مێژوو شاهیدە ، میللەتی كورد بە درێژایی مێژوو بە هۆی رٍەتكردنەوەی ژێر دەستی هەمیشە تووشی زوڵم و زۆرداری رژێمە یەك لەدوای یەكەكانی عێراق بۆتەوە ، بەڵام رێگەی نەداوە ئیرادەی و شكۆیی بشكێنرێت . لە رابردوو وئێستا و داهاتووش گوشارەكان و ئابڵوقەدانەكان لە پێداگری لە مافەرەواكانمان و گەرٍاندنەوەی كەركووكی داگیركراو پاشگەزمان ناكاتەوە .كورد ،كوردە ،نە " عەرەب و نە تورك و نەفارسییە "ـلە رابردوو بینیمان ڕژێمە یەك لە دوای یەكەكان، چیان بەسەر میللەتی كورد ھێنا، كیمیاباران كردن و ئەنفال كردن و زیندەبەچاڵ كردن، تەعریب كردن و بردنی كچانی كورد بۆ میسر و فرۆشتنی نامووسی كورد و ئاڵوگۆر پێكردنی لە نێوان دەوڵەتە عەرەبییەكان، بۆیە بۆ دووبارەنەبوونەوەی ھەموو ئەوانە، پێویستە بڕیار بدەین و بوێر بین.كورد بە درێژایی مێژوو ھەوڵی دیپلۆماسی و شۆڕشی داوە و چەندین داستانی سەركەوتووانەی تۆمار كردووە كە جێگای شانازیی ھەموو میللەتی كوردن و تا ئەو ساتەی كە تێیداین و دوا شەڕمان شەڕی و داستانی پردێ‌ بوو و سەركەوتووانە دژی داگیركەران جەنگاین . ئەگەر كورد داوای سەربەخۆیی و كیانێكی سەربەخۆ نەكات بۆ خۆی و ئەوەی بە درێژایی مێژوو كە داوای كردووە بۆ خۆی دەستەبەری نەكات، ئەوا كورد لە ھموو جیھان بە میللەتێكی تێكدەر و گێرەشێوێن لە قەڵەم دەدرێت كە تاكە ئامانجی پەشێوی نانەوە و دروست كردنی كێشە بووە بۆ وڵاتانی ناوچەكە.بۆیە دەبێت بسەلمێنین و بڕیار بدەین لە پێناو دۆزی ڕەوای كورد و وەكوو ھەموو میللەتانی جیھان ببینە خاوەن دەوڵەتی خۆمان و ئاسایشی ناوچەكەش بپارێزین. یان دەبێت كۆتایی بە ھەموو شتێك بێنین و دوور بكەوینەوە لە داواكردنی ھەموو مافە سەرەتاییەكانمان، یانیش دەبێت بڕیار بدەین و سەربەخۆیی و دەوڵەت ھەڵبژێرین.ئێمە لەوانە زیاتر نین كە شەھید بوون لە ڕێگای ڕزگاریی كوردستان، با بڕیار بدەین كە ملكەچ نەكەین لە پێناو نان، هەژاری شەرەفمەندانەترە لە ژێردەستی و داگیركاریی میللەتانێك كە خۆیان وەفایان بۆ خۆیان نییە و ڕۆژانە لەبەر جیاوازیی مەزھەب، سەری یەكتر دەبڕن.
