بارودۆخی ئێستای رۆژهەڵاتی ناوەراست بە گشتی و عێراق و كوردستان بارگاوی روداوە یەك لە دوای یەكەكەنە ئەو رووداوە نەخوازیار و دژوارانەی كە سات بە سات گۆرانكارییان بە سەردا دێت و تەنانەت ناتوانرێت شرۆڤەیەكی واقعبینانەی بۆ بكرێت.
هەرچەندە كە كورد لە ئەنجامدانی گشتپرسی و بریاری راستەقیەی خۆی رووبەرووی زۆر ئاستەنگ بویەوە بۆ ئەوەی كە بە ئەنجام نەگات بەڵام ئەوەی كە گرینگ بوو و دوژمنان لێی دەترسان روویدا و زۆرینەی خەڵكی كوردستان بریاریان بە بەڵی بۆ سەر بەخۆیدا لەوانەش كەركوك و ناوچەكوردستانیییەكانی دەرەوەی هەرێم زیاتر لە شوێنەكانی تر تێنووی گەیشتن بەو ئامانجە بوون.
هەر لە سەر ئەو بیرو بۆچونەی كە عەرەبی شۆڤیینی و هندەك دراوسێی كوردستان لە پێناو بە دیهێنانی پیلانە ئابور و سیاسییەكانی خۆیان هاوكاری جێبەجێكردنی ئە پیلانە بوون و بۆ ئەو مەبەستەش ناكۆكی سیاسی نێوخۆیی لایەنەكانیان قۆستەوە و ئەو بارودۆخەی ئێستای كوردستانی لێكەوتەوە,
هەر چەندە كە قۆستنەوەی ئەو بابەتە دەرفەتەك بوو بۆ ئەوەی كە رووداوەكەی 16ی ئۆكتۆبەر و دواتری لێبكەویتەوە و زۆربەی ئەو ناوچانەی كە كورد دوای راكردنی حكومەتی ناوەندی لە ترسی داعش بە خۆێن كۆنترۆڵی كردبوون بەڵام بە بیركردنەوەیەكی تەسكی سیاسی وحیزبیو بۆچوونی هەڵە هەموو ئەناوچانە تەسلیمی میلیشیاكانی حەشدی شەعبی و سوپای پاسداران كران و بە داخەوە پاشەكشەیان بە پێشمەرگە كرد.
بەڵام لە ئێستادا ئەركی حكومەتی هەرێم لە بارەی كەركوك و ناوچە كوردستانییەكانی دەرەوەی هەرێم چی دەبیت؟ئەگەر بێت بە شێوەیەكی لۆژكی لەو بابەتە بروانین دەبینین كە حكومەتی هەرێم لە دوایین لێدوان و هەڵوێستی خۆی باس لە پابەندی بە دەستوری هەمیشەیی عێراقدا دەربریوە و ئەوەش ئەو رێگە چارەیەیە كە حكوومەتی هەرێم هەروەكوو چۆن توانیویەتی بە سیاستی روونی خۆی هەنگاوەكانی پێشكەوتن ببریت و سەرەرای ئەو هەموو تەنگ وچەڵەمەیەی كە رووبەرووی پرۆسەی ئابوری و سیاسی كوردستان بۆتەوە لە بەرنامەكانیدا سەركەوتوو بووە ئێستاش دەتوانیت هەمان رێچكە پێرەو بكات.
هەرێمی كوردستان هیچ كات دەست پێكەر یان خوازیاری شەڕ نەبووە بەڵكوو هەموو جار سیاسەتی بەرگری پێرەو كردووە هەر بۆیەش هەڵبژاردەی سەربازی لە كاتی ئێستادا قەیرانەكان قوڵتر دەكاتەوە ئەوەش ئەو سیاسەتە راست و دروستەیە كە حكومەتی هەرێم پێرەوی دەكات.
گەرانەوە بۆ دەستوری هەمیشەیی
هەرچەندە كە حكومەت هیچ كات ئەو دەستورەی پێرەو نەكردوو بەڵكوو هەموو كات بڕگەو بابەتەكانی بە سوودی خۆی شیكردۆتەوە و هەر كات ویستویەتی خۆی لێی لاداوە و لە زۆر برگەو بابەتیش بە ئاشكرای پێشەڵیكردووە تەنانەت بە ئاشكرا دانی پێناوە.
لەوانەش دەتوانین لێدوانەكانی حەنان فەتلاوی ئەندام پارڵمانی عێراق ناو ببەین كە بە چ شێوەیەك رووبەرووی جێبەجێ‌ كردنی مادەی 140ی دەستوور بووە.
هەروەكوو چۆن لە دەستوردا هاتووە:" مادەی (140) برگەی یەكەم: دەسەڵاتـی ڕاپەڕاندن هەنگاوی پێویست دەنێت بۆ تەواوكردنی جێبەجێكردنی پێداویسیتەكانی مادەی (58) لە یاسای بەڕێوەبردنی دەوڵەت بۆ قۆناغی گواستنەوە بە هەموو بڕگەكانیەوە.
برگەی دووەم: ئەو بەرپرسیاریەتیەی لەسەر شانی دەسەڵاتی ڕاپەڕاندنە لە حكومەتی ئینتیقالیدا كە لە مادەی (58) لە یاسای بەڕێوەبردنی دەوڵەت بۆ قۆناغی گواستنەوەدا ئاماژەی پێكراوە، بەردەوام دەبێت و دەكەوێتە ئەستۆی دەسەڵاتی ڕاپەڕاندنی هەڵبژێردراو بەگوێرەی ئەم دەستوورە بۆ ئەوەی بە تەواوی جێبەجێ بكرێت ( ئاساییكردنەوە، سەرژمێری، لە كۆتاییدا ئەنجامدانی ڕاپرسی لە كەركوك و ناوچەكانی تر كە ناكۆكیان لەسەرە بۆ دیاریكردنی ویستی هاوڵاتیان) لە ماوەیەكی دیاریكراودا كە لە مانگی 12/2007 تێپەڕ نەكات ".
هەرچەندە كە 12 ساڵ بە سەر ئەو كاتەدا تێپەریوە كە ئەو مادە دەستورییە جێبە جێنەكراوە بەڵام دەكرێت بە دوربینی سەرۆكی حكومەت و كابینەكە ئەو رۆژە دژوارانەش تێبپەرێندرێت.