پشتی ریدانێت شازدێ ئوکتوبەرێ کو ب پیلانەک نافخوی و رازیبون و سەرپەرشتتیا دەرەکی ل دژی ھیڤیی و ئومێدێن کوردستانێ ھاتنە گێران .و ئەو مەترسی و زیانێن ب کوردستانێ گەھشتی و ئەو غرورو و دفن بلندیا ل دەف ھندەک سەرکردێن عیراقێ دروست بوی, وەکریە کو جادا کوردستانی جورە بێ ھیڤی بونەک ل دەف دروست ببیت , تایبەت ل وێ خیانەتا کالفام و فێسبوکباز و سنێلێن سیاسی ل ناف ئالیەکێ سیاسی دا کو ھەمی تشتەک ئێخستە بەر مەترسیا ھێزێن حەشدا شەعبی کو پێگیری چو یاسایەکا ئەردی و ئەسمانی نینن.
پشتی ڤان ریدانان پێنگاڤا دوویێ دەست پێکر کو درێژکریا پیلانا شازدێ ئوکتوبەرێ یە , ئەو ژی ئەو گوتنێن زورێن سەروک وەزیرێن حکومەتا فیدرالن حەیدەر عەبادی ھەر ھەفتیێ جارەکی پتر ژ مەلایەکێ کو ل سەر مینبەرەکێ تاخڤیت بەحس ژ رەوشا ھەرێما کوردستانێ دکەت ؟! ھەر کەسێ نەشارەزایێ لوژیکی بەغدا بیت دێ ھوسا تێگەھیت ئەڤە فریاد رەسێ گەلێ کوردە . ب گوتنێن خوە عەبادی دوو مەرەم پێ ھەنە بەرامبەر کوردستانێ , یا ئێکێ ئەوە کو دڤێت ئالوزیی بکەڤیتە ناڤبەرا ئالیێن کوردستانی تایبەت پارتی دیموکراتی کوردستان و ئێکەتی نیشتیمانی کوردستان و ھەتا براکوژیی بچیت , ھەروەسا ل خالا دوویێ دڤێت کوردستان ببیتە دوو ئیدارە و ل داویێ ئێک ب ئێک ژ ناڤببەت.ئەڤ چەندە ژی ل پروژە یاسایا بودجێ عیراقێ بو سالا (٢٠١٨) دیار بو کو کیانێ دەستورێ یێ کو ھەرێما کوردستانێ لادایە و ب پارێزگەھێن باکوری !! ئاماژە ب کوردستانێ کریە . ھوسا دیار دبیت کو عەبادی خوەدیێ ئاقلێ ڤەکری ! ل رێککەفتناما یازدێ ئادارێ ژی پەشیمان بویە.
پشتی ئەو قەیرانا کوردستان ڤەگرتی ل سالا ٢٠١٤ ھەتا نھا ,کو بارێ گران کەفتە سەر ملێن فەرمانبەران و ھەتا نھا ژی بەردەوامە و بێن درێژیەک زور ھەبویە و فەرە حکومەتا ھەرێما کوردستانێ ھەمی پێکولان بکەت کو ئەو کریزە ب داویی بێت و ھەروەسا ب پلانەکا توکمە نەھێلیت دووبارە ببیت و ھەمی فاکتەرێن کو کاریگەریەک خراب ھەبوی کوردستان بکەڤیتە ڤێ قوناغێ نەھێلن بمینن.ئەڤی سەروبەری خەلک تورە کریە و بەرێز عەبادی ژی کەسەک شارەزایە و ل ڤی وەتەری ددەت و دبێژیت ئەز دێ موچێن فەرمانبەر و پێشمەرگەی دەم .ئەگەر راستە حکومەت بەرھەڤە ھەمی دات و زانیارییان دانیتە بەر حکومەتا فیدرال بلا عەبادی کەرەم بکەت و سوزا خوە ببتە سەری.
ئەڤان گوتنان کاریگەری ل سەر پشکەک زور ژ موچەخوران کریە و نھا دا داخاز دکەت کو عەبادی ببیتە رزگارکەرێ وان ل ڤان کاودانان. ئەرێ عیراق ل وی ئاستی یە کو گەلێ کورد شتی ھەمی نەخوشیان خوزیان پێ ب خوت؟.
عیراق بەس سەرێ ھەیڤێ نینە واتا بەس موچە تنێ ژیان نینە و ئەگەر ئەم سەحکەینە کەنالێن عیراقی کو چاوا بەحس ژ رەوشا ناڤەراست و باشورێ عیراقێ دکەن ل ھەمی بیاڤەکێ ڤە دێ باش دیار بیت کو کوردستان نمونەیەکە سەرەرایێ ھەمی کێم و کورتێن کو ھەیی بەلێ چو جاران ب دەولەتەکا وەکی عیراقێ ناھێتە ھەمبەرکرن ژ بەرکو عیراق بویە مەیدانەک بو ھەمی ئالیەکێ پارچە گوشتەک کو شەرە ل سەر.
