هەمی سێشەمبیان حەیدەر عەبادی سەروکوەزیرێن ئیراقێ، گەلەک ب باوەری بخوبوون ڤە دهێتە پشت مایکان و ب گوتنا چەند گوتنێن چ راستی و بنەما بوو نەبن و بێی چ شەرمەکێ ژ پۆست و پلەیا خوە بکەت، گوتارەکا تژی ژ گوتنێن چ بنەما بو نەبن ددەت، د هەمی گوتارێن خوەدا دبێژیت ب چ رەنگان ئەم وەلاتیێن خوە ل هەرێما کوردستانێ سزا نادەین، باشە گرتنا فروکخانەیان و برینا بودجەیێ خەلکی و نە هنارتنا پارەیێ پێشمەرگەی و نەهنارتنا پارەیێ گەنمێ جوتیارێن هەرێمێ یێ چەندین سالا و تالانکرنا مال و حالێن وەلاتیێن کورد ل دەڤەرێن ناکوکی ل سەر و ئەو دورپێچا نها تە دانایە سەر هەرێمێ چیە ئەگەر سزادان نەبیت؟ د گوتارا وی یا ڤێ حەفتیێ دا ب ئاشکرایی خەلک هانددا بۆ دژاتیکرنا حکومەتا نها یا هەرێمێ ، ب تایبەت دەمێ گوتی ئەو پەترولا نها هەرێما کوردستانێ دهنێریتە ژ دەرڤە تێرا موچەیێن وەلاتیێن هەرێمێ دکەت، لێ سەرکوەزیرێن هەرێمێ راگەهاند ب داتا و دێ بەرسڤێ دەین و چ راستی بو ڤێ گوتنێ نینن، ئێک ژ خالین دی یێن ئازراندنێ د گوتارا وی دا ئاماژە ب هنارتنا پارێ گەنمێ جوتیارێن هەرێمێ یێن چوار سالان کر لێ ب گوتنا پەرلەمانتارا و کەسێن ئاگەهی ژ ڤی بابەتی هەی تانها ئەو پارە نەگەهشتیە.
حەیدەر عەبادی هێشتا ب درستی نزانینت چەوا سەرەدەریێ دگەل رەوشێ بکەت ب تنێ هزرا وی ئەوە دێ چەوا بیتە سۆپەر مەنێ جادەیا ئیراقی و ئاغایێ دەستەلاتدارێن ئیرانی، لەورا د هەر گوتارەکێ دا چەند مەرجێن نی د دانیت بۆ دانوستاندنا بۆ هەر مەرجەکی ژی حکومەتا هەرێمێ ئامادەیا خوە نیشاندایە د چارچووڤەیێ دەستووری دا دانوستاندنا بکەن و پرسا رادەستکرنا فرۆکخانەیان و دەرگەهێن سنوری ژی دانوستاندن ل سەر بهێنە کرن، باشە ئەگەر ئەو مەرجێن عەبادی پێشێلکرنا دەستوری نەبن بۆچی حکومەتا هەرێمێ هند یا رژدە دانوستاندنان ل سەر هەر پرسەکێ د چارچوڤەیێ دەستوری دا بکەت ئەڤە ژی د گۆتارێن سەرۆک وەزیرێن هەرێما کوردستانێ دا ب ئاشکرای دیارن ل دۆماهیک گوتار ژی دا ئاماژە دا هندێ بۆ هەر بابەتەکی هەتا کو پرسا فروتنا پەترولێ ژی بیت ئامادەنە دانوستاندنا بکەن و ب داتا بەرسڤا هەر پرسەکێ بدەن و ئەو لیدوانێن ل سەر وێ پرسێ دهێنە دان چ راستیەک بۆ نینە ، دیسان ئامادەیا خوە ژی بۆ دیارکرنا لیستا موچە خورێن هەرێمێ ژی دیارکر، ئەڤە هەمی ئاماژەیێن رونن یا کو حەیدەر عەبادی و حکومەتا وی دکەن پێشێلکاریێن سوور و سوورن د دەرحەقا وەلاتیێن هەرێمێ دا، هەردەم عەبادی دبێژیت وەلاتیێن کورد سزا نادەین ، سەرۆک وەزیرێن هەرێمێ د داوی گوتارا خوەدا بەرسڤا وی دا دەمێ راگەهاندی گەر هوسا نەبیت بۆچی نا سەحکەیە بارودوخێ کوردان ل دۆزخورماتو و دەڤەرێن دی یێن کوردستانی یێن دەرڤەیی ئیدارەیا هەرێمێ، کو پشتی رودانێن شازدەی ئۆکتۆبەرێ ب هزران وەلاتیێن کورد ل دەڤەرێن ناکۆکی ل سەر مال و حالێن وان هاتنە دەرخستن و مالێن وان هاتن سوتن و تالانکرن ژ لایێ عەرەبان ڤە ب هاریکاریا حەشدا شەعبی و پۆلیسێن فیدرال ڤە، ئەڤە چ سوزەکە تە بۆ هەمی وەلاتیێن ئیراقێ هەیە؟
یا نها عەبادی دکەت ب تنێ رێکلامەکە بۆ هەلبژارتنان و ب هزرا وی دەستپێنەکرنا دانوستاندنا و سزادانا هەرێمێ بۆ وی باشترین دەلیڤەیە بۆ شرینکرنا خوە ل هەمبەر جادەیا ئیراقی لێ دڤێت بزانیت دەم و سزادانا وەلاتیێن کورد د بەرژەوەندا وی دا نینە .