جڤاتا وه‌زیرێن ئیراقێ و گوتارێن خوه توند ب 180 پله‌یان هاتینه گوهارتن، له‌ورا ئه‌و سیاسه‌تا ل هه‌رێما كوردستانێ ل هه‌مبه‌رى عه‌بادى هاته بكارئینان، رێك ژ گه‌له‌ك بزاڤ و پلانێن دى یێن عه‌بادى و په‌رله‌مانێ وى گرتن، ژ هه‌موویان گرنگتر ژى ئه‌وه كو عه‌بادى هیچ ده‌مه‌كى ب روونشتن و سه‌رده‌رى كرن ل گه‌ل حكومه‌تا هه‌رێمێ رازى نه‌بوویه و ئه‌ڤه بخوه د گوتارێن عه‌بادى یێن پشتى روودانێن 16 ئكتۆبه‌رێ دهێنه دیتن، كو هه‌موو ده‌ما مه‌رجێ وى یێ سه‌ره‌كى هه‌لوه‌شاندنا ئه‌نجامێن ریفراندۆمێ بوو ژ ئالیێ سه‌رانێن هه‌رێما كوردستانێ، لێ ئه‌وا عه‌بادى دخواست و خه‌ون پێڤه ددیت ب جهـ نه‌هات، ئه‌و ژى نه‌شیا ئیراده‌یا چاكسازیێ ل ده‌ف حكومه‌تا هه‌رێمێ نه‌هێلیت، یان ژى ژ وێ یه‌كێ بێ هیڤى بوو كو خه‌لكێ كوردستانێ دژى حكومه‌تا هه‌رێمێ هان بده‌ت و بكه‌ته به‌هانه‌یه‌ك ژ بۆ ڤێ یه‌كێ ب هێرشێن سه‌ربازى ب سه‌ر پارێزگه‌هێن هه‌رێمێ دا بگریت، ئه‌ڤه هه‌موو بزاڤبوون ژ ئالیێ به‌غدایێ ڤه دهاتنه دیتن و كابینه‌یا نها حكومه‌تا هه‌رێمێ رێك ل وان هه‌موو پلانێن به‌غدایێ گرت، ل داویێ هه‌رێما كوردستانێ و حكومه‌تا وى ب ل هه‌مبه‌ر به‌غدایێ ب هێز و ل سه‌ر پێ مان و نه‌شكه‌ستن، لێ هیچ ئاماژیه‌ك نینه كو عه‌بادى ل كابینه‌یان بهێت پشكدارى ده‌سته‌لاتداریا ئیراقێ بیت، كه‌واته ئه‌وێن عه‌بادى بریار بۆ داى وه‌كو مووچه و ڤه‌كرنا گه‌شتێن ئاسمانى یێن فرۆكخانه‌یان و هه‌روه‌كو نێچیرڤان بارزانى سه‌رۆكێ حكومه‌تا هه‌رێمێ ب نه‌راسته‌وخوه گۆتێ، حكومه‌تا ئیراقێ و سه‌رۆكێ وێ ب ڤان بریارێن ده‌رباره‌ى و مووچه و فرۆكخانه‌یان هیچ خێره‌كێ ناكه‌ت و ئه‌ڤه ژ مافێن خوارى یێن خه‌لكێ كوردستانێ نه، گۆتنێن سه‌رۆكێ جڤاتا وه‌زیرێن هه‌رێمێ ل داوى پرێسكۆنفرانسێ وی یێ رۆژا سێ شه‌مبی 13ى ئادارێ وه‌كو خۆدیكه‌كێ؛ حكومه‌ته‌كا ب هێز و هه‌رێمه‌كا ب هێز نیشان دده‌ت، ئیدى سه‌ره‌دانێن نێچیرڤان بارزانى و سیاسه‌تكرنا وى یا دروست ل هه‌مبه‌ر گه‌فێن به‌غدایێ ل قۆناغا پشتى 16ى ئكتۆبه‌رێ هیچ رێكه‌ك ژبۆ به‌رده‌وامیدان ب دۆرپێچێن سه‌ر هه‌رێما كوردستانێ نه‌هێلا، هه‌تا ڤێرێ ژى نیڤا رێكێ ده‌ربازبوو، یا دمینیت ئه‌وه پارتێن سیاسى یێن كوردستانێ ل پشت حكومه‌تا هه‌رێمێ راوه‌ستن، و ئه‌و پارتێن بچووكێن كو پێشتر ل رێزا وان سزایێن ب سه‌ر كوردستانێ هاتینه سه‌پاندن ده‌ست دقۆتان و وه‌كو مزگینى ددیتن، ژ لایێ خه‌لكى بهێنه سزادان و هه‌لبژارتنێن بهێت چار سالێن ژیاره‌كا ئارام و ئێكلاكه‌ر بن
کارزان فەقێ