عێراقی دروستكراو لەرێزبەندی هەر خراپی گەندەڵترین وڵاتی جیهانە، هەروەها لە رووی ئەمنییەوە بە ناسەقامگیرترین وڵاتی ناوچەكە هەژمار دەكرێ‌ گەر رژێمی ئێران بە هەموو تواناییەكی هەواڵگری و سەربازییەوە دەستێوەردان نەكات ، ئەوا شتێك بە ناوی بەغدا نەماوە . هەروەها لەرووی سیاسییەوە بەغدا كە ئێستا بە ناو پایتەختە هەرگیز بەو لاوازییە نەبینراوە،‮ ‬چونكە نە بڕیار بە ەستە و نە بڕیاری‮ ‬لێ دەردەچێت،‮ ‬بەڵكو بۆتە بوكەڵەیەك بە ئارەزووانە‮ ‬یاریی‮ ‬پێ دەكرێت هیچ كێشێكی‮ ‬نێودەوڵەتی‮ ‬نییە كە ببێتە خاوەن متمانەی‮ ‬وڵاتان،‮ ‬لە‮ ‬ڕووییەكی‮ ‬دیكەوە سەر بە وڵاتێكە كە لە نێوەندە سیاسی‮ ‬و دیپلۆماسیدا بێ بایەخە،‮ ‬ئەمەش وا نیشان دەدات كە دواڕۆژی‮ ‬ئەو عێراقە بێ ئایندەیە‮.‬عێراق ئێستا لە هەموو كاتێكدا زیاتر لاوازی‮ ‬و شپڕزەیی‮ ‬پێوە دیارە،‮ ‬نە سوپا بوونی‮ ‬هەیەو نە هێزەكانی‮ ‬پۆلیس و ئاسایش ئەو هێزەن هاوڵاتیان لە بەغداو شارەكانی‮ ‬دیكە متمانەیان پێبكەن،‮ ‬چونكە لە ئاستی‮ ‬جموجۆڵەكانی‮ ‬سەربازی‮ ‬ئەگەرچی‮ ‬بەردەوام مەشقیان پێدەكرێت لەلایەن ئەمریكاوە،‮ ‬بەڵام بەهۆی‮ ‬نەبوونی‮ ‬بڕوا بە كارەكەیان ئەوە هەردەم بە لاوازی‮ ‬وێنا دەكرێن،‮ ‬لەم ماوەیەی‮ ‬ڕابردوودا هێزەكانی‮ ‬بەناو دەوڵەتی‮ ‬عێراق بە حەشدی‮ ‬شەعبی‮ ‬كە بە فەرمی‮ ‬سەر بە ئێرانە دووچاری‮ ‬گەورەترین شكستی‮ ‬سەربازی‮ ‬بوون بەرانبەر هێزی‮ ‬سیستەماتیكی‮ ‬پێشمەرگە لە پردێ و زوومار و سەحێلا،‮ ‬ئەم جەنگە وانەیەكی‮ ‬یەكجار گرینگ بوو بۆ عێراقییەكان كە دوای‮ ‬جەنگی‮ ‬2003ی‮ ‬كەنداو‮ ‬یەكەم جار بوو دووچاریان ببێت‮!.‬_برگە دەستوورییەكان لە نێوەندە سیاسی‮ ‬و میلیەكانی‮ ‬نەوەك لە عێراقدا،‮ ‬بەڵكو وڵاتانی‮ ‬ناوچەكە بابەتێك نییە كە بایەخی‮ ‬پێبدرێت،‮ ‬بەهۆكاری‮ ‬ئەوەی‮ ‬نە باوەڕیان بە‮ ‬یاسا و‮ ‬ڕێسا دەستوورییەكان هەیەو نە متمانەیان مۆڕاڵی‮ ‬سیاسەتی‮ ‬خۆیان لە جێبەجێكردنی‮ ‬بڕگە دەستوورییەكاندا بەدی‮ ‬دكرێت،‮ ‬بەمەش ئەستەمە بتوانرێت لە هەمبەر ئەم جۆرە لێكدانەوە سیاسیە خاڵەكان‮ ‬ڕێڕەوی‮ ‬خۆی‮ ‬بگرێت. رژێمی بەغدا نە لە ئێستا و داهاتووش هیچ مافێكی دەستووری بە كورد نابەخشێت و گەر بتوانێتیش ئەو جارێكی تر هەوڵی داگیركردنی كوردستان دەدات ، بۆیە نابێ‌ چاومان لە گفتگۆ لەگەڵ عێراقێكی تا بن گەندەڵ ولاواز لە رووی سیاسییەوە بین و كاتمان بە فیرۆ بدەین .
