دەرگەهێن مەزن رووێی نێچیرڤان بارزانیدا دهێنە ڤەکرن
کاروان بادی
بۆ بەرسڤادان وێ پیلانا بەغدا و دانا پەیامەکا روون بۆ کاربەدەستێن ئیراقی کو کورد نەبتنینە و حکومەتا هەرێما کوردستانێ خۆدان شەرعیەتە و دڤێت بەغدا ریزێ ژ وێ شەرعیەتێ بگریت د ئیکەم دەستپێشخەریدا وڵاتێ زلهیزی جیهانی فرەنسا لسەر ئاستێ بلند پیشوازی ژ نێچیرڤان بارزانی کر و ل پاریسێ لسەرزارای ئەمانوێل ماکرۆن داخاز ژ بەغدا هاتەکرن ریزی ژ مافێن کوردان بگریت، ئەڤە و د هەمان دەمدا ل بەرلینێژی پیشوازی ژ بارزانی هاتەکرن و دیسان لسەر ئاستێ سەرۆکا وڵاتی پشتەڤانیا ئەلمانیا زلهیز بۆ داخوازی و مافێن گەلێ کوردستانی د چواچوڤێ دەستوورێ ئیراقیدا هاتە دیارکرن و گفاش بۆ سەر بەغدا زێدەکرن کو دانوستانان دەستپێبکەت و دوورپێچا لسەر کوردستانی راکەت، ئەوا نوکە دهێتە چاڤەرێکرن سەرەدانا نیچیرڤان بارزانی سەرۆکێ حکومەتا هەرێما کورستانێیە بۆ لەندەن کو دهێتە جاڤەرێکرن سەردانەکا گرنگ بیت و دەرەنجامێن پراکتیکی ژێ دەربکەڤن، ژبەرکو بریتانیا نو د پەیوندیەکا گەرمدایە دگەل بەغدا و دشێت راستەوخۆ کارتێکرنێ لسەر وی وەڵاتی بکەت.
ئەو سەردانا بارزانی بپ لەندەن د دەمەکێدایە کو دهێتە چاڤەرێکرن دلگرانیا خەلکێ کوردستانێ بۆ بریتانیا بێتە دیاکرن بتایبەت د مەسەلا بێدەنگیا وان لهەمەری وێ هێرشا بۆ سەر کەرکووک و خۆرماتوو و دەڤەرێن کێشەلسەر ژلایێ حشدا شعبیڤە هاتیەکرن و نەرازیبوونا بەریتانیا بۆ باسکرنا پرسا کوردان ل جڤاتا ئاسایشا نیڤدەولەتی، سەرباری وێ چەندی دبیت داخاز ژ وی وڵاتی بێتەکرن کو رولی خۆیێ دوستانە بگێریت داکو دانوستان ناڤبەرا بەغدا و هەولیرە بێنە ئەنجامدان.
ئەوا دهێتە چاڤەرێکرن ژ بەریتانیا کو سەرباری پاراستنا بەرژەوندیێن خۆ یێن ئابووری بتایبەت د بیاڤی پەترولیدا دگەل بەغدا هەڤکارەکبیت بۆ دووبارە دەستپێکرنا دانوستانان و جارەسەکرنا کێشەێن هەلاویستی ناڤبەرا هەردوولایاندا.
لی ئەوا هەتا نوکە جهی تێبینی ئەوە کو تا نها بریتانیا ژڤانی دروست یێ ئەنجامدانا سەرەدانا شاندا حکومەتا کوردستانی ب سەرۆکاتیا نێچیرڤان بارزانی بۆ لەندەن دیار نەکریە و چونکی دگەل سەرەدانا شاندی بۆ وی وەلاتی رامانەکا دی ددەت کو ئیدی بەریتانیاژی وەک وەلاتێن دی حکومەتا هەرێمی ب حکومەتەکا شەرعی دزانیت و ب لایەنێ شەرعی ێی هەرێما کوردستانی دزانیت بۆ ئەنجامدانا هەر جورە دانوستانەکێ دگەل بەغدا بۆ ئێکلاییکرنا کیشەیان و جارەسەکرنا وان.
