پشتی کێشانا فۆنێکشنی ( نەخشە ی ) بۆ پێشێلکرنا دەستوورێ عێراقێ و لاوازکرنا رۆل و پێگەە و بمێھڤان ناساندنا کوردان لبەغدا و ھەتا پێکھاتەیێن دی لسەنترالا بریاردانێ ، دیسان کوردان دگەل حکۆمەتا عێراقێ ، دێشێم بێژمتا راددەیەکێ ھەولا تەحەممولکرنا ئوبلیگێشنا تاک لایەنانە دانلسەر ملێن خو ، لێ مخابن ژبلی وێرانکرن و زالکرنا سیاسەتا تائفەگەری بتایبەت دسێکتەرێن سیاسی و ئەمن و لەشکەریێدا چۆ ئەنجامێن دی لدۆماھیا ڤان شانۆگەریاندا پەیدا نەبوون ، لەورا راستە تاکۆ دەرھێنەرێ شانۆگەریێن عێراقێ نە ژ عێراقێ بیت ، ئەکتەرێن لسەر دەپێ شانووێ بتنێ دێ ملکەچێ راسپاردان بن .
ئەڤجاپتریا سەرکردایەتیێن سیاسیێن کۆردی ھەست بسەنگێ کوردستانیێن باشوورێ کوردستانێ کرن لجەم حکۆمەتا ناڤەندیڤە ئانکۆ لبەغدا و گەھشتن وی باوەریێ کۆ چدی چاڤەریبوونا دلوڤانیا بەغدا ، ژان وبرینێن ھندەھا سالە دجەستەیدا ھەی ئارام ناکەت ، ئەوبوو بریارا ئەنجامداناراپرسینێ ل ٢٥ / ٩ / ٢٠١٧ ێ وەکۆ ئامرازەکێ دیمۆکراسی وئێکەم پێنگاڤ بۆ چارەنڤیسا وەلاتیێن خوە دەرکرن.
پێشبینیکرنا سەرکەفتنا ڤی پرۆسا نیشتمانی گۆمانێ د راستی دەرکەتنا وی خەونێدا ناھێلیت ، ئەوا مللەتێ کورد و پتریا پێکھاتیێن دیترژی لکوردستانێ سالەھا سالن ددیتن، وەکۆ مە لسەری ئاماژە پێدای ژبەر کۆ حکومەتێن ئێک لدویف ئێکێن تائیفی یێن عێراقێ ، خێر د فیدرالیێدا نەھێلان و پاشگەزبوون ژ برایینی و شەراکەتا راستەقینە ، نەچاربووین تەماشای فەرھەنگا خۆ بکەین و رژد بین لسەر داخازێن رەوایێن خۆ ، ھەرچەندە چەندین قوناغێن دیتر مینا ویستگەھێن پشتی ئەنجامدانا ریفراندۆمێ درێدانن و سەرکردایەتیێن سیاسیێن مە حەزا ئێکلاییکرن و دەرباز بوونا ژ وان ویستگەھان ھەیە برێکا دیالۆکێ دگەل حکۆمەتا ناڤەندی ژبۆ ڤی مەرەمێ ، لێ ئەزبخۆ ھەمیشە لوی باوەریێمە کۆ زۆربەیا زۆرا وەلاتیێن مە لھەمی قوناغ و بارودۆخێن گووھرایدا ، ھەروەسا لئەڤرۆژی ھەلگرێن درۆیشمێ ( یان کوردستان یان نەمان ) ن بۆ ھەر پێشھاتەکا نەچاڤەرێکریا دژی ڤی ئارمانجێ ، ھەکە خۆدێ نەخواستی کار گەھشتە وی راددەی .
من دڤێت لڤێرێ ئەز وەکۆ ھاولاتیەک بپشت و پەنایا وەیێن خاندەڤا و ھێژا ، ڤی درۆیشمێ بگەھینینە دەولەتێن جیران ( بەلێ بۆ ریفراندۆما سەرخوەبوونێ ... بەلێ بۆ سەرخوەبوونا کودستانەکا دبیتە سەرچاڤکێ سەقامگیری و ئارامیێ لرۆژھەلاتا ناڤین ...) ئەڤجا بشێوەکێ تایبەتی دبێژم بلا برایێن عەرەب و فارس نە بتنێ پشتراستێن دەولەتەکا جیرانا ژنوی پەیدابووی بن ..! بەلکۆ بۆ وان باشترە سوود مەند بن ژوان گەرەنتیێن سۆز بۆھاتینە داین بدەولەتبوونا کوردستانێ دچارچۆڤێ عێراقێدا کۆ ئەوژی پاراستنا ئێمناھیا دەڤەریە و ھەکە ووردتر بێژم براستی پەیداکرنا ئێمناھیا دەڤەریە ..!!
ئەڤجا ئەز ببیرۆ بۆچوونێن خۆ گەشبینم بخواندنا ئەنجاما ڤی سیاسەتا حەکیمانا کۆ سەرکردایەتیا مە ھەی کۆدێ بناغێ دبلۆماسیەتێ مۆکومتر لێکەن و لئەنجامێ دێشێین دگەل عەرەب و فارس و تورکانژی دبوارێن جۆدا جۆدادا باوەریا راستەقینەیا پێک ئینانا کۆنفیدرالیەتێ دھزرا واندائاڤاکەن.
و لڤێرێ ھەکە سەرەنجا خوە بدەینە پەیڤا ( کۆنفیدرالیێ ) دێ بیرا وانا ئینین کۆ ئەوا بمینت ددەستێت واندا پاراستنا ھندەک بەرژەوەندیانەکۆ بۆ وانا پتر ژمە گرنگن ، و دڤێت ئەو نموونا ئێکەتیا ئەورۆپا بباشترین نموونا کۆنفیدرالیێ بدانن کۆ دامەزراندیەکە بۆ بەرژەوەندیێن جۆدا جۆدایێن ھەموو لایەنانن وپێتڤیە ئەوچاڤلێکەرێن وان بن ، و ژبەر تێرۆتەسەلیا تێگەھا کۆنفیدرالیێ و بەرفرەھیا مەودایێ وی ، ئەم ھەمیێ بۆ تێگەھشتنا لۆژیکیا جیرانێن خۆ بجە دھێلین و بۆ مە بتنێ یا ژھەمیان گرنگتر وی دەمی ئەوە کۆ ئاسۆیا پێکئینانا کۆنفدرالیێ لداھاتیێدا لسەر بنەمایێ رێزگرتنا ببەرامبەر بیت ئەوا کۆ د یاسایێن نێڤدەولەتیدا جھێ بایەخێیە ، چونکۆ بئانەھیا خودایێ مەزن کوردستان دێ کەڤیتە دقالبەکێ دیتردا.