هزرکرن ل کویراتیا بارودوخێ کوڕدستانێ وەڵاما هەمی پرسگڕێکێن سیاسی، ئابوڕی، ئەمنی، ئاینی و مەزهەبی ددەت، هێشتا جوڕە سوزەک و خوش باوەڕەکا هەی دناڤا سیاسەتێن کوڕدستانێدا، هەمی حزب و هەمی کەسایەتیێن کوڕدستانێ بەحسێ ئێک ڕێزیا لایەنێن کوڕدی دکەن وەکو تاکە چاڕەسەر، لێ کەس نەشێت هوکاڕا چاڕەکرنا ناکوکیا دیاریبکەت، باشە بوچی ڕاوێژکاڕێن حکومەتێ نەشێن ڕێگە چاڕەکێ ببینن، ئایا دەستێن وان ڤەکڕی نینە یان ئەوان هێزا تێڕامانێ ل دیتنەڤا چاڕەکێ بو پرسگڕێکا نیە؟ ئەگەڕ ئەوان هێزا ڤێ چەندێ نەبیت بوچی مفا ل شەهرەزایێن ئەکادیمی ناهێتە وەڕگڕتن؟ بونمونە پێداچونەکێ ب مێژویا وان گەل و دەوڵەتان بکەن کو ل ناڤا ناکوکیێن دڕێژدا بوڕینە و دوماهیێ چاڕەیەک دیتیەڤە، ئەگەڕ پێداچونەکا بلەز ب مێژویا گەلێن جیهانی بکەین کێم یان زوڕ هەمی یێن لناڤا ناکوکیادا دەڕبازبوی، بونمونە شەڕێ ناڤخویێ ئەمڕیکی، بەریتانی، ململانێیێن پەڕلەمان و سەڕوکێ ڕوسیا ل سەدێ بیستێ کاڕ گەهشتە هندێ سەروکی فروکێن سەربازی هنارتنە سەر پەرلەمانی و بوڕدومانا پەڕلەمانی کڕ، لێ دوماهیێ هەڕ گەهشتنە ڕێگە چاڕەکێ. کەواتە ئەم دشێین ناکوکیێن دناڤا گەلێن جیهانی وەڕبگڕین و مفای ل دەڕئەنجامێ وان بکەین، هەوڵێن سەڕوکێ حکومەتێ ڕێزداڕ نێچیرڤان بارزانی بو چاڕەکڕنا پرسگڕێکێن سیاسی زوڕ ئەڕێنی دهێنە دیتن و بوچونا زوڕبەی شلوڤەکاڕا دێ سەڕوکێ حکومەتێ کاڕیت ڤان پرسگڕێکا چاڕەکەت، هەتاوەکو پرسگڕێکێن دناڤا کوڕدستانێ نەهێنە چاڕەکڕن زوڕ زەحمەتە زمانەک هەبیت بەڕامبەڕ دەڕڤە پێ پاخڤین، سیاسەت جوڕە یاریەکە چ جاڕا پێشبێنیا دەڕئەنجامی ناهێتەکڕن، چ دەوڵەتەک نیە بشێت لسەر بنەمایێ دلنیابونێ سیاسەتەکێ داڕێژیتن، چونکو گوڕانکاڕی دناڤا سیاسەتێدا زوڕ یا بلەز و پێچەوانە، ڕەنگە دوژمنێ دوهی دوستێ سوباهی بیت، و پێچەڤانێ وێش ڕاستە، لەوڕا چوجارا نابیت دەوڵەت یان لایەنێ بەڕامبەرخو زوڕ کێم بکەی و ب خڕاپ بدەیە ناسین، چونکو ئەگەڕ سوباهی تە پێویستی پێبو بلا ب سەرەکێ بلندبیت. بوڕینا دەمی زوڕ ل بەڕژەوەندیا کوڕدستانێیە چەند مژولی دڕوستبیت دێ هاوپەیمانێن کوڕدستانێ زوڕبن، هێدیهێدی ناکویێن دناڤا عێراقێ یێ گەشێ دکەنەڤە، بەڕەڤ دەنگدانێیە و رێگڕیێن مەزن ل ڤێ دەنگدانێ یێن هەی، وەکو حەشدا شەعبی و گڕوپێن سەربازیێن جودا، دەوڵەتا عێراقێ نەشێت کونتڕوڵا ڤان هێزا بکەت، لەوڕا ئەڤ بوڕینا وەختی دەڕفەتەکا بهێزە بو کوڕدستانێ و حکومەتا کوڕدستانێ دشێت ل ڤی ماوێ کوڕت هەوڵبدەت چاڕەیا کێشێن سیاسی و ئابوڕی بدەت و ب دەنگەکێ بهێز دگەل دەوڵەتێن بەڕامبەر پاخڤیت