عیراق بەر سەرێ ھەیڤێ ب چو ئاواییە:
• ل عیراقێ دا یاسا بەردەوام تێتە بنپێکرن و دادگەە ل بەر ھەبونا نیزیکی حەفتێ گروپێن حەشدا شەعبی ب ھیچ ئاوایەکێ نەشێت رولێ خوە ببینیت.
• نەپاراستنا مافێن پێکھاتێن ئولی و مەزھەبی و نەتەوەی ل عیراقێ دا , و باشترین گروڤە ژی ل بەرچاڤە کو ب چو ئاوا سەرەدەریێ ل گەل کوردان دکەن ل بەغدا و دەڤەرێ کوردستانیێن دەرڤەی ھەرێمێ و ھەروەسا سونێن موسل و دیالا و جورف سەخر و سەلمان بێگ و موسل ..
• نە پاراستنا مافێن زاروکان و ژنێ , ل داویی پێنگاڤا پارتێن حەشدا شەعبی ئەوە کو دڤێت (یاسایا بارێ کەسی = قانون احوال شخێیە) یا سالێن پێنجیێ بگوھرن بو یاسایا (الجعفری ) کو رێکی ب شوو دانا (القاێیرات) واتا کچا بن دەە سالیێ ژی ددەت شوو بکەت! ھەروەسا ب سەربازکرنا زاروکان ژ ئالیێ حەشدا شەعبی ڤە و (غسل الدماغ ) کرنا وان بەردەوامە دور ژ ھەمی یاسا و رێسایەکێ .
• بن پێکرنا دەستوری ژ لایێ بەغدا ڤە ژی بەردەوامە و ل ئالیی دیتر داخازا جێ بەجێ کرنا دەستوری ژی دکەت.
• عەبادی دەمێ دبێژیت شەرێ دئێت ل گەل گەندەلیێ یە , واتایەک مەزن ددەت ژ بەرکو عیراق کەفتیە ناڤ مەزنترین بیرا گەندەلیێ و ل پلێن ئێکێ یە ل سەرانسەرێ جیھانێ و عیراقا سەرێ ھەیڤێ کو موچەی ددەت واتایا ھندێ نادەت کو شاما شەریفە.
• ل عیراقێ دا دەولەت ل ناڤ دەولەتێ داھەیە و ھەمی ئاماژە بو ھندێ دچن کو عیراق وەکی ئیرانێ ل دئێت و دەسەلاتا روحی دبیتە خوەدیێ حکومەت و سوپایێ خوەیێ مەھەزبی و دەولەت ژی خوەدیێ حکومەتەک لاواز.
• ئەو عیراقا گەفێن پاراستنا ھەمیی عیراقیان دکەت , رێگرە ل ڤەگەریانا نیزیکی ئێک ملیون ئاوارێن سوننە.
• بەلاڤبونا رێژەکا زور ژ بێکاریێ ل سەرانسەرێ عیراقێ , ئەگەر بەرێز عەبادی راست دکەت بوچی چارەسەریا بێکارەیێ ناکەت.
• بەلاڤبونا رێژەکا زور ژ بکار بەرێن (مخدراتان ) کو ل داویی ئامار دا ل دەمێ نیزیکی سالەکێ دا تنێ ل پارێزگەھا بەسرا (١٣٠٠) بازرگانێن موخەدراتان ھاتینە گرتن.
• بەردەوام بونا دیاردێن رەڤاندنێ ( اختیتاف ) . ل ھەمی پارێزگەھێن عیراقێ . سەرەرایێ ھەبونا حالاتێن کوشتن و پەقاندنا ترومبێلان .
• عیراق بویە وەلاتەک چو سەروەری نینن , ھەتا نھا دەھان دەولەتان سوپا ل عیراقێ ھەیە.
ل داویێ فەرە کو حکومەتا ھەرێما کوردستانێ چەند پێنگاڤان پاڤێژیت :
• ھەمی ھەولەک بێتەدان کو ئێک رێزیێ بو ناڤ مالا کوردی بزڤریت و ئەو دەستکەفیێت ھەی بپارێزن.
• بەردەوامی دان ب زمانێ دیالوگی ل گەل بەغدا .
• بەردەوامی دان ب پروسا چاکسازیێ .
• پەیوەندی کرن ل وەلاتێن دەڤەرێ و جیھانێ بو ھاریکاری کرنا کوردستانێ.
ل داویێ فەرە ھەمی کوردەک باش بزانیت عیراق ل قوناغەک نەخوش دایە و چو ھیڤیەک ل سەر وەلاتەک وێران ناگەھیتە ئەنجام .