سەرەدانا نێچیرڤان بارزانی بۆ ئەلمانیا و رەنگڤەدانێن وێ
December 20, 2017
وتار و بیروڕا
![سەرەدانا نێچیرڤان بارزانی بۆ ئەلمانیا و رەنگڤەدانێن وێ](https://gulanmedia.com/public/old_images/nusaran/karwan-bady.jpg )
ئیك ژ فاکتەرێن بوینە ئەگەر بەغدا بالەفرگەهێن کوردستانێ بگریت پشتی ریفراندومێ ئەوبوو کۆ بەغدا دڤیا رێکێ ژ سەردانا بەرپرسێن هەرێمێ بۆ دەرڤەی وڵاتی بگریت هەروەها رێکی نەدەت بەرپرسێن وەلاتێن دیژی سەردانا هەرێمی بکەن، لە جڤاکێ دەولەتی بتایبەت فرەنسا و ئەلمانیا گوهداریا وێ پێنگاڤا بەغدا نەکر و ب جودا وەک دوو وڵاتین زلهێز جیهانێ لسەر ئاستێ سەرۆکێن وەڵاتێن خوە پیشوازی ژ نێچیرڤان بارزانی سەرۆکێ حکومەتا هەرێما کوردستانێ کرن و د گوتنێن خوەدا پشتەڤانیا خوە بۆ خەلکێ کوردستانێ راگەهاندن
ئەوا گرنگە لڤێرە ئاماژە پێبکەین کو وان وڵاتان بۆ بەغدا دیارکر کو کورد نە بتنێنە و ئەو دان ب حکومەتا هەرێما کوردستانا فیدرال دادنێن وەک نوێنەری شەرعی یێ خەلکێ کوردستانی و ب هیچ رەنگەکێ رێ نادەن دەستدرێژی بۆ سەروان بێتە کرن، ئەڤە ددەمەکێدایە سەرۆکێ حکومەتا هەرێمێ ل بەندا دەم و ژڤانێ دیارکریێ بریتانیاژیە کو ژڤانێ دیدارا حکومەتێ بۆ لەندەن بێتە رێکخستن، پشتی ڤان هەرسێ وڵاتان دهێتە جاڤەرێکرن هەر ئێک ژ ئەمریکا و رووسیاژی هەمان پێنگاڤ پاڤێژن.
ئەوا ژ روسیا دهێتە جاڤەرێکرن کو هەلویستێن وان بۆیە جهێ دلخۆشیا خەلکێ کوردستانی دەما رووسیا لسەر ئاستێن بلند پشتەڤانیا خۆ بۆ مافێن کوردان راگەهاندی و رێ نەدای بکەڤیتە ژێر هیچ کارێگەریەکی بۆ دژایەتیا مافێن کوردان و بەردەوامبوون لسەر تێکەلیێن خوە یێن سیاسی و ئابووری لە هەرێمی چەند ئاماژەیەکی کو د داهاتیدا دبیت ئەو وڵاتژی شاندا داخوازێ ژ نێچیرڤان بارزانی بکەت سەرەدانا موسکۆ بکەت و ل وێرێ دیسان دوپاتی ژ بهیزکرنا پەیوەندیان بێتە کرن و گفاش بۆ سەر بەگدا بێنەکرن داکو زێدەتر مافێن خەلکێ کوردستانێ بنپێ نەکەت و پێگیرێی ب دەستووری بکەت و بتنێ دەستووری بۆ بەرژوەندیێن خۆ بکار نەئینیت و ئەو خالێن مافێن کوردستانێ تێدا هاتینە پاراستن پێشێلبکەت و زێدەگاڤیان بکەت.
ئەم شێن بێژین ژ ئەنجامێ وان پەیوەندیێن چەندین سالە سەرکردایەتیا سیاسیا هەرێمێ دگەل وڵاتان دروستکرین تا رادەیەکی د کارێگەربوون سەرباری وێ چەندێ کو کوردێن ئیراقێ گلەی ژ دوستێن خوەکرن دەما حەشدا شەعبی کو چەند گروپەکێن چەکداریێن نە رێکخستنێن شیعەنە و راستەوخۆ ژ لایێ ئیرانێڤە دهێنە مەشقکرن و پارەیەکێ مەزن ژ بۆدجەیا ئیراقێ بۆ هاتیە تەرخانکرن ب چەکێ ئەمریکی هێرشکریە سەر هەرێما کوردستانێ و دخاستن دەست بسەر هەولێرێدا بگرن لێ ژلایێ پێشمەرگەهانڤە هاتنە تێکشکاندن لێ دەولەتێن دنیایێ خوە ل هەمبەری وێ سەرپێچیا مەزنا سەربازی و نا دەستووری بێدەنکر، ژبەر وێ چەندێ ئێدی کورد خازن دوستێن خوە یێن راستی و نە راست ژێکجوداکەن و ئێدی بزانن کا دە ل پاشەرۆژێ پشتا خوە ب چ دیوارەکێ گرێبدەن.