پشتی کو گڕژی و ئاڵوزی دناڤبەڕا حکومەتا عێراق و کوڕدستانێ دڕوست بوی و حکومەتا عێراقێ ڤیای بهێزێ خو فەرزبکەت لسەر کوڕدستانێ و دەست بسەر دەڕیێن سنووڕی بگڕیت، حکومەتا هەڕێما کوڕدستانێ ل دەستپێکێ هەوڵدا خو ل ڕودانا شەڕی دویربگڕیت و نەکەڤیتە دناڤا ماڵوێڕانی و تێکدان و خڕاپکڕنێدا، ۳۰۰ ساڵا پشی زاینێ بیرمەندێ لەشکڕیێ چینی(سانت زوو) ی گوتیە (خولادان لشەری لوتکا سەرکەفتنێیە، چونکو ل شەریدا ماڵوێڕانی و تێکدانەکا زوڕ دڕوست دبیت و ئەو ئاڤەدانیا ب ماندیبونا چەندەها ساڵە هاتیە ئاڤاکڕن ل ماوەکێ کێم هەمی دێ ژناڤچیت). ئەگەڕ بەڕێ خوبدەینە رەفتاڕێن حکومەتا هەڕێما کوڕدستانێ بەڕامبەڕ عێراقێ، بریتیە ل هەمان ئاخافتنێن ڤی بیڕمەندێ چینی، چونکو عێراقێ دڤیا کوڕدستانێ وێڕان بکەت، هندەک حەشد ئینابون ڤیا هەڤلێڕێ وێڕانبکەت، لێ حکومەتا هەڕێما کوڕدستانێ بەڕدەوام بەهانە دئینان و بهەجەتا ڕێکەفتنێن لەشکری و سیاسی و هندەک پێشنیاڕان، عێراق ل هزرا داگیرکڕنا کوڕدستانێ دوڕئێخست. پشتی کو مەتڕسی ل سەر داگیرکڕنا کوڕدستانێ نەمای و بۆ هەمی دەوڵەتا ئاشکەڕابوی کو عێراق نەشێت کوڕدستانێ داگیربکەت، هێدی هێدی دەوڵەت و ڕێکخڕاوێن نێڤدەوڵەتی یێ پشتەڤانیا خو بو حکومەتا هەڕێمێ و کاک نێچیرڤان باڕزانی ڕادگەهینن، ل نوێترین پشتەڤانی بریتیە ل ناما ئەنتونیو گوتێڕێس سکڕتێڕێ گشتی یێ نەتەوێن ئێکگڕتی، و پشتەڤانیا ئێکەتیا ئەوڕوپا، ئەڤ پشتەڤانیە دشێن لسەر بواڕێ ئاشتی و دیموکڕاسی ژلایەک و لسەر پرسا ئاواڕە و پەنابەرا ژلایەکێ دیڤە بهێنە دیارکرن، ئەوژی ل دیف وێ چەندێ دهێت کو سەڕوکێ حکومەتا هەڕێما کوڕدستانێ کاک نێچیرڤان بارزانی زوڕ تەئکید ل گفتوگویا ئاشتیانە و ڕێنەدانا شەری دکر هەڕوەها بەڕدەوام فەکڕنا دەڕگەهێن کەمپا بو ئاواڕا ژلایێ حکومەتا کوڕدستانێ هوکاڕەکا دیە بوهندێ کو دەوڵەتێن بهێز پشتەڤانیا خو بو کوڕدستانێ دەڕببرن، ئەڤ پشتەڤانیە دشێن ببنە بنامەیێن سەرەکی بو دڕوستکڕنا دبلوماسیەتەکا بهێز دگەل دەوڵەتێن بیانی، لێ دڤێت کوڕدستان زێدەتر گڕنگیێ ب کێشێن ناڤخو بدەت، چونکو هەبونا کێشێن نڤخو دێ ڕێگڕبن لبەڕدەم ڤەبونا پەیوەندیێن حکومەتا هەڕێما کوڕدستانێ دگەل دەوڵەتێن ناڤچەیی و نێڤدەوڵەتی.
ڕەجەب جەباڕ
