ئێک ژ فاکتەرێن نەرێنی د پێشنەکەفتنا مرۆڤی و نەتەوان ھەبوونا بیروباوەرێن شاشە لدۆر خۆدێ خۆ و وەلات و کەلتوورێ خۆ، و بۆ کوردان ژی ئەڤ چەندە یا ژێڤەدەر(ئیستیسنا) نینە. بیردۆزێن جۆدایێن دەروونناسی ئاماژەی بڤێ ڕاستیێ ددەن.ھەر کەسەک ھندەکێ خۆ زەحمەت بدەتن و چاڤ و گۆھێ خۆ بگێڕیتن دێ گەلەک نموونا بینیتن و گۆھلێبیتن.
جارەکێ من پرسیارا بابێ خۆ کر و ڤیا باوەرا وی بزانم وەک ڕھسپی و دانعەمرەکێ ب ئەزموون و سەربۆرا جڤاکی، و گۆتێ کا بۆچی ل نھال و جھێن خۆشێن تێر ئاڤ و کەھنی یێن مە و دەڤەرێ کەس ھندە سالە چۆ گویزەک نەچاندییە، ھەتا ئەم ئەڤرۆکە و ل ڤێ قەیرانێ و ل شوینا کڕینا گویزا ش وەلاتێن ئاسیایا ناڤین و قرقیزستان و تاجیکستان و ئازەربایجان و ...ھتد، وان بخوین؟
وی جامێری گۆتە من:" بەرێ خەلکێ دگۆت ھەکەر کەسەک گویزەکێ بچینت ھەتا ئەو دار مەزن دبت دێ خۆدان مریتن؟ ئانکۆ وی وەسا دگۆت پشتی مدەھەکی و دەمێ دار ستویرتر دبیتن و ژبەر مەزنبوونا وێ دێ ئەو کەس مریتن ! ڕاستی یا سەیرە! وی ھەر وی دەمی ھێجەتەک ئینا بەلێ پا نەچۆ د مەژیێ من دا: ئەڤە گۆتگۆتکەک بی جۆھییا بەلاڤکری.
دبیت وەسا بیتن و دبیت نە، نزانم وەلاتێ جۆھییا ھناردەکەرێ گویزانە یان نە، دا ئەم بێژین ھەڤڕکییا بازرگانییا گویزا دگەل کوردستانێ دکەتن، بەلێ پا ئەوا بەرئاقلەئەڤ ھزرکرن و دیتنە ئاستەکێ نزمێ ھزرکرنێ نیشان ددەتن. ڕاستە جۆھی ب گشتی بەرنیاسن ب مێنتالیتەیەکا بازرگانی و ھەتانۆکە ژی ئەو گۆتن بناڤۆدەنگە کۆ دبێژن " ما فلان کەسۆ توو ئاقل جۆھیی؟"، و دبیتن بۆ ھەڤڕکییا بازرگانی ئەڤ گۆتنە ش لایێ وانڤە ھاتبیتە بەلاڤکرن، بەلێ ھەریِ ڕاستە ھەر کەسەکێ تشتەک گۆت ڤیابا مرۆڤ وەکی وی بکەتن؟ باشە پا ھەکەر بۆ نموونە وان گۆتبایە ھەڕن خۆ بھاڤێژن ئاڤێ یان نابیتن ھوین نانی بخۆن دا خەلکەک و تنێ کەسەک ژی ھەبیتن گۆھێ خۆ بدەتە ڤێ گۆتنێ؟ بێگۆمان بەرسڤ نەخێرە، و ئەڤە ئانکۆ ئەڤ گۆتنە و پرۆپاگندەیە تنێ ھێجەتەکە و زووی و بسانەھی باوەرکرنا وێ ژی پترتر بۆ ھندێ دزڤڕیتن کە ھندەک و یان باشترە بێژین گەلەکا شۆلکرن لبەر ب زەحمەت و ڕەشە بیە و ھێجەتەکا وەسا ژی یا بۆ لێھاتی، و ئەڤە پشکەکە ش بیردۆزا (X) و (Y) یا مەک گریگۆری، د بیاڤێ دەروونناسییا ڕێڤەبرنێ و پیشەیی دا.
بەلکۆ ئێک ژ خەسلەتێن جۆھیێن سامی نەژاد، کۆ کێم و زێدە لنک حەلک و نەتەوە و نەژاد و کەلتوورێن دیتر ژی ھەبیتن، بەلاڤکرنا پرۆپاگندانە، و ئەڤ چەندە ئێکە ژ خالێن ناکۆکیێن وان دگەل گەلەک نەتەوەیێن دیتر، و ژ وان ژی دگەل فەلەستینییان و عەرەببێن، کۆ ھەر دوو ئەو ژ ھەمان نەژادێ سامی نە، بەری و پشتی مۆسلمانبینێ. بەلێ پا دیسانێ ئایا چێدبیتن نەتەوە و خەلکەک وەکی کوردێن ئاریایی، ھند یا سادە و ساویلکە بیتن و ژبەر گۆتنەکەکێ، ھەکەر ڕاست و ھەکەر خەلەت، دەست ژ ئێک ژ کەڤنارترین و ڕەسەنترین ساخلەتێن نەژادی و نەتەوەیێ خۆ، ئانکۆ ڕێنجبەریێ بەردەتن و پشتا خۆ بدەتە وێ ئەوا، ئەو پیامبەرێ کەڤنارێ کوردالن و ئاریاییان، ئەو پیشە ئانکۆ کشتوکال و جۆتیاری ب ئێک ژ پیرۆزترین پیشە یێن ئاریاییەکی دای زانین؟
ئەلمانیا وەک ئێک ژ دویندەھێن ئاریایی، ب بنەمایێ کار و ڕێنجبەریێ ئەڤرۆکە ئێک ژ زلھێزێن ئابووری یێن جیھانێ، و ئەوێن لڤی وەلاتی ژیاین ڤێ ڕاستیێ دزانن. کورد ھەر ژ کەڤن وەرە، ھەم ژبەر سروشتێ وەلاتێ وان و ھەم ژبەر کارتێکرنا بنەمایێن ئایینێ وان یێ کەڤنار، نەتەوەیەک شۆلکەر بین، بەلێ وەکی گەلەک جاران گۆتنک و پرۆپاگندەیەک ھۆسا بلا ژێدەرێ وێ ھەر کەس و لایەن و نەتەوەیەک بیتن، ئەو یێ گەھاندییە ئاستەکێ وەسا زیانێن مەزن لخۆ بدەتن، و ترس نە تنێ چەند گویزەکن، چونکی قەرەبۆکرنا وێ بسانەھییە، و زیانا وێ ژی ھند کارتێکرنەک مەزن نینە، بەلێ ترس ئەوە ھزر و شۆل و کار و پرۆژەیێن دیتر ژی ب ھەمان ڕەنگ ب ڤان گۆتنکا ب بەرئاڤێ دا بچن، و بۆ نموونە د ڕیفراندۆما دەولەتبوونێ دا، گۆتنکێن خەلکێ، یێن بێ بنەما و بێ ڕامان، وی ژ ترس سار و بێ ھێڤی بکەن، و زیانەک کۆژەک بگەھیننە کوردستانیان.
*بسپۆرێ زانستێن پێداگۆگی و پەروەردەیی/فاکۆلتییا پەروەردە/ زانینگەھا زاخۆ