گەلەک جاران دەما تەماشە دکەین پەرلەمان پرۆژە یاسایەکێ پەسەند دکەت ئەم وەسا تێدگەهین کۆ ئەو کار بتنێ پەرلەمانی کریە، بەلێ گەلەک جارانژی ئەو یاسا ژلایێ حکومەتێڤە هاتیە پەسەندکرن و پاشی هاتیە رەوانەکرن بۆ پەرلەمانێ کوردستانێ دا دەنگ لسەر بێتە دان.
نوکە کار لسەر پرۆژە یاسایا چاکسازییا خانەنشینی کو ژلایێ حکومەتا هەرێما کوردستانێڤە هاتیە پێشنیازکرن و نها ل پەرلەمانێ کوردستانێ کار لسەر پەسەندکرنا وێ دهێتەکرن، پرۆژەیەکە رێگریێ دکەت ژ بن دیوار و دووموچە و پلە تایبەتێن نە شایستە کو ئەڤەژێ پێنگاڤەگا هەرە گرنگە د بیاڤێ شەفافیەتێدا، سەرباری وێ چەندێ هەرێما کوردستانێ و روومەتا وێ لجاڤ ئیراقێ و وڵاتێن دەورووبەر بلندتر دکەت ژرویێ بەرهەنگاربوونا گەندەڵیێدا.
پرۆژەیێن چاکسازیێ ل هەموو دنیایێ دبنە ئەگەرێ هندێ خەلکەک پتر د خۆشگۆزەرانێیدا بژیت، ژبەر وێ جەندێ حکومەتا هەرێما کوردستانی هەردەم تەکەزێ لسەر پرۆژەیێن چاکسازیێ دکەت، ئەگەر پرسیاربێتەکرن بۆچی سەرۆکێ حکومەتا هەرێمێ تا وی رادەی تەکەزێ لسەر پرۆژەیێ چاکسازی دکەت، بەرسڤ ئەوە کۆ چاکسازی بخۆ باشترین پشتەڤانێ کارێن وییە ب دشێت ب سەناهی لسەر ئاستەنگان زالبین و بەرۆڤاژی گەندەلی بخۆ رێگریێ د کارێ سەرۆکێ حکومەتێدا دکەت ئاستەنگان بۆ دروست دکەت.
دگەل بریاردانێ لسەر پرۆژەیێ بایومەتری حکومەتا کوردستانێ پێةگاڤەکا مەزن هاڤێت ب مەرەما چەسپاندنا شەفافیەتێ،هەر ژبەر وێ چەندێ هیچ هێجەتەک بۆ هیچ لایەنەکێ نەهێلا کو گازندەیان لسەر بن دیوار و موچەیێن زێدە بکەن، ئەوا مای نوکە کار لسەر تێتە کرن ئەو یاسا بێنە راستڤەکرنڤە یێن رێ ددان کەسەکی ژ موچەیەکێ زێدەتر هەبیت و ب راستڤەکرنا وێ یاسایێژی دە دیسان حکومەت پێنگاڤەکا دی بەرەڤ شەفافیەتێ هاڤێژیت.
مەسەلا چاکسازیا داهاتێ پەترولێدا، حکومەتا هەرێمی بتایبەت سەرۆک وەزیران نێچیرڤان بارزانی تەکەز لسەر شەفافیەتا داهاتێ نەفتێ کریە، ژبەر وێ چەندێژی باشترین کۆمپانیا جیهانی یا بیاڤێ وردبینیا داهاتێ نەفتێ بانگهێشتی هەرێما کوردستانێ کریە کۆ ئەوژی کومپانیا ناڤدارا جیهانی دیلیۆتە، کو لسەر ئاستێ دنیایێ یا باوەرپێکریە و راپۆرتێن وێ ژلایێ جڤاکێ نیڤدەوڵەتیڤە دهێنە باوەرپێکرن، ئەو کومپانیا نو سەرپەرشتیا وردبینا فروتن و دەرئینان پەترولا هەرێمێ دکەت و راپۆرتا خوە بەلاڤ دکەت کو ب وێ راپۆرتێ بیاڤێ گەنگەشێ بۆ هیچ لایەنەکێ ناهیلیت.