میللەتێكی شەش ملیۆن كەسی، كە بە بێ ویستی خۆی وڵاتەكەیان خراتەوە سەر وڵاتی ئێمە و ئێمەش وەك كۆیلە سەیریان دەكەین، سەدەیەكە لێمان وەزاڵە هاتووە و پاش نەمانی بەعس لێی روون بووەتەوە ئێمەش فەرقێكی ئەوتۆمان لەگەڵ بەعس نییە بۆیە ریفراندۆمی كردووە و بڕیاری لە چارەنووسی خۆی داوە.كورد لەدوای 2٥ی9 كەوتە بەرپەلاماری وڵاتێك كەهاونیشتیمانی لەگۆشت و خوێنی خۆیەتی،جائەم پەلاماردانە بەهاوكاری وڵاتانی دوژمنی دراوسێ ئەنجام درا،هەریەكەو هەوڵی ئەوەی دەدا كەلتووری ڕقی چەندەها ساڵەی بەرامبەر بەكورد زیندوو بكاتەوە، تائێرە كرانەوەی یەكێك بوو لەپەردەكانی شانۆگەری سیاسی لەعێراق و پرسیارە گرنگەكان لێرەوە دەست پێدەكەن، كەئایا ئەو وڵاتانەی هەمیشە چەمكی هاوپەیمانیان بەگوێچكەماندا دەچرپاند لەكوێ ی ئەم هاوكێشانە بوون؟ خۆ ئەم ڕووداوانەش وەكو كیمیاباران و ئەنفالی 19٨٨ نەبوون بیاوونی دووربینی ڕووداوەكانیان بۆ بچێتە سەر، خۆئەم جارە خۆیان چركە بەچركە لە نێوو ڕووداوەكان بوون هەموو ئەو پێشێلكاریانەیان بینی بەرامبەر دۆستە هاوپەیمانەكانیان، ئایا بئ دەنگ بوون لەم هەموو پێشێلكاریانە چ خوێندنەوەیەكی هەیە، بەرژەوەندیەكانیان لەگەڵ عێراقی ئێرانی گرنگترە یان ئەمانیش لەگەڵ لۆژیكی هێزن یان ویژدانیان سڕ كراوە.ئەو وڵاتانەی كە ئێمەیان بە قەڵغانی شەرەف و پێشمەرگەیان بەسیمبوڵ دەزانی كاتی شەڕی داعش وە بەدانپێیانانی خۆیان پێشمەرگە ئەفسانەی داعشی شكاند، كەواتە وابێت ڕێك ئەو گریمانەیە راست دەردەچێت كەئەوان لەگەڵ لۆژیكی هێزن كێ هێزی لابێت براوەیەو هاوپەیمانین،ئەگەر باسەكە لەسەر بەرژەوەندی بێت بۆ ئەمەشیان تەواوە چونكە ئەوكاتەی حوكمەتی هەرێم لەلووتكەی پێشڤەچوون بوو هەرڕۆژگارەو چاڵەنەوتێكی زیاد دەكرد،هاوپەیمانەكانمان وای لێهاتبوو ژمارەیان لە ژمارەی دەنكی تەزبیح زیاتر دەبوو.دوای 1٦ی ئۆكتۆبەر لەسەرووبەندی ئەوەی خەریك بوو میللەتێك بەتەواوەتی ئەزموون و ناسنامەی بكەوێتە ژێر مەترسیەوە،ئەگەر ئیرادەو خۆڕاگری پێشمەرگەو میللەت نەبوایە هەموو شتێك لەدەست دەدرا،ارێكی تر دیكتاتۆرێكی مەزهەبی كۆپیكراویی دەستی رژێمی ئێران خاكی كوردستانیان داگیر دەكردەوە .بۆیە خەونی حوشتری داگیركەران مەحالًە بێتەدی و ریفراندۆمی سەربەخۆیی هەمیشەییە ..