کوربەندا ئابوریی یا جیھانی ل داڤوس کو سالانە ب پشکداریا سەدان ئابوریناس و ئەکادیمی و سەروک وەلات و خوەدی سەرمایەداران تێتە دارخستن , و ھەر سالێ و بەحس ژ تەوەرەک گرنگ گرێدای ب پاشەروژا جیھانێ ڤە تێتە شروڤەکرن و دانوستاندن ل سەر کرن , تایبەت دبیاڤێ ئابوری دا.ل ڤێ گەرێ دا بو خوشگوەزرانیا تەڤایا جیھانێ د پاشەروژێ دا ئەڤ ھەمی سەرکردێن جیھانی ل باژەروکێ داڤوسێ سویسری ژێک کومبوینە. و ئەڤ کوربەندا ئابوری ژی دەرفەتەکا باشە بو ھندێ سیاسی کو یاریکەرێن مەزنن ب ئابوری جیھانێ لێک نیزیک ببن و پێکولا بەرەف پێشچونا پەیوەندیێن دووئالی بدەن.ھەروەسا کار بو کێم کرنا ئالوزیێن سیاسی ژی دئێتە کرن.
پشتی ریدانێن شازدێ ئوکتوبەرا رەش و خیانەتکار کو واقعەکێ غروری ل دەف سەرکردێن عیراقێ ئینایە روژەڤێ , و ھەروەساناکوکیێن مەزن ل ناڤا ئالیێن سیاسیێن ھەرێمی دەرکەفتی و ئەو کریزا ئابوریا کوردستان ڤەگرتی کو ب چەند ئەگەرێن دیر و درێژ ڤەگرێدایە ھەر ئیدارەدانا خرب و گەندەلی و تەسکیا حزبی و ھژمارا زورا ئاواران و قوتکرنا بوجێ کوردستانێ ژ ئالیێ بەغداڤە و شەرێ داعشێ و داکەفتنا بھایێ نەفتێ و ئەو دورپێچا کو عیراقێ دیر ژ ھەمی بھایەکێ ئێخستیە سەر کوردستانێ , بەشداریا وەفدا کوردستانێ ب سەروکاتیا نێچیرڤان بارزانی سەروک وەزیرێن کوردستانێ کو ب ئاراستەکێ راست دەستپێکر ئەو ژی سەرەدانا بەغدا و دیڤدا تەھران و ئەو کومبونێن گرنگ کو روپەلەکێ نویێ پەیوەندییان ڤەکر ل گەل بەغدا و تەھران کو ل پێشبینیا کەسێ دا نەبو.
بەشداریا کوردان ل داڤوس پشتی سێ پێنگاڤێن گرنگێن حکومەتا ھەرێما کوردستانێ دئێت ئەو ژی پاراستنا کیانێ دەستوری یێ کوردستانێ ل لابرنێ و شەرێ نافخوی , ئەڤ چەندە ژی ناڤبرنا تەوەرێ دوویێ و سیێ یێ خیانەتا شازدێ ئوکتوبەرێ بو . ھەروەسا بریارا چاکسازیێ کو ب وان بریارێن سەروک وەزیران ئەگەر دیفچونک جدی بو ھەبیت و ھاریکاریا ھەمی ئالیان ھەبیت وی دەمی دێ داھاتەک مەزن زڤریتەڤە بو خەزینا دەولەتێ. ل پێنگاڤا سیێ و گرنگ کو حکومەتا ھەرێما کوردستانێ بەری داڤوس کری شکاندنا دورپێچا سیاسی و دبلوماسی بو ل سەرکوردستانێ و ھەروەسا سەرەدانا بەغدا بو کو ددەمەکێ دا بەغدا مەرجێن گران ھەبون بو ھندێ ل گەل کوردان کومببیت.لەوما دەمێ خاندنێ بو چالاکیێن وەفدا حکومەتا کوردستانێ دکەین ل داڤوس ھێزەک زور ب وەفدا کورد ڤە دیارە و بەلگە ژی کومبونێن زور و گرنگ و سەر ئاستێ وەلاتێن مەزنن.
پشکداریا کوردستانێ ل داڤوس بو کوردستانێ سێ تەوەرێن گرنگ دا دیار دبیت .
(١)
کومبونا ناڤبەرا نێچیرڤان بارزانی و حەیدەر عەبادی ل کوربەندا داڤوس , کو ب کومبونا دوویێ تێتە دانان ل ھەفیتەکێ ناڤبەرا ھەردووک سەروک وەزیران . پێنگاڤەکا گرنگ بو بو چارەسەرکرنا کریزێن ناڤبەرا ھەولێرو بەغدا و ھەردوو ئالیان دووپاتی ل سەر چارەسەریا ھەمی کێشان کریە ل دیف دەستورێ عیراقێ و ب مەرجێ جێ بەجێ کرنا دەستوری ب ئێک پاکێچ نە ب پرت پرت و یا دڤێت جێ بەجێ بکەن و یا نەڤێت ژی بنپێ بکەن. ھەروەسا ل ڤێ دیدارا کورت دا بەحس ژ بەردەوامی دان ب کومبونا ھەتا دگەھنە چارەسەریا داویێ یا ھەمی کێشەیان.ھەروەسا دەستپێشخەریا بارزانی بەرامبەر عەبادی و بەغدا ھێزەک ب کومبونێن دیتر دا ل گەل وەفدێن جیھانی و ب کورتی یا ل سەر ھەرێمێ بو بارزانی ب رەنگەکێ دبلوماسی ئەداکر و ل سەر وەلاتێن جیھانی یە زێدەتر ھاریکاری چارەسەریا کریزێن ناڤبەرا ھەولێر و بەغدا بکەن.
(٢)
دووبارە ڤەبونا دەرگەھێن پەیوەندییان ل گەل وەلاتێن دەرڤە ب رەنگەکێ باش و بەرھەمدار و سەر ئاستەکێ بلند , پشتی ریدانێن شازدێ ئوکتوبەرێ و ئەو واقعێ دەستکرد و خائیناوی کو کوردستان ھەتا رادەکێ ھاتبو دورپێچکرن , ل پەیوەندی کرن ب دەرڤە ھاتبیە سنوردارکرن . بەلێ ب پێنگاڤێن سەروکێ حکومەتێ بەری داڤوس و ئەو دیدارێن گرنگێن ل داڤوس کو پێکھاتبون ل کومبون ل گەل شاھێ ئوردن و سەروک وەزیرێن ھەرئێک ژ کەنەدا و نەرویج و ھولەندا و لوبنان و ئەرمینیا , وەزیرێ دەرڤەیێ وەلاتێن ئێکگرتیێن ئەمریکی ریکس تیلیرسون و وەزیرا بەرەڤانیا ئەلمانیا و نونەرێ سەروک وەزیرێن ژاپون و جێگرێ سکرتێرێ گشتی یێ نەتەوەێن ئێکگرتی و سەروکێ پارتا نەھزەیا تونسی ..., سەرەرایێ دەھان دیدارێن دیێن ئابوری , کو د ھەمی دیداران دا رولێ ھەرێما کوردستانێ بلند ھاتیە نرخاندن و بەحس ژ چارەسەریا کێشێن ناڤبەرا ھەولێر و بەغدا ھاتەکرن دیف دەستورێ عیراقێ . ل ڤان دیدارێن گرنگیا پێگەھێ کوردستانێ دیار دبیت.
(٣ )
ژ ئالیێ ئابوری ڤە ئەڤ دەرفەتا ل داڤوس ھاتیە پێش زورا گرنگ بو , ژ بەرکو پرانیا ئەو کەسێن کاریگەری ل سەر ئاراستێ ئابورێ جیھانێ ھەی ل ڤێ کوربەندێ پشکدارن و ئەو دیدارێن سەروکێ حکومەتا ھەرێمێ گرنتیا پاراستنا وان کومپانیا و خوەدی سەرمایان ددەت بو ھندێ ب ھەمی شیان ڤە بو بازارێن کوردستانێ ڤەگەرن ب ھەمی باوەری ڤە و ژ بەرکو ئارامیا سیاسی بنگەھێ سەرەکی یێ ئابورێ پێشکەفتی یە.
ب خاندنا دبلوماسی و سیاسی و ئابوری سەرەدانا وەفدا کوردستانێ بو داڤوس زور بەرھەمدار و گرنگ بو ب ھیڤیا ھندێ کو ل نافخوی ژی تایبەت ل مەیدانا چاکسازیێ دا سەروکێ حکومەتێ و ئەو تیما ل گەل دا گرنگیێ ب چاکسازیێ بدەن و ئەو بریارێن دای ب ھەفکاریا ھەمی ئالیەکێ دیفچونێ بو بکەن و سەرکەفتنا دبلوماسی ب چاکسازیێ ڤە گرێدەن بو ھندێ چ جاران ریبریێ قەیرانێن ڤی ئاوایی نەبین.