ئێکەتیا نشتیمانی کوردستان ل کوردستانی چەند پەیڤێن زیندی و ھەردەم ل بەرچاڤێن خەلکێ کوردستانێ نە ، ژبەرکۆ ناڤێ ئێک ژ حزبێن مەزنێن کوردستانێ یە . ئەو حزبا ژلایێ جەلال تالەبانی ھاتیە دامەزراندن ، وەک ناڤ دوو پەیڤێن گەورە و گرانن ، ئەگەر بەری نھو ئەڤ حزبە وەک حزبەکا نەتەوی و نشتیمانی ل کوردستانێ ھاتبیتە ناسین و خەبات و قوربانی دابن ، کاروانێ خەباتا وێ بۆ خزمەتا ( ئێکەتی ، نشتیمانی ، کوردستان ) وەک رامان نە وەک درۆشم ھەتا مانا جەلال تالەبانی بوویە .دێ شێین بێژین نەتەوەیی و نشتیمانی بوونا ڤێ حزبێ یا ب کەسایەتیا رەحمەتی ( مام جەلال ) ی ڤە گرێدایی بوویە . پشتی ئەڤ پارتیە دویر ل پرۆگرام و پەیرەوێ وێ و ئەتەکێتێن پارتایەتیێ ، نەکەفتە دەستێ جێگرێن سکرتێرێ گشتی و مەکتەبا سیاسی دا بەلکی کەفتیە ددەستێ گرۆپەکێ ھەرزەکار و خۆفرۆش و پارەپەرستێن وەک کور و برازایێن جەلال تالەبان ب چاڤدێن (ھێرۆ) یا ھەڤژینا وی . ڤێ پارتیێ ب تەمامی بەرۆڤاژی ناڤ و درۆشمێن خۆ و رێبازا خۆ سەرەدەری دگەل رەوشا کوردستانێ کر و بوویە پشکەک داگیرکەر و وەلات فرۆشێن کوردستانێ ، ھەر ل دژایەیتا وان ل راپرسیا سەرخۆبوونا کوردستانێ ل ٢٥ ێ ئیلۆنا سالا ٢٠١٧ و پاشان .
مەبەستا من نە ئەوە رۆلێ ڤێ حزبی ل خەباتا رزگاریخوازیا کوردستانێ کێم بکەم ، بەلکی ڤێ حزبێ د ژیێ خۆیێ چل و دوو سالی دا خزمەتەکا زۆر کریە و شەھید و قوربانیێ، زۆر ھەبوونە و من رێز بۆ کادر و ئەندام و جەماوەرێ ڤێ حزبێ ھەنە ئەوێن ب ھەستەکا نەتەوی و نشتیمانی ئەڤ حزبە ھەلبژارتی بۆ رزگاریا کوردستانێ ، لێ ئەڤە راستیەکە و پێدڤی یە بھێتە گۆتن ، چونکی گۆنترولکرنا ڤێ حزبێ ژلایێ ھێرۆ یێ گۆرپێ وێ یێ خیانەتکار ئەڤ پارتیە دژی ئارمانج و ناڤ و درۆشمێن خۆ بکار ئینا و کرە پشکەک ل داگیرکەرێن کوردستانێ . رادەستکرنا کەرکووکا دلێ کوردستانێ ئەو باژێرێ کوردستانیێ ب درێژاھیا دیرۆکێ بزاڤا رزگاریخزایا کوردستانی دەست ل کوردستانی بوونا وێ بەرنەدای و شۆرەش کرینە قوربانی وێ ، دوژمنا ژی ھەردەم ھەمی ھەول داینە ئەڤ باژێرە ب دەور و بەرڤە ل کوردستانێ جودا بکەن و ئەڤ خەونا ھەمی کوردستانیا لسەر بجە ئینانێ بوو ڤی گرۆپەی د چەند دەم ژمێرەکا ، ب نەپەنی و ب خیانەتەکا نشتیمان ئەڤ خەون و ھیڤی یە ڤەمراند و رادەستی داگیرکار کر و بەری حەشدا شیعی و لەشکرێ عیراقێ کەفتن . ژبلی خیانەتا رادەستکرنا کەرکووکێ بوونە پشکەک ل پیلانا حکومەتا شیعەگەریا عیراقێ ب سەرۆکاتیا عەبادی بۆ ژناڤبرنا ئەزمۆنا کوردستانێ ، ئەو ئەزمۆنا کۆ ل ئارمانجا دووماھیا رزگاریا نشتیمانی و نەوتەوی نێزیک بووی کو سەرخۆبوونە . ئەڤ رەفتار و سەرەدەری و پیلانێن گۆرپێ خیانەتکایێ بنەمالا تالەبانی و دار و دەستەکێن وان ، بۆ مە وەکی نفشێ نھو و دیرۆکێ دیار کر ، ئەڤە نە ئێکەتی و نە نشتیمانی و نە کوردستانی یە ، بەلکی دووبەرەکی و نشتیمان فرۆشی و نەکوردستانی بوونە . ئەگەر ئێک رێزیا نشتیمانیا کوردستانی با ب ئاشکرا نەدبوونە پشکەک ل حکومەتا عیراقێ بۆ داگیرکرنا کوردستانێ و جێبجێکارێن ئەجندایێن وەلاتێ ئیرانێ . پەنابرنا ڤی گرۆپەی بۆ ڤێ خیانەتێ چەند ئەگەرەک ھەنە ژوانا لایەنی فسیۆلۆژی ، چۆنکێ ئەڤ رەنگە خیانەتە وەکی میران ل بنەمالێ بۆ مایە ، بۆ مانەڤا بنەمالێ وەکی ژێدەرێ بریارا دناڤ ئێکەتیێ دا ئەگەرەکێ دیترە ، ئەگەر رەوش یا ئارام با ئەز باوەر ناکەم ڤێ گرۆپەی شیابا ببنە نوونەرێن ڤێ حزبێ ، ئەگەرەکێ دیتر دەست بسەر داگرتنا سەروەت و سامانێ ڤێ حزبێ یە داکۆپێ بشێن ل داھاتی دا ئەگەر کۆنگرێ حزبێ ھاتە کرن دەنگا پێ بکرن بۆ ھەلبژاردنا دارو دەستەکێن وان ل سەرکردایەتی و مەکتەبا سیاسی دا ، ئەگەرەکێ دیتر کەرب و کینا وانا دیرۆکی یە بەرامبەر پارتی دیموکراتی کوردستان و بنەمالا بارزان ، لەوما نەڤێن کوردستانەکا ئازاد و سەربخۆ لسەر دەستێ ڤێ پارتی و بنەمالێ ھەبیت ، ئەگەر ھەبیت ژی د بەرھەڤن بکەنە قوربانی بەرژەوەندێن خۆ ، ئەگەرەکێ دیتر ئەوە ئەڤ گرۆپە مینا حزب و گەسایەتیێن شیعەیێن عیراقێ کەفتینە بن ئەجندایێن وەلاتێ ئیرانێ ، ب دیتنا من ئەڤ چەندە ژبەر ھەبوونا ھندەک نھێنیێن دیرۆکی یە دناڤبەرا وان ، ژ ترسا ئاشکراکرنێ نەچار ببن بریارێ ل ئیرانێ وەربگرن ، ئەگەر ئاشکرا ببن دبیت زۆر خیانەتێن وان یێن سالێن بەرێ بۆ خەلکێ کوردستانێ ئاشکرا ببن . پێتڤی یە خەلکێ کوردستانێ ب گشتی و لایەنگێن ڤێ پارتیێ ھەر نۆکە رێکێ لڤێ گرۆپێ خیانەتکا بگرن چونکی بەری ھەمیا خیانەت لوان کریە و پارتیا وان ل رێبازا خۆ یا راستەقینە لادایە و کریە ئامرازەک بۆ بجە ئینانا ئارمانجێن چەند کەسەکا و ڤێ حزبێ بکەنە ( ئێکەتی نشتیمانی کوردستان ) ب رەنگەکێ پراکتیک نەک تنێ درۆشمێن بریقەرا بۆ سەردابرنا خەلکی .