ریفراندوم ئامرازەکە بو گەهشتنە ئارمانجەکا مەزن و پیروز و رزگارکەرا مللەتەکێ زوڵم لێکری، کو ئەو ئاڕمانجیش دەوڵەتە، دەوڵەت خالا دوماهیکا خەباتا گەلەکێ بن دەستە، ل ناڤبەرا سەرکەفتنا ریفراندومێ و شکستا ریفراندومێ دوو رێگەیێن رون و ئاشکڕا هەنە، ئێکەم: سەرکەفتنا ریفراندومێ دێ بیتە ئەگەڕێ ڤەبونا ڕێگەکا گەش و ئازاد بو بدەستڤەهاتنا هەمی مافەکێ کوڕدستانیا و رزگاڕبونا کوڕد و کوڕدستانیا ل ژێڕ زوڵم و ستەما دەوڵەتەکا مەزهەبی و دکتاتورا دکەڤلێ دیموکراسیێ، دووەم: شکستنا ریفراندومێ واتە سەرنەکەفتنا دەنگێ بەڵێ، دێ بیتە ئەگەرێ دڕێژبونا زوڵم و ستەمەکا بهێز و نەمانا فیدراڵی و هەڕێمەکا بناڤێ کوڕدستانێ، چونکو هێشتا بەحسێن ریفراندومێ نەبون کو حکومەتا عێراقێ داخازا نەمانا فیدراڵیێ دکر واتە نەمانا هەڕێما کوڕدستانێ وەکو هەڕێم بەڵکو هەڕ پاڕێزگەهەکا هەڕێمێ وەکو پاڕێزگەهێن عێڕاقێ مامەڵە دگەل بهێتە کڕن، ئەڤە ل وەختەکێیە کو عێڕاقا لاوەزە ژلایێ لەشکری و ئاسایش و ئابوری، باشە ئەگەڕ عێراق بهێزبیت دێ چەوا مامەڵێ دگەل کوڕدستانێ کەتن، یان ئەگەڕ کوڕدستان سەربەخویێ ڕەت بکەت دێ چەوا عێراق مامەڵێ دگەل کوڕدستانێ کەت، ل دەمێ سەڕنەکەفتنا دەنگێ بەڵێ، حکومەتا عێڕاقێ دێ بێژیت ئەڤە چاڕە نڤیسێ وەیە و هنگو داخازا عێڕاقبونێ یا کڕی و هەڕدەمێ دەستێ وێ فڕاوانبو هەروەکو چەوا موچە و بودجە برین بهەمان ڕەنگی دێ هەڕێمبونێش ل کوڕدستانێ بریت، لەوما گەلەک گڕنگە بزانین مەتڕسیا مانەڤا مە وەکو عێراقی چەندا مەزنە، ئەگەر دەنگێ بەڵێ زورینە بدەست نەئینا دێ زڤرینەف خاڵا سفڕێ و سەر ل نوی دڤێت ڕوبەڕویێ کوشتاڕ و ئەنفال و دەڕبدەڕبون و ئاواڕەبونێ بین، چاڕانەڤیسێ مە ل ناڤا عێراقێ یەکسانە ژ بێ ماف، بێ ژین، بێ ئازادی، بێ جێ و وار، کوشتنا بەردەوام، دوبارەبونا کیمیا بارانێ، نەمانا حکومرانیا کوڕدی، نەمانا خواندنا کوڕدی، دوڕکەفتن ل پێشکەفتنێن تەکنەلوژی و دوڕەپەڕێز مان، بەڵگەش لسەر ڤان پەیڤانا بریتیە ل مێژویا عێراقێ و کوڕد ل ناڤ عێراقێ، داخازکرن بو دەنگێ بەڵێ پێویست نیە چونکو هەمی تاکەکێ کوڕدپەروەڕ و مڕوڤ پەروەڕ ل کوڕدستانێ خو دکەتە خودانێ ڤێ پرسێ، ئینسانێ بهێز ئەوە بشێت دوزا خو بناسیت، هەروەکو پێشمەڕگا دوزا خوناسی و بەرگری کڕ، بهەمان ڕەنگی دڤێت ئەمیش دوزا خو بناسین و بەڕگریێ بکەین.