حوكمه‌تێ خوه نه‌ڤه‌دزیه!
شێرزاد نایف
وه‌كو دهێته خواندن حوكمه‌تا هه‌رێما كوردستانێ بایه‌خه‌كێ مه‌زن دده‌ته بیاڤێ ده‌رڤه بۆ ڤه‌ژاندنا رێككه‌فتنێن ئابووری و مفای ژ ئابوورێ ئازاد وه‌ربگریت، كو ب شێوه‌كێ ئۆتۆماتیكی دێ ئاریشه‌یێن ناڤخوه‌یی ژی ستت كه‌ت و پاشی چاره‌سه‌ر دكه‌ت، گرۆڤه ژی رێكه‌فتنا حوكمه‌تێ ل گه‌ل داناگاز كو بوویه سه‌ده‌مه‌ك ب تنێ د ماوێ هه‌فتیه‌كێ دا بهایێ پشكێن وێ كۆمپانێێ زێده ببن كو دبیته ئاماژه‌یه‌ك كو حوكمه‌تا هه‌رێمێ هێزه‌كا یاسایی و ئابووری هه‌یه و دشێت ب رێكه‌فتنێن خوه ل گه‌ل كۆمپانیان پێگه‌هێ كۆمپانیان ژی موكمتر لێبكه‌ت. هه‌لبه‌ت ژی ئه‌ڤه باره‌كێ گران بوو بهێته كرن، ئیراده‌كا ب هێز پێدڤێت كوت و بكاری قه‌ناعه‌تێ بۆ داناگاز چێكه‌ی، كو ژ سكالایا خۆ یا داخوازا ٢٦ ملیار دۆلاران دكر په‌شێمان ببیت و ب تنێ شایسته‌یێن خوه یێن كاری ل هه‌رێمێ ژ ده‌ستپێكا كاری تا نها وه‌ربگریت كو هه‌می دبنه دوو ملیار ٢٣٩ ملیۆن دۆلار، هه‌كه سه‌رۆكی حوكمه‌تا هه‌رێما كوردستانێ ب وێ سه‌رده‌ریا خوه یا نه‌رم شیا قه‌ناعه‌تێ بۆ چێكه‌ت، ل ڤێره ژی ئه‌ڤ سه‌ره‌ده‌ریه ژی ب راستی نعمه‌ته‌كه هه‌ر بۆ گه‌لێ مه دزڤریت، دڤێت هه‌می راستیێن ب ڤی ره‌نگی نه‌هێنه ڤه‌شارتن، چونكو حوكمه‌تێ ژی خوه ژ به‌ر نه‌هاڤێتیه و دیاره شه‌ڤ و رۆژان دكه‌ته ئێك، دا رۆژ بۆ رۆژ ژیانا كوردستانێ به‌رده‌وام ببیت و نه‌كه‌ڤیته ته‌پكێن مه‌زن ژ لایێ لایه‌نێن مه‌زن. به‌رپرسیایه‌تی تشته‌كێ مه‌زنه و سه‌ربۆر دڤێت، هونه‌رێ سه‌رده‌ریكرنێ پێدڤێت، نێچیرڤان بارزانی وه‌كو سه‌رۆك وه‌زیران ژی سه‌ربۆره‌كا ب هێز هه‌یه د رازیكرنا ده‌وله‌تێن رۆژئاڤا و جیهانا ده‌رڤه. بۆ نموونه ل شه‌ڤا هه‌ره‌شه‌یا چه‌كدارێن تیرۆرستێن داعش ل ده‌سپێكێ ژ نشكانه‌ڤه هاتیه سه‌ر كوردستانێ و ب وێ هێزا خوه یا كو ب پیلان و ب له‌ز كه‌فتیه ده‌ستان و هاتینه سه‌ر هه‌رێمێ كو كه‌سێ ئه‌و هزرنه‌دكر، ئه‌وی ب هه‌ولێن خوه و په‌یوه‌ندیێن خوه یین سیاسی، ئه‌و هێزا پاراستنا ئه‌سمانی شیا په‌یدا بكه‌ت و ده‌ملده‌ست د هاوارا مه بینیت، فرۆكێن ئه‌مریكی و یێن هه‌ڤپه‌یمانان پشته‌ڤانیا پێشمه‌رگه‌ی ده‌ملده‌ست كر، تشته‌كێ مه‌زنه ونه‌هێته ژبیركرن، چونكو پاراستنا شه‌ره‌فا مه هه‌میان بوو، بلا ئه‌ڤه سه‌ربۆره ل بیرا مه‌بیت، كا چه‌ند ئه‌م د مه‌ترسێی دا بووین و مال و ئه‌ملاكێن مه كه‌فتبوو به‌رامبه‌ر هێرشێن نه‌چاڤه‌رێكری، پشتی هینگی ژی جڤاكێ ده‌ولی پشته‌ڤانیا مه‌كرن، ب چه‌ك و ته‌قه‌مه‌نه‌ی و كه‌لوپه‌لان، پشته‌ڤانكرنا ب هه‌می ره‌نگان، هه‌مان سیناریۆیه به‌لكو لێڤلێ دوویێ یه، ژ گێمێ تێكدانا وه‌لاتێ مه كوردستانێ، دیسا ڤه حوكمه‌تا كوردی ب سه‌رۆكێ خوه ڤه یێن شه‌ڤ و رۆژان دگه‌هیننه ئێك و هه‌ولێن به‌رده‌وام دكه‌ن بۆ چاره‌كرنا ئاریشه‌یێن مه كو پتریا وان گرێدای ئابووری یه، به‌لێ ب ڤان هه‌ولان چاوا ل شه‌رێ تیرۆرستی ملله‌ت قورتال كر و گه‌هاندینه كنارێ ئێمن، ب هیڤینه ڤێ جارێ مه دبیاڤێ ئابووری ژی دا بگه‌هینته كناره‌كێ خۆشگوزه‌رانیتر!!.
