زۆر لە سەرکردەکانی جیهان و بە تایبەتیش سەرکردە شۆڤێنی و دیکتاتۆرەکان لە ترسی کوشتن و کودەتا بەسەریاندا، کەسانێکی هاوشێوەی خۆیان دیاری دەکەن و دەوریان دەدەنێ کە لە دەنگ و رەنگ و باڵا و روخساردا بە خۆیان بچن، بەڵام کاتێک دەڵێم وێچوەکانی عەبادی, مەبەستم ئەوە نییە کە لە دەنگ و رەنگ و باڵا و روخساردا بە عەبادی بچن، بەڵکو مەبەستم ئەوەیە لە هەڵوێستی دژایەتی کردنی ماف و ئازادیەکانی کورد و سەربەخۆیی کوردستاندا، ئەگەر پشکنینی (DNA)ی سیاسییان بۆ بکرێ لەگەڵ عەبادی و مالیکی و قەیس خەزعەلی و پێش ئەوانیش دەچنەوە سەر یەک بەرەبابی سیاسی و هەر دەڵێی شۆڤێنیزمی عەرەبی پژمیوە و ئەوان دەرپەڕیون.
ئێستا عەبادی لە دژایەتی کردنی ماف و ئازادیەکانی کورد لە هەوڵی ئەوەدایە ژمارەی پێوانەیی شۆڤێنیەکانی پێش خۆی بشکێنێ، ئەگەر تا ئێستاش نەیتوانیبێ ژمارەی پێوانەیی ئەوانی پێشخۆی بشکێنێ، دەکرێ لە داهاتوودا و ئەگەر بارودۆخ لە بەرژەوەندی بێ، بتوانێ ئەو ژمارەیە بشکێنێ گرەوی دیکاتۆری و شۆڤێنی بوون لە دیکتاۆر و شۆڤێنیەکانی پێش خۆی بەرێتەوە، بەڵام هەرچی بکات ناتوانێ گرەوی دژایەتی کردنی ماف و ئازادیەکانی کورد لە ئاڵا تاڵەبانی و شوان داودی پەرلەمانتارانی یەکێتی و سروە و وشیار عەبدوڵای پەرلەمانتارانی گۆڕان بباتەوە، بۆیە ناکرێ بڵێین: ئەو چوار پەرلەمانتارە وێچوی عەبادین، چونکە لە راستیدا عەبادی وێچوی ئەوانە. جا ئەگەر عەبادی وێچوی ئەو دوو جووتە پەرلەمانتارە بێ، بشفڕێ ناتوانێ وێچوی بەرپرسانی ئەو دوو حزبە بێ کە ئەو دوو جووتە پەرلەمانتارە ئاراستە دەکەن،