نێچیرڤان بارزانى و گه‌ره‌نتیا ئارامیا كوردستانێ
شێرزاد نوری
پشتى كو بارزانیێ سه‌رۆك وه‌زیر دپرێسكۆنفرانسێ خوه‌دا هه‌موو رێ ل به‌ر به‌غدا ڤه‌كرین و پێشوازى ل بریارا دادگه‌ها فیدرالى كرى، ئێدى هه‌لوه‌ستێ هه‌موو وه‌لاتێن جیهانێ هاته گهورین و پشته‌ڤانى ل نێچیرڤان بارزانى و حكومه‌تا هه‌رێمێ كرن ده‌رباره‌ى نه‌رمیا وى ژبۆ ڤه‌كرنا دانوستاندنا دگه‌ل به‌غدایێ و چاره‌كرنا كێشه‌یێن هه‌ردوو ئالیان، پشتى هه‌لویستێ سه‌رۆك وه‌زیران ئێدى نامه‌یێن سه‌رۆك وه‌لاتان و په‌یوه‌ندیێن وه‌زیرێن ده‌رڤه یێن وه‌لاتێن زلهێز و پشته‌ڤانیا سه‌رۆكێ فره‌نسا بۆ ئه‌گه‌ره‌كێ دى كو گه‌ره‌نتینا پاراستنا ئێمناهیا كوردستانێ بهێته دان، به‌غدا وسا هزر دكر ئه‌گه‌ر فرۆكخانه‌یێن ناڤده‌وله‌تى ل هه‌مبه‌ر هه‌رێما كوردستانێ بهێنه‌گرتن گه‌شت و داخوازیێن سه‌رۆك وه‌زیران دێ هێنه راوه‌ستاندن و نه‌شێن په‌یاما خوه راسته‌و خوه بگه‌هینیته چ وه‌لاتان، لێ ب شێوه‌یه‌كێ ئاشكرا وه‌لاتێ توركیا هه‌موو رێك بۆ نێچیرڤان بارزانى ڤه‌كرن كو لدووڤ داخوازیا سه‌رۆكێ فره‌نسا بچیت و مژارێن هه‌لاویستى یێن هه‌ولێرێ و به‌غدایێ ب شێوه‌یه‌كێ دیار روون بكه‌ت، ئه‌ڤ گه‌شتا سه‌رۆك وه‌زیران بوو جهێ مه‌نده‌هوشیا سه‌ركرده‌یێن ئیراقێ ئه‌ڤه وێ چه‌ندێ دگه‌هینیت كو په‌یوه‌ندیێن هه‌رێما كوردستانێ و وه‌لاتێ توركیا د ئاسته‌كێ گه‌له‌ك باشدانه و چ ئالوزى دناڤبه‌را هه‌رودو ئالیاندا نین. پشتى ڤان هه‌موو بزاڤێن سه‌رۆك وه‌زیران ل سه‌ر ئه‌ركێ خوه یێ به‌رده‌وامه بۆ خوه‌شكرنا ره‌وشا نها یا هه‌رێما كوردستانێ، كو ده‌ست ب دانوستاندنان دگه‌ل ئالیێن سیاسى كر ژبۆ ئێك رێزیا ناڤ مالا كوردى و تاراده‌یه‌كی گه‌له‌ك باش د سه‌ره‌دان و كۆمبوونێن خوه‌دا دگه‌ل ئالیێن سیاسى یێن هه‌رێما كوردستانێ سه‌ركه‌فتى بوو شیا رێككه‌فتێن باش بكه‌ن كو ئێدى ره‌وش ل هه‌رێمێ به‌ره‌ڤ ئارامیێ بچیت، لێ قوناغا نها و بارێ بارزانیێ سه‌رۆك وه‌زیر دگه‌له‌ك ب زحمه‌تربیت ژ ئالیه‌كێ كو دابینكرنا مووچه‌یێن فه‌رمانبه‌رێن هه‌رێما كوردستانێ و قوناغا هه‌لبژارتێن گشتى یێن هه‌رێما كوردستانێ، پشتى كو چه‌ندین جارا سه‌رۆكوه‌زیرێن ئیراقێ به‌رهه‌ڤیا خوه دیاركرى بۆ دانا مووچه‌یێن فه‌رمانبه‌رێن هه‌رێمێ و حكومه‌تا هه‌رێمێ پێشوازى لێ كرى لێ بتنێ گۆت بوو چ كریاره‌ك ژبوو نه‌بوو ئه‌ڤه وێ چه‌ندێ دگه‌هینیت كو عه‌بادى دڤیا ل سه‌ر شاشێن تىڤی یان خوه شه‌ریف بكه‌ت هه‌مبه‌ر وه‌لاتیێن هه‌رێمێ ل زوو ئاخفتنا وه ب نه‌راست دیاربوو، حكومه‌تا هه‌رێمێ نها بزاڤان دكه‌ت بۆ دابینكرنا مووچه‌یێن فه‌رمانبه‌ران لێ بۆ ڤێ قوناغێ دگه‌له‌ك بزحمه‌ت بیت ژبه‌ركو نها نیڤیا په‌ترۆلا به‌رى یا حكومه‌تا هه‌رێما كوردستانێ مووچه‌یێ فه‌رمانبه‌ران پێ دابین دكر ئیراقێ ده‌ست دانایه سه‌ر ب تنێ ژبۆ خرابتركرنا ره‌وشا نها، ژ ئالیه‌كێ دیڤه قوتاغا هه‌ستیار یا حكومه‌تا هه‌رێمێ و سه‌رۆك حكومه‌تێ كار بوو دكه‌ت دیاركرنا ده‌مێ هه‌لبژارتنانه كو ئه‌ڤێ هه‌لبژارتنێپاشه‌رۆژا كوردستانێ پێڤه دیاره.
یا گرنگ بۆ هه‌لبژارتنان ئیراقێ دڤێت هه‌ڤپه‌یمانیه‌كا نشتیمانى یا بهێز دناڤبه‌را پارتى دیموكراتى كوردستان، ئێكه‌تیا نشتیمانى، ته‌ڤه‌گه‌را گۆران، یه‌كگرتوویا ئیسلامى وكۆمه‌لێ بهێته پێكئینان ئه‌ڤ هه‌ڤپه‌یمانیه بلا یا دوور بیت ژ هه‌ڤدوو تومه‌تباركرنێ و كاربۆ وێ چه‌ندێ بكه‌ن هه‌موو ب ئێك هه‌لویست ل دژى حكومه‌تا به‌غدا كاربكه‌ن، ژبه‌ركو لده‌مێ هه‌لبژارتنان دێ هه‌لویستێ به‌غدا توندتر بیت، بۆ هه‌رلبژارتنێن گشتیێن هه‌رێمێ پێدڤیه ململانێ یه‌ك بهێته پێكئینان نه‌بوو شكاندنا هه‌ڤدوو به‌لكو بۆ خوه‌شكرنا ژیانا وه‌لاتیا ئێككرێزیا ناڤمالا كورد ئه‌گه‌ر هاتوو ناڤمالیا كوردى ئێك بیت كاربوو سه‌ركه‌فتنا هه‌لبژارتنا كر و به‌رێ وه‌لاتیێن هه‌رێمێ دا سندوقێن هه‌لبژارتنان ئێدى دێ پرۆسه ب شێوه‌یه‌كێ باش هێته برێڤه‌برن و حكومه‌تا سه‌ركه‌فتى هێته پێكئینان و به‌غدا ب چ ره‌نگان نه‌شێت ل هه‌مبه‌ر براوه‌ستیت.
