یا دیاربو پشتی حکومەتا هەڕێما کوڕدستانێ ڕوبرویێ قەیرانا داڕایی، شەڕێ داعش، زوربونا ئاواڕە و پەنابەرا و کێشە و ململانێن سیاسی بوی، زور لاوازبو ژلایێ کاروکریارانڤە و دابینکرنا دەلیڤێن کاری بو هاوڵاتی، بگرە دابینکرنا موچێ فەرمانبەراش ئاستەنگەک بو ژلایێ حکومەتا هەڕێمی ئەویش لبەر برینا موچە و بودجێ هەڕێمێ ژلایێ حکومەتا ناڤەند، هەوڵێن سەراستکرنا کێماسیێن حکومەتێ بەردەوامن و سەروکێ حکومەتا هەڕێمێ ڕێزدار نێچیرڤان
باڕزانی بەڕدەوام ل دەڕیەکێ دگەڕێت بو چاڕەکڕنا ڤان کێشێن مەزن لناڤ حکومەتێ، پشتی کو سەروکێ هەڕێمێ ڕازی نەبوی ماوێ دەسەڵاتا وی بهێتە دڕێژکڕن، دەسەڵاتێن وی هاتنە پاڕڤەکڕن لسەر حکومەت و پەڕلەمانی، ڤێ چەندێ دەستێ سەڕوکێ حکومەتێ زوڕ بەرفرەکر لسەر کاروباڕێن حکومەتێ، هەڕوەها پشتی کو حکومەتا ئەمڕیکا پشتەڤانیا خو بو نێچیرڤان بارزانی ڕاگەهاندی و ناما سەڕوکێ فەڕەنسا بو سەڕوکێ حکومەتا هەڕێما کوڕدستانێ، هەوڵێن مەزنن بو ڤەکڕنا دەڕفەتێن پێشڤەچون و بهێزبونا دەسەڵات و کاڕوباڕێن حکومەتێ، لێ گرنگتڕین هەوڵ و دەلیڤە و پێدڤیێن بهێزبونا حکومەتێ بریتینە:.

ئێک: پێدڤیە حکومەتا هەڕێمێ هەوڵبدەت کێشێن سیاسی ل ناڤ هەڕێمێ چاڕەبکەت و هەوڵبدەت باوەڕیێ دناڤ لایەنێن سیاسی دڕوست بکەت، پشتی ماوەکێ دڕێژ کو هیچ باوەڕی نەمای.

دوو: حکومەتا هەڕێمێ پەیوەندیێن خو دگەل دەوڵەتێن هەڕێمی بگشتی و دەوڵەتێن جیران مینا توڕکیا و ئیران بتایبەتی باشبکەت، گڕنگتڕین تشت بو باشکرنا پەیوەندیێن حکومەتا هەڕێمێ دگەل ئیران و توڕکیا بریتیە ل پاراستنا هاوسەنگیا ئابوڕی ل ناڤبەرا ڤان دەوڵەتا، هەڕوەها لێکڤەکڕنا دوزا نەتەوی ل کوڕدستانا باشور دگەل پارچێن دیێن کوڕدستانێ.

سێ: ڕێگڕی کڕن ل دیارنەمانا موڵکێ گشتی.

چار: ڤەکڕنا دەلیڤێن کاڕی بو هاوڵاتی و ئێدی هاوڵاتیێن هەڕێمێ دەمێ ل زانکویێ دخوینن بێ ئومێدنەبن ژ کاڕکڕنێ، چونکو بێ ئومێدیا قوتابی یابویە ئەگەڕێ هندێ کو گڕنگیێ ب خواندنا خو نەدەن.

پێنج: پێشخستنا تاکێ کوڕد ل ناڤ جومگێن برێڤەبرنێ لسەر بنەمایێ پسپوری نەک واستە و واستەکاری، پێویستە تاکێ خودان شیان بهێنە پێش ل بریاردانێ.

شەش: گرنگیدان ب کەرتێ کشتوکاڵ، پێویستە حکومەتا هەڕێمێ گڕنگیێ ب وی جوڕە بەروبومی بدەت کو ل دەوڵەتێن جیران و هەڕێمی یێ کێمبیت، بوهندێ کو بشێت دەستکەفتەکا ئابوڕی بخو دابینبکەت، واتە حکومەت هەمی جوڕە بەڕوبوما بوخۆ دابینبکەت و بەروبومەکێ بو هەمی دەوڵەتان دابینبکەت، حکومەت نەهێلیت کوشتوکاڵ بشێوەکێ هەڕەمەکی بەروبوما بچینیت.

حەفت: ڤەکڕنا دەلیڤێن کاڕی بو سەڕمایەداڕان بو هندێ کو بشێن بەڕهەمهینانێ ل ناڤخویێ کوڕدستانێ بکەن مینا ڤەکڕنا پڕوژێن بچویک و مەزن، ل کشتوکاڵ و تەکنەلوژی و زانستی.
هەڕچەندە ئەف خالە بەس نینە کو لسەر راوەستین لێ دەستپێکەکا باشن بو هاندان و پشتگیریا حکومەتێ، من باوەڕیا هەی کو سەروکێ حکومەتێ شیانێن جێبەجێکڕنا ڤان خالا هەیە و ئەو دشێت لسەر هەمی کێماسیەکێ ڕاوەستیت و دشێت پشتگیریا نێڤدەوڵەتی و هەڕێمی و ناڤخو بو حکومەتێ دابینکەت.