پشتی ئالوزبوونا پەیوندیێن ناڤبەرا بەغدا هەولێر بتایبەت پشتی ١٦ ئوکتوبەرێ حکومەتا ئیراقێ دەست بسەر کەرکووک و دەڤەرێت مادا ١٤٠ یا دەستوورێ ئیراقیدا گرتی و هەوڵدای برێکا سەربازی هێرشێ بکەتە سەر هەولێر و دەروازەیا فیشخابوور لێ رێگریکرن ژوان ژلایێ پێشمەرگەیڤە ئەو پیلان ژناڤبر، سەرباری وێ چەندێ نێچیرڤان بارزانی سەرۆکێ حکومەتا هەرێما کوردستانێ هەموو بزاڤەکر کو وان گرژیان کێمبکەت و ئالوزی زیدەتر لێنەهێن، هەر ژ بەو رێ چەندی د دیدارێن خۆدا دگەل شاندێن بیانی و تەکەز لسەر چارەسەکردنا ئاریشەیێین دگەل بەغدا لژێر رەوشا دەستووری ئیراقێ دکر و دویر ژ ئالوزی و گرژیان و خوین رشتنی، بارزانی د داخویانیێن خۆدا ئەو ل بیرا ئیراقێ دئینا کو شەر ژبلی مالوێرانی و دەربەدەری و خوینرشتنی و زەرەرمەندبوونا هەموو ئیراقیان ب کورد و عەرەبڤە چدی بەرهەم نائینین، بارزانی کو ب هندێ ناڤودەنگە گرنگیێ ددەتە ئاڤەدانی و وەبەرهێنان و ئابوورێ و خۆشگوزەرانیا خەلکێ، هەموو بزاڤەکێ دکەت کو موچەیێ فەرمانبەرێن هەرێما خۆ ژ ئیراقێ لگوری دەستووری کو دڤێت ئیراق ١٧% بودجەیا گشتی بدەتە هەرێمی بەردەست بکەت، لێ هەتا نوکە ئیراقێ ئەو کار ئەنجامنەدایە و ژ سالا ٢٠١٤ وەرە پارە ژ هەرێمێ برییە.
ئەوا کو نوکە کوردان هانددەت پشتەڤانیا سەرۆک وەزیرێن خوە بکەن داکو ببیتە کاندێدێ خەلاتێ نوبل یێ ئاشتیێ ئەوە کو وڵاتێ وان ژ شەرەکێ مەزن پاراستیە، جەخت لسەر ئاشتی و دانوستان و دیالوکێ کریە، رێ نیشا هەموو جیهانێ دا کو ئەو ناخازن شەری بکەن و دخازن ئاریشەیان برێکا دەستووری و یاسایێ و مافێ هاولاتیان دگەل بەغدا چارەسەربکەن و بو وێ مەبەستێژی دگەل حەیدەر عەبادی سەرۆک وەزیرێن ئیراقێ رونشتیە و ئەو داخاز ژێ دووبارەکرینەڤە.
ل جیهانێ هەموو نەتەوەیەک دخازن سەرکردە و کەسایەتیێن وان بۆ وی خەلاتی بێنە بەربژراکردن، ئەگەر تەماشەی ملەتێ کورد بکەین ئەوژی وەکە هەموو خەلکێ دنیایێ ژ هەژی وەرگرتنا خەلاتینە، داکو خەلک بزانیت کورد هەردەم دگەل ئاشتی و ئارامێێدابوونە و هەردەم وان بەرەڤانی ژخۆ کریە و هیچ دەمەکێ هێرش نەکریە سەر هیچ نەتەوەیەکا دی، ئەوا جهێ سەرنجێژی ئەوە هەتان نۆکە کورد هەست ب خەمساریەکا مەزن دکەن ژلایێ جڤاک و رێکخراوێن نیڤدەولەتیڤە کو ب گرنیگیڤە تەماشەی پێنگاڤێن کوردان ناکەن بۆ چەسپاندنا ئاشتی و ئارامێی و داخازکر ژبو راگرتنا خوینرشتنێ.