ئهلمانیا سهرپشكا سهمیانا؟!
December 20, 2017
وتار و بیروڕا
بیرا من دهێت ل دهمێ ئهم ل شهرێ داعشێ چهند ئهم پێدڤی ب وی چهكی بووین یێ (میلانۆ) كو ئهم ژ مهترسیا مرنا مسۆگهر یا ترومبێلێن مینرێژكری قورتال كرین، ئهڤ چهكه بوو مژارا مالێن خهلكهكێ سڤیل ژ زارۆ و ژن و پیران، خهلكی چیرۆك ل سهر ڤههاندن، وهكو هندهكا دگۆتنێ : ملانۆ خۆش مێڤانۆ..!! چهند وهلاتێ ئهلمانیا ل بهر دلێ مه شرین بوو و مهتا مێركل ژ لایهكێ دیڤه چهند پشتگیریا ئاوارهیێن مهكر. ههر وهكو ههڕفاندنا دیوارێ بهرلینێ بهرهڤاژی ههلویستێ مهبوو
كو دڤێت ژنوی ئهم وی دیواری ئاڤا بكهین، سیاسهتا ئهلمانیا ب عهقلیهتهكا ژیواری سهرهدهریێ دكهت. چپكهكا مهزنه ژ دهریا سهمیانبوونێ ل پرهنسیپێن مافێ مرۆڤی و دیمۆكراسیێ و هزرا ڤهكری و ئازادیا دهربرینێ.
هیڤیێن گهش دبێژن ههروهكو ئهو دۆرپێچیكرن و رێگریكرنێن حوكمهتا بهغدا ل پێش ههرێما كوردستانێ دداناین، چو گرنگیا خوه نینه، وهلاتێن مهزن نهچار نینن بۆ خوه بكهنه ئاستهنگ و بانگا سهرۆكێ حوكمهتا ههرێما ب گرنگتر ددانن ژ بهرپرسێن بهغدا و گهفێن وان، ئهڤه ژی كارتهكا ب هێزه بۆ ههرێمێ ل بهرامبهری بهغدا كو هێشتا وهلاتێن مهزن ههنه خوه ب سهمیانێن ڤی مللهتێ ستهملێكری دزانن، ئهڤجا سیاسهت یا هۆسایه ل دهمهكی خهلكهكی هزر دكر كو حوكمهتا ههرێمێ ل كێمێ دایه، خهلكێ مه ژی چهندهكێ بێزاربوویه ژ ڤی بیاڤی، حوكمهتا مژوولی وان ههرهشهیێن تیژبوو ل سهر ئهردی ژ لڤینێن لهشكری و بهرسنگگرتنا خیانهتكاریێ و ئهو رهههندێن ل دووڤ دا، زیانهكا دهمكی ل دپلۆماسیا ههریمێ گرتیه، بهلێ خهلك یێ بێهن تهنگه و خوه ناگرن ژ ئهنجامێن بهرههمدار، چونكو هێشتا مهزلۆمیهتا ههرێمێ ئیسكپایهرنهبوویه بهلكو ئۆبدێتتر بوویه، جیهان ههمی یا دبینیت و ودنیا خراب نهبوویه جارێ، مووچهیێن و خزمهتگوزاری یێن دههلنگڤن، دبیت تهمهت یێن هندهكوهلاتێن دهوربهر لێهات بن حهتا رادهكی. حوكمهتا ههرێمێ مه خافل ناكت و ههردهم یا ههول ددهت بهرسڤا ههمی پسیاران بدهت، ل دهمهكی بێدهنگیهكا دهمكی ههلبژارتبوو، بۆ رهنگڤهدانا ئهو خهفكێن وهلاتێن ههڤدوژ داناین، نههاتنه دی. ب دیتنا من پشتی دهمهكێ نهیێ دوور ژی، هندهك پێنگاڤێن رژد هاتنه كرن، ژ لایێ سهرۆكاتیا ههرێمێ، هوون ههمی وان پێنگاڤان دزانن، وهكو سهرهدانا بهری چهند رۆژهكا یا نێچیرڤان بارزانی بۆ فرهنسا وهكو رێفرێشكرنهكێ بوو بۆ وهلاتیان. ههر چاوابیت رۆلێ نێچرڤان بارزانی یێ دیاره شهڤ و رۆژان دكهته ئێك و دبیت نهگههیت دو خۆلهكان بۆ خوه بنڤیت، بارێ وی زۆرێ گرانبووی. ئهڤێ چهندێ ژی ئهنجامێن دلرحهت دێ ههبن، ئهزێ دبینم یا بهر ب باشترڤه دچیت، چونكو سهرۆكاتیا حوكمهتا وی خوه ب نوورا راستهقینه یا خهلكێ كوردستانێ دانایه، ههكه نه پهنا نه دبره وهلاتێن زلهێز یێن جیهانێ، ههكه دهسههلاتهك یا ستهمكاربیت یا نخوه ببینیت نهحهق دبیت، شهرم بكهت قهستا وهلاتێن مهزن بكهت.
یا گرنگ ئهوه جارێ ئهڤ سهرهدانا بۆ ئهلمانیا بۆ مه یا گرنگه چونكو ژ سهری وهره خوه ب سهمیان و دۆستێ كورستانێ دانایه، وهكوراهێنانا پێشمهرگهی و درێژكرنا مانا سهربازی ل ههرێمێ، هوون بێژن ئاماژهك نهبیت كو ئهلمانیا یا پشتهڤانیا كوردان دكهت؟!.