دەمێ چەند سالایە ب ئەندازیارا نێچیرڤان بارزانی سەرۆکێ حکومەتا ھەرێما کوردستانێ سیاسەتا ئابووری یا کوردستانێ بتایبەت د وارێ نەفت و گازێ دا گاڤێن خۆسەری و سەرخۆبوونا ڤی کەرتی ھاڤێتی نە ، بۆ ڤێ مەرەمێ ژی ڤێ سیاسەتا دووربین شیا گۆمپانیێن ھەرەمەزن و زەبەرلاحێن جیھانێ یێن نەفت و گازێ وەک ( ئیکسۆن مۆبیل – گاز پرۆم .... ) بینتە کوردستانێ و گەھاندە ئاستێ دەرئینانا و فرۆتنێ ، بڤێ چەندە نە تنێ بەرژەوەندێن ئابووریێن وەلاتێن جیھانێ نەخاسمە یێن زل ھێز دگەل بەرژەوەندێن ئابووری و سیاسی یێن کوردستانێ تێکەل بکەت و ئەڤ وەلاتێن خودان ئەڤ کۆمپانیایە نەشێن دەستا ل کوردستانێ بەردەن و د نەچارن پشتەڤانیا کوردستانێ بکەن دوارێن سیاسی و ئابووری و لەشکری دا ، ژبەر ڤان ئەگەران بوو ل شەرێ دژی تیرۆرستێن داعش وەلاتێن جیھانێ ھاریکاری و پشتەڤانیا کوردستانێ کر و ئەڤ ھاریکاریە فاکتەر بوون بۆ سەرکەفتنا پێشمەرگەھێن کوردستانێ لسەر ڤی مەزنترین درندەترین گرۆپێ تیرۆرستێی جیھانی و د بەردەوامن ، نھو ژی پشتی ئەنجامدانا راپرسیا سەرخۆبوونا کوردستانێ ل (٢٥) ێ ئیلۆنا ٢٠١٧ و سەرکەفتنا وێ ب دەنگێن بەلێ بۆ سەرخۆبوونێ کۆ لسەر ئاستێ جیھانێ دەنگڤەدان و کارڤەدانەکا ئێکجار زۆر ڤەدا و نەیارێن سەرخۆبوونا کوردستانێ چ لسەر ئاستێ عیراقێ یا وەلاتێن ھەرێمی وەک ئیران و تۆرکیا ب پەرەپەرێ کەفتنە و دەست ب وەشاندنا گەفا دژی کوردستانێ دکەن ، ھەرچەندە ھێشتا گەفێن وان ژبلی یێن عیراقا شۆفینی نەگەھشتینە ئاستێ بڕینا پەیوەندیا و ئابلۆقەدانا کوردستانێ و ئەز باوەر ناکەم بگەھنێ ژی ، چونکی سیاسەت و بەرنامێ ووزێ ل کوردستانێ ئەوا نێچیرڤان بارزانی سەرۆکێ حکومەتا ھەرێما کوردستانێ دارشتین و پراکتیزە کری دەست و دەڤێن وان گرێدانە کۆ نەچار بن دگەل کوردستانێ خۆ بگونجینن و دژایەتیا سەرخۆبوونا کوردستانێ نەکەن . ب تایبەت تورکیا ، گەفێن نھو تورکیا دکەت تنێ گەفێن بریقەدارن و پراکتیزە نابن و ھێشتا نەگەھشتینە ئاستێ وان کەفێن دژی ھەرێما کوردستانێ ل شەرێ ئازادیا عیراقێ لسالا ٢٠٠٣ ێ و وی دەمی ھەرێن نەگەھشتبوویە ڤی ئاستی نە ژلایێ پەیوەندیێن دبلۆماسی د گەل جیھانێ نە ژی ژلایێ ئابووری و لەشکری ، تنێ بۆ رازیکرنا خەلکێ خۆ یێ شوفینی و دەولەتا عیراقا عەەرەبی یە . ئەڤ وەلاتەژی باشترمە دزانن مانەڤا ئێکپارچەیا عیراقێ بوویە مەحال ، کوردستان کەفتیە د ستراتیژیترین جە د نەخشێ ئابوورێ و ووزا جیھانی دا و ل ھەر کارڤەدانەکێ د ژی کوردستانێ جیھانێ دێ بەرسڤ لسەربن ھەر وەکی ل شەرێ دژی داعشێ ، راستێ ھێشتا لدیف حەزا کوردا جیھانێ پشتەڤانیا ئەنجامێن راپرسیێ نەکریە لێ بۆ ئارامکرنا رەوشێ یە و بێ دەنگیا وان نیشانێن دان پێدانێ نە . لەوما پێتڤی یە خەلکێ کوردستانێ یێ بێن فرەە بیت و خۆ لبەر ڤان گەفێن بریقەدان بگریت و ب بوورینا دەمی ترازی دێ د بەرژەوەندا خەلکێ کوردستانێ دالەنگیت و ژ بلی پەیوەندیێن بھێز یێن کوردستانێ دگەل جیھانێ و سازیێن نیڤ دەولەتی ، نە تنێ پرۆژە و سیاسەتا ئابوور و ووزا کوردستانێ دێ پشتەڤانیا نیڤ دەولەتی بۆ سەرخۆبوونا کوردستانێ دابین کەت ، بەلکێ وەلاتێن جیھانێ دێ رکەبەریێ دگەل ئێک کەن لسەر کوردستانێ بۆ پاراستنا بەرژەوەندێن خۆ یێن ئابووری چونکی ئەڤرۆ ئابوور سیاسەتێ رێڤەدبەت ، حیکمەتا ڤێ چەندێ ژی ھەر وەکی مە دیارکری بۆ نێچیرڤان بارزانی سەرۆکێ حکومەتا ھەرێما کوردستانێ و ئەندازیارێ ڤی پرۆژەی دزڤریت . ژلایێ سیاسی ژی رەوشا دەڤەرا رۆژھەتا ناڤین نەخاسمە کوردستانێ کو دناڤبەرا عیراق و تورکیا و ئیران و سوریا دایە وەسا دخازیت پالپشتیا سەرخۆبوونا کوردستانێ بکەن ژبەرکۆ عیراق ب تەمامی بوویە پشکەک ل ئیرانێ و سەرکەفتنا ڤی پرۆژێ ئیرانی ل عیراقێ دژی بەرژەوەندێن وەلاتێن عەرەبی و جیھانێ یە نەخاسمە سعودیێ و ئەمریکا و زۆر وەلاتێن دیتر . چونکی دەولەتەکا کوردستانی یا دیموکراسی کۆ تێدا مافێن نەتەوە و ئۆل و مەزھەبێن دیتر بھێنە پاراستن بۆ جیھانا دیموکراسی زۆرا گرنگە و د بەرژەوەندا وان دایە .