ڕیفراندۆم وه‌ك دوا بزمار له‌تابوتی ژێر ده‌ستی
ن:علی چیایی
ئێمه له‌سه‌رمانه ئه‌وه بزانین بوونی ده‌وڵه‌تی سه‌ربه‌خۆ جگه‌له‌وه‌ی مافێكی ڕه‌وایی گه‌لی كوردستانه هاوكات حوكمڕانی خۆماڵی كورده به ئیراده و ویستی خۆی تا به‌و شێوه‌یه فه‌رمانڕه‌وایی بكه‌ن كه‌خۆیان ئه‌یانه‌وێت و وڵاتێكی دیموكراسی و فره‌حزبی و ئایدیایی دابمه‌زرێنن كه خه‌ونی چه‌ندین ڕۆڵه‌ی ئه‌و وڵاته‌یه كه ساڵانێكه‌خوێنیان له‌پێناو ڕشتووه.
مرۆڤ هه‌م له ژیانی ئاسایی خۆی هه‌م له ژیانی سیاسیی كۆمه‌ڵێك ڕێكه‌وت هه‌ن به ئاسانی ڕووناده‌ن، به‌ڵكو ڕوودانیان ده‌گمه‌نه و جاری واش هه‌یه هه‌رگیز ڕووناده‌ن بۆنمونه پرسی سه‌ربه‌خۆیی كه‌ئه‌مرۆ ڕیفراندۆم بۆته ئامرازێك به‌ده‌ست سه‌رجه‌م خه‌ڵكی كوردستان ڕێكه‌وت و ڕووداوێكی مێژووی پڕ بایه‌خه دیاره ئه‌مه‌ش به ئاسانی به‌ده‌ست نه‌هاتووه، ده‌بێت وه‌ك به‌خششێكی خوداوه‌ندی سه‌یربكرێت و به ئاسانی له ده‌ست ده‌رنه‌هێنرێت، چونكه چاره‌نووسی ئێستا و نه‌وه‌كانی ئاینده به ئیراده‌ی هه‌مووان به‌ستراوه‌ته‌وه، بۆیه ده‌بێت بتوانرێت ئه‌م ده‌رفه‌ته به قازانجی به‌رژه‌وه‌ندی باڵا بشكێنرێته‌وه و ڕیفراندۆم بكرێته ئه‌و بزماره‌ی كه له تابووتی ژێرده‌سته‌یی و پاشكۆیایه‌تی عێراقێك بدرێت كه‌به درێژایی مێژووی سیاسی خۆیان مایه‌ی ڕه‌شبگیری و تاڵان و جه‌لادی بوون بۆ گه‌لی كوردستان، ڕیفراندۆم وه‌ك چۆن ده‌بێته بزماری ئه‌و تابوته ئاواش چاندنی گوڵه له ئینجانه‌یه‌ك بۆ ئاشتی و ئازادی و شكۆمه‌ندی كوردستانیان و به‌رقه‌راركردنی ئاشتی له‌ناوچه‌كه دا، داهاتووش گه‌واهیده‌ر ده‌بێت!!.
