دما ئەم تەماشەی روویدانێن پشتی ریفراندومێ و بتایبەتیژی یێن پشتی ١٦ ئوکتوبەرێ دکەین دبینین کو حکومەتا بەغدا ب پشتەڤانیا وڵاتێن ئەقلیمی دەست ب گڤاشێن مەزن یێن سیاسی و ئابووری و ئەمنی و خزمەتگوزاری دگەل هەرێما کوردستانێ و خەلكێ وێ کرینە هەتا نوکە خەلک یێ باجا وان گڤاشتنان ددەت.
گرتنا بالەفرگەها و دەرگەهێن سنووری، هێرشێن سەربازی و دەستێوەردان د کاروبارێن دادگەها فیدرالیدا بۆ گوهرینا دەسهەلاتێن هەرێما کوردستانێ و بەردەوامیدان ب بڕینا بودجە و برێکا چەند لایەنەکێن ناڤخۆیی بزاڤکرن بۆ ژناڤبرنا حکومەتا هەرێمێ و هەڵوەشاندنا کیانێ سیاسی و یاسایی یێ هەرێما کورستانێ ژوان بزاڤانە یێن کو حەتا حەفكێ ئیراق ئێخستیە د بن سەرپێچێین یاسایی و دەستووری و مروڤیدا بەرامبەر خەلکێ کوردستانێ کو لگوری دەستووری بەشەکن ژ خەلکێ ئیراقا فیدرال.
د هەماندەمدا دەما سەحدکەینە مەرجێن بەغدا بۆ دانوستان و هنارتنا موچەیێ فەرمانبەران و دانا شایستەیێن دارایی یێن خەلکێ کوردستانێ دبینین کو ئەو مەرج زێدەتر غرورینە وەک مەبدەئی و نیازپاکی بن بۆ چارەسەرکردنا کێشەیان، چونکی حکومەتا هەرێمێ هەموو بەرهەڤیەک دەربریە بۆ وێ چەندێ کۆ دگەل بەغدا بگەهنە رێکەفتنەکێ لێ بەغدا هیچ پێنگاڤەکێ نەهاتە پێش.
سیاسەتا نەرما نێچیرڤان بارزانی سەرۆک وەزێرێن حکومەتا هەرێما کوردستانێ وەک سیاسیەکێ گەنج و دنیابینینەکان نوی شیا هەموو بەهانە و هێچەتێن بەغدا بنبر بکەت، بارزانی بەرەهەڤیا هەرێما کوردستانێ دەبریە بۆ وێ چەندی کو د هەمی بیاڤاندا دگەک بەغدا لسەر بنەمایێ دەستوورێ ئیراقێ بگەهنە رێکەفتنێم هەرێما کورستانێ هیچ ئاریشەک دگەل جێبەجێکرنا دەستوورێ ئیراقێ نینە، بەرۆڤاژێ جێبەجێنەکرنا وی دەستوری ژلایێ بەغداڤە بۆیە ئەگەر کورد پێنگاڤان بهاڤێژن بۆ ئەنجامدانا ریفراندومێ و هزر دهنێدا بکەن کو سەربخۆ بژین، ژبەرکو ئەگەر ئەم تەماشەی ناڤەروکا دەستوورێ ئیراقێ بکەین تا رادەیەکی زۆر مافێن خەلکێ کوردستانێ تێدا د پاراستینە لێ هەر ئەو مافەنە دەسەڵاتدارێن بەغدا تەنگاڤکرین و وان مافان مینا برینا بۆدجە و پێنەدانا چەکی ب پێشمەرگە و جێبەجێنەکرنا مادەێ ١٤٠ و پشتگهوئێخستنا کوردان د بیاڤێ هەڤبەشیا دەسهەلاتێدا و گەفکرن ب رێیا سەربازی بۆ داگیرکرنا هەرێما کوردستانێ ئەو بوینە ئەگەر کو بەغدا توشی خەلەتێین مەزن ببیت دگەل خەلکێ هەرێما کوردستانێ.
دەما سەرۆکێ حکومەتا هەرێما کوردستانی د هەموو بەیاننامە و دیدار و کونفرانسێن خۆ یێن رۆژنامەڤانیدا ئاماژە ب وێ چەندێ دکەت کو ئەو بەهەڤن هەموو هەماهەنگیەکێ دگەل بەغدا بکەن پیخەمەت چارەسەرکرنا کێشەیان بتایبەت بلەز کێشەیێن موچە و ڤەکرنا بالەفرگەهان هەموو پێخەمەت بەرژەوەندیا خەلکێ کوردستانێی، د هەماندەمدا پێگەهێ نێچیرڤان بازرانی لسەر ئاستێ ئیقلیمی و نێڤدەوڵەتی هەتا وی رادە یێ بهێزە تا بشێت بەغدا نەچاربکەت مافێن خەلكێ کوردستانێ دابین بکەت، سەرباری خۆ ڤەدزینا بەغدا ژ چارەسەریێ و دانوستانان، سیاسەتا نەرم و راست و سەردەمیانە یا نێچیرڤان بارزانی چاوا ئەو رازیکرن دەست ب دانوستانان بکەن دێ ب وی ئاواییژی وان نەچارکەت مافێن خەلکێ کوردستانێ لگوری دەستووری دابین بکەن.