د مێژووێدا بتایبەتیژی مێژوویا نویدا هەردەم دەسەڵاتدارێن بەغدا زول وزۆریەکا مەزن ل گەلێن ئیراقیکریە لێ بتایبەت ل هەمبەری گەلێ کوردستانی گەلەک ب دژواری زولمکریە و هەموو جورە ئەشذکەنجە و ژناڤبرنەک لسەر کوردان تاقیکریە، ئەوا ئەڤروژی دهێتەکرن درێژەپیدەرا وان سیاسەتێن بەرێیە لدژی گەلێ کورد لێ ب شێوازەکێ نوی.
برسیکرن لژێر ناڤێ هەر بەهانەیەکێ بیت ئێکە ژ جۆرێن جینوسایدی، سەلماندنا وێ جەندێیە کۆ ئەوی وڵاتی د نهادا بتنێ پێچێدبیت خەلکەکێ برسیبکەت لەورا وەدکەت و ئەگەر سوباهی ببیتە خۆدان دەسهەڵات و هیز دە وەک رژێمێن بەرێ هەموو جورە چەکەکێ بکارئینیت و بەلكۆ دژوارترژی.
مۆچەبرینا خەلکێ کوردستانی بۆ شکاندنا غرورا کوردانە، بۆ هندێیە کورد ب نەجاری و زەلیلی نکەڤنە دەستێن واندا و وەژی ئەو دخازن دەسەهەلاتداریێ بەسەر کورداندا بسەپینینن، پاشی کیانێ سیاسی یێ هەرێما کوردستانێ بهەلوەشینن و سەردەریا پاریزگەهان دگەلدا بکەن و پشتراژی کوردان پەرتەوازە بکەن و ژێکودابکەن و هەتا ڤێکرا بەردەن شەرێن ناڤخۆیی ناڤبەرا واندا چێکەن، دگەل وێ چەندێژی ئەو زولما بەری نوکە سوننەیێن ئیراقێ بسەرێ کورد و شیعەیاندا ئینای نوکە شیعە دیسان بسەرێ سونە و کوردان دئینن.
پشتی بویەرێن ١٦ ئوکتوبەرێ کو تێدا خیانەتەکا مەزن هاتەکرن، خاکا کوردستانێ ب هەروە هاتە پیشکێشکرن بۆ بەغدا و غرورکا مەزن سەرێ دەسهەلاتدارێن بەگدا ڤەگرت و وەسا زانین کۆ ئەوان داستانەکا مەزن تومارکریە و پشتی شەرەکێ دژوار ئەو دەڤەر گرتینە و ژبیرا خۆ بر کۆ ژ ئەنجامێ رێکەفتنەکا وان دگەل تاقمەکێ خیانەتکارێ ئێکەتێی ئەو خاک گرتیە و ئەو خرۆرا وان وەل وانکر هێرشێ بکەنە سەر هەولێر و دهوکێ برێکا پردێ و سحێلا و سێمالکا و مەحمودیێ و دەڤەرێن سەددا موسل، لێ هێزێن پیشمەرگەی وانەیەک نهیشانی واندان کو ئەڤە نە ئەو تاقما خیانەتکارە و هاتنە پیشا حەشدا شەعبی نە کارەکێ ئاسانە بۆ ڤان دەڤەران، لەورا پشتی بێ هیڤیبوونا بەغدا ژ پیشرەویا سەربازی پەنا بریە بەر هندێ ب کوشتنا دەمی زێدەتر خەلکێ کوردستانێ بێزار بکەت و رۆژانە سۆزێن ژ درەو بدەن.
ئەو سەبر و هەدارا هەتا نوکە سەرکردایەتیا کوردی و بتایبەتژی سەرۆکێ حکومەتا هەرێما کوردستانێ نیچیرڤان بارزانی کێشای و دکێشیت بتنێ بۆ هندێیە رێگری ژ خوینرشتنەکا مەزن بێتەگرتن، و باوەریا وییە ب رێ چارەیا ئاشتیانە و دانوستانان لێ وەک دبینین بەغدا ڤێ چەندێ هەمیێ بپشتگوهڤە تاڤێت و گۆهداریا هیچ شیرەتەکێ ناکەت داکو ئاشتێ و ئارامی ل ئیراقێ و کوردستانێ بەرقەرار بیت.