ددەمەکێدا کو فشارێن سەر هەرێما کوردستانێ د زێدەبوونێدابوون و هەر ئێک ژ وەلاتێن ئیراق و ئیران و تورکیا بهەڤرا فشار بۆ سەر کوردستانێ زێدەدکرن و سەرۆکێ ئەمریکا د داخویانیەکێدا بێهەڵوێستییا خۆ لهەمبەر پاراستنا کوردستانێ نیشادا، رووسیا د سێ دەم و جهێن جۆدادا پشتەڤانیا کوردان کر.
ددەما سەردانا فلادیمێر پۆتین سەرۆکێ رووسیا بۆ تورکیا، سەرباری وێ چەندێ سەرۆک کۆمارێ تورکیا رەجەب تەیب ئەردوغان گەلەک بزاڤکردن کو پۆتین بکەڤیتە بن کارێگەریا وی و هەمان هەلویست لدور رەتکرنا ریفراندووما کوردستانێ دەرببریت، لێ بەرۆڤاژی پۆتین پشتەڤانیا خۆ بۆ مافێ گەلێ کوردستانێ دەربری و ئاماژە ب وێ چەندێ کر ک رووسیا لگوری یاسایێن نێڤدەولەتی دێ سەرەدەریێ دگەل دۆزا کوردان کەت (لگوری هەموو یاسایێن نێڤدەوڵەتی کوردان وەک نەتەوە و وەک دەڤەرا جوگرافی و مێژووی و زمانەڤانی مافێ دەوڵەتا سەربەخۆ هەیە).
ژ لایەکێ دنڤە پشتی سەردانا حەیدەر عەبادی بۆ سعودیە، ئیبراهیم جەعفەری وەزیرێ دەرڤە یێ ئیراقێ ب مەرەما پێدانا چەندین ئیمتیازاتان ب رووسیا و پەشێمانکردنا رووسیا داکو ژ گرێبەستێن خوە دگەل هەرێما کوردستانێ پوشمان ببیت و کۆنسوڵگەریا خوە ل هەولێرێ دابێخیت، لێ سێرگی لاڤرۆڤ وەزیرێ دەرڤەیێ روسیا ئاماژە ب وێ چەندێکر کو وەلاتێ وی دێ بەردەوامبیت لسەر پەیوەندیێن خوەین دگەل هەرێمێ و ئامادە نینە کۆنسوڵگەریا خو ل هەولێرێ دابێخن.
سەرباری هەردوو بزاڤێن بێبەرهەمێن تورکیا ئیراقێ، ڤێجارێ ئیرانێ هەوڵدا رووسیا کو هەڤپەیمانەکا دیروکیا وی وەلاتیە بتایبەت ژ رووی کرینا چەکیڤە رازیبکەت کو دەست ژ بەرژەوەندیێن خۆ دگەل کوردستانێ بەردەت، لێ دیسان پۆتین ل تەهرانێژی لسەر هەمان هەڵویستا بەرێ یا وڵاتێ خوە یێ رژدبوویە.
پرسیارا سەرەکی ل ڤێرە ئەوە چ وەدکەت ک سەرباری دازایێن بەردەوامێن هەسێ ولاتان ل موسکۆ بۆ دەستبەردانێ ژ کوردان و سەرکردەیێن وی وەڵاتی رەتدکەن؟ ئەوژی سەرباری کو تێکەلیەکا مێژووی یا کەڤن هەر ژ سەردەمێ مەلا مستەفایێ بارزانی ل رووسیا دگەل وی وەلاتی هاتیە بنیاتنان، دهەماندەمدا رووسیا باش تێگەهشتیە کو کورد چاکیا دوستێن خوە ژبیر ناکەت و وەک ملەتیێن دی یێن دەڤەرێ بتنێ لدویف بەرژەوەندیێن خوە نینە، سەربارزی وێ چەندێژی حکومەتا هەرێما کوردستان بسەرۆکاتینا نێچیرڤان بارزانی شیایە گرێبەسێتن گرنگ و ستراتیژی یێن نەفت و گازێ دگەل هەردو کۆمپانیێن رۆزنەفت و روسیا پرتولیوم ئیمزا بکەت و سەرباری پەیوەندیێن مێژووی و سیاسی گرینگێ ب پەیوەندیێن ئابووری و تێنێژی دگەل وی وڵاتی بدەت، ئەڤە ددەمەکێدایە سیاسەتا کوردان شیان بێژیت دەما لایەنەکێ گرنگێ جیهانی ئەگەر پشتێژی بکەتە دوزا کوردان ئەو شیانە د پەیوەندیێن ب بالانسکری دگەل لایەنەکێ دیژی کو دبێژنێ جەمسەرێ رووسی ئاڤابکەن و بەردەوامبن لسەر هاریکاریێن دوولایەنە لسەر بەرژەوەندیێن هەڤبەش.