توركیا ب سنۆران دارێ ل بن پێن خۆ نابڕیت
شێرزاد نایف
بیرا مه دئێت به‌ری چه‌ند ساله‌كێن نه دوور، ناڤێ كوردی هه‌ر نه‌بوو، (توركێن چیا) ب ناڤدكرن. یان ده‌مێ گه‌فێن هێرشكرنێ كرینه سه‌ر كوردستانێ، ئیرۆ ئێزگێن كوردی یێن فه‌رمی و سه‌ره‌رای پرۆسا ریفراندۆمێ، سنۆرێن توركیا دڤه‌كرینه و ناهێنه‌گرتن ژی، به‌لكو به‌ره‌ڤاژی دبیت ئاماده‌باشیێن هاریكاریێ ژی بۆ مه بكه