پشتی گۆرانکاریێن سیاسی و لەشکری و دیمۆگرافی ل کوردستانێ دروست بووی نەخاسمە یێن پشتی ئەنجامدانا راپرسیا سەرخۆبوونا کوردستانێ و پاشان پیلانا داگیرکرنا کوردستانێ ژلایێ حکومەتا ناڤەندیا عیراقێ ب پالپشتیا لەشکرێ پاسدارێن ئیرانێ و بالەکێ ئێکەتی نشتیمانی کوردستان ، کو د ئەنجامێ وێ خیانەتێ کەرکووک و دەڤەرێن دیتر یێ، کوردستانی ھاتینە داگیرکرن و پاشان رازینەبوونا سەروک بارزانی بۆ درێژکرنەڤا دەمێ سەرۆکاتیا وی ھەتا ھەلبژاردنێن داھاتی . حکومەتا ھەرێما کوردستانێ بتایبەت رێزدار نێچیرڤان بارزانی سەرۆکێ حکومەتێ چۆ دناڤ ئەزموونەکا نوو یا دەسھەلاتداریێ و رێڤەبرنێ ، چونکی ژبلی ئەرکێ سەرۆکاتیا حکومەتێ ، پشکەکا دەسھەلاتداریا سەرۆکێ ھەرێمێ ژی پێ ھاتنە سپاردن . خۆیایە ئەڤ رەوشا کوردستانێ ژ ھەمی ئالیانڤە تووشی نەھامەتیەکێ بوویە ، چونکی گاڤ و سەرەدەریێن حەشدا شیعی بن سیبەرا دەولەتا عیراقێ و رێنمایی یێن ئیرانێ بەرامبەر کوردستانێ د دوژمنکارانە نە و لدەسپێکێ ھەتا رادەیەکی جیھان ژی لسەر یا بێ دەنگ بوو . لێ پشتی سەرکەفتنێن پێشمەرگەھێ کوردستانێ چەندین داستان لسەر حەشدا شیعی تۆمارکرین و زێدەگاڤیێن ئیرانێ لدەڤەرێ دیتنا جیھانێ بەرامبەر کوردستانێ ھاتیە گۆرین . سەروکێ حکومەتێ ژی ھەر زوو گاڤێن ئەرێنی و حەکیمانە ھاڤێتن ، وەک داکۆکیکرن لسەر پرنسیپێن دیارلۆگێ و ئاشتیانە بۆ چارەسەرکرنا ئاریشەیان دگەل دەولەتا عیراقێ و وەلاتێن دەوروبەر ، لسەر ئاستێ نافخۆیی ژی ھەولێن جەنابێ وی بۆ دروستکرنەڤا ئێک گۆتاریا سیاسی دناڤەرا حزب و ئالیێن کوردستانی .
ئەڤ ھەول و گاڤە نیشانن کۆ حکومەتا ھەرێما کوردستانێ ب سەرۆکاتیا نێچیرڤان بارزانی شیانێن دەربازبوونێ ھەنە لڤێ قوناغێ ، لەوما ھەلویستێ زۆربەری وەلاتێن جیھانێ نەخاسمە ئەمریکا و ئەورۆپا بەرامبەر کوردستانێ ھاتینە گۆرین و ڤان گاڤێن حکومەتا کوردستانێ ھەتا رادەیەکێ زۆر ئۆمێدا خەلکێ کوردستانێ زڤراندیەڤە و بۆ بەرژەوەندا گشتی پێتڤی یە حزبێن کوردستانێ د رەوشەکا ھوسادا پالپشتیا حکومەتا کوردستانێ بکەن ، ئەز باوەرم سەرۆکێ حکومەتێ دڤی ئالی دا دێ یێ سەرکەفتی بیت ، چونکی خودان سەربوورە دوارێن سیاسی و ئیداری و دبلۆماسی دا .
د داخویانیێن سەرۆکێ حکومەتێ یێن رۆژێن دەربارزبووی دا دیارە ھەولەکا جدی دێ ھاڤێژین بۆ بھێزکرنەڤا حکومەتاھەرێما کوردستانێ و ئەکتیڤکرنا رۆلێ ھەمی پارتیێن پشکدار دحکومەتێ دا .
ئەز باوەرم ئەگەر حزبێن کوردستانی ب ئەرکێن خۆ یێن نەتەوی و نشتیمانی راببن و ناکۆکی و بەرژەوەندێن بەرتەسکێن حزبی لابدەن و کار بۆ جێبجێکرنا ئەجندارێن وەلاتێن داگیرکەر نەکەن حکومەتا کوردستانێ زووترین دەم دێ شێت بلانسێ سیاسی و ئیداری بەرەڤ باشتر بوونێ گۆریت ، چونکی ئەڤ گاڤێن نحو حکومەتا کوردستانێ دھاڤێژیت د بەرژەوەندا کوردستانێ و جیھانێ دانە و ب دیتنا من دێ سەرگرن ، چونکی بەرفرەھبوونا ھەژموونا ئیرانێ ل دەڤەرێ ب گشتی و عیراق و سۆریا ب تایبەتی جھێ مەرسیێ نە بۆ جیھانێ و ناھێنە قەبوولکرن . دیارە ئیرانێ پلانا خۆ یا شیعەگەریێ پراکتیزەکریە و دەڤەرا رۆژھەلاتا ناڤین شلقاندی یە و مەترسیێن دژوار دێ درۆست کەت ، وەک شەرێ تائیفی دناڤبەرا ( شیعە و سونە) یان دان و عیرا قژی ب تەمامی بوویە ویلایەتەک ل ئمبراتۆریەکا فارس و وەکی دەولەتەکا عەرەبی لسەر نەخشێ وەلاتێن عەرەبی نەمایە ، ئەڤەژی مەترسیەکا دژوارە لسەر وەلاتێن عەرەبی . ئەڤ گاڤێن ئیرانێ د بەرژەوەندا کوردستانێ دانە و کورد دشێن ڤێ پلانا ئیرانێ ھەلوەشینن ، ئەگەر پشتەڤانیا نیڤ دەولەتی بۆ ھەبیت و جیھان دێ نەچار بیت بۆ بەرژەوەندێن خۆ پشتەڤانیا کوردستانێ بکەت . ڤان رەفتارێن حومەتا عیراقێ دژی کوردستانێ خەلکێ کوردستانێ نیگەران کریە ، لەوما خەلکێ کوردستانێ دێ پشتەڤانیا حکومەتا خۆ کەت داکۆ ئەڤ ئەزموونا کوردستانێ بەرەڤ پێشڤە بچیت و دێ دژی ھەر حزب و لایەنەکی کەت ئەوێن دژبەریا ئێکرێزیا کوردستانێ دکەن و ئەجندارێن داگیرکەرا بجە دئینن و ئەڤ گاڤێن حکومەتا مە نیشانێن باوەری بخۆ ھەبوونێ و چارەسەرکرنا قەیرانا یە .