كورتترین رێك بۆ چارەسەركرنا هەمی ئاریشەیێن وەلاتی نەخاسمە یێن سیاسی، ڤەژاندنا ئابووری یە، ئەڤە ژی ل سەر دو ئاستان، یێ‌ ناڤخوەیی و یێ‌ دەرەكی.
تشتێ‌ مرۆڤی پشتراست دكەت ئەوە سەرۆكاتیا حوكمەتا كوردستانێ شیایە قەناعەتێ ب داناگاز بینیت كو ژ سكالایا خوە یا كو تێدا داخوازا ٢٦ ملیار دۆلاران دكر پەشێمان ببیت و ب تنێ شایستەیێن خوە یێن كاری ل هەرێمێ ژ دەستپێكا كاری تا نها وەربگریت كو هەمی دبنە ٢ ملیار ٢٣٩ ملیۆن دۆلار.
ئەم هەمی ژی دزانین كو حكومەتا هەرێمێ‌ و ب تایبەت كەسێ‌ نێچیریڤان بارزانی هەموو بزاڤەك كرییە كو كێشەیا یاسایی یا ناڤبەرا حوكمەت هەرێما كوردستانێ و داناگاز چارەسەر بكەت، سەرئەنجام ئەو ئاریشە هاتە چارەسەركرن و لێكتێگەهشتن دناڤبەرا هەردوولایاندا هاتەكرن، كو دئێتە چاڤەرێكرن ژ ئەنجامێ رێكەفتنا حوكمەتا هەرێمێ ئەڤ چەند مفایە بگەهنە هەرێما كوردستانێ. هە بەحسێ‌ ئاستێ‌ دەرڤە بكەین، دیارە كو حكومەت شیا باوەریا قانونا خوە دناڤا جڤاكێ نێڤدەوڵەتیدا مكومتر بكەت و رێخوەشبكەت كو مەترسیا كومپانێیێن وەبەرهێنانا پەترۆلێ ل هەرێمێ نەهێلیت و ئاماژەیەكێ بدەتەوان كو مافێ وان یێ یاسایی ل سایەیا حوكمەتا كوردستانێ دێ د پاراستی بن.
ژلایەكێ‌ دی ڤە، رێكەفتنا حوكمەتێ ل گەل داناگاز بوو ئەگەرەك كو د ماوێ هەفتیەكێ دا بهایێ پشكێن وێ كۆمپانێێ زیدە ببن، ئەڤە ژی ئاماژەكە كو حكومەتا هەرێمێ هێزەكا یاسایی و ئابووری هەیە و دشێت ب رێكەفتنێن خوە ل گەل كۆمپانیان پێگەهێ كۆمپانیان ژی موكمتر لێبكەت. ئەڤ رێكەفتنا داناگاز و حوكمەتا كوردستانێ دێ بیتە ئەگەرەك رەوشا كارەبێ باشتر ببت، چونكی داناگاز بەرپرسە ژ دابینكرنا گازاسروشتیی بۆ وێستگەهێن كارەبا كوردستانێ و شارەزایەكا باش د وی بیاڤیدا هەیە.

لێخوشبوونا DNO یا نەرویجی ژ قەرێن خوە یێن سەر حكومەتا هەرێمی بوویە ئەگەرەكێ دی كو بارێ ئابووریێ حوكمەتێ تا رادەیەكێ سڤك ببیت و ژبەر وێ چەندێژی حوكمەتێ نییاز هەیە دەستكاریا پاشكەفتێ مووچەی بكەت.
یا ئەز هەست دكەم سەرۆكێ حكومەتا هەرێما كورستانێ هەردەم د خەما خۆشگوزەرانی و پێشڤەبرنا ژیارا خەلكێ و پێشخستنا كوردستانێدایە و ئەو پرۆژەیێن مەزن و ستراتیژیێن بەری نوكە ئەنجامداین گرۆڤەنە ل سەر ڤێ چەندێ، ژبەركو قەیرانەكا ئابووری ب سەر مەدا هاتە سەپاندن و د دەسهەلاتا حوكمەتێ دا نەبوو حوكمەت نەچاربوو هزر د پشكەفتێ مووچەیدا بكەت، لێ هەردەما رەوشا تا رادەیەكی باشبیت دەستكاریا وی پاشكەفتیژی بێتەكرن. نا هێتە ڤەشارتن كو هاتنا ئاوەران و كێمبوونا بهایێ پەترۆلێ و شەرێ دژی داعش و برێنا بودجێ‌ كارێكەری ل سەر ئابوورێ هەرێمێ كریە كو ژ دەرڤەی دەسهەلاتا وێ دا بوون، لێ سیاسەتێن سەرەخۆیا ئابووری بوونە ئەگەرەك كو كورد بشێن خوە راگرن و خوە تەسلیمی ئیرادە و بریارێن بەغدا نەكەن بۆ پاریەكێ نانی.ئەڤ سیاسەتانە هەمی ب ستراتیژیەتا سەرۆك مەسعوود بارزانی كو رێبەریا رەوتا ریفراندوم و سەربەخۆیا كوردستانێ دكەت كارەكێ ب ئەنجامە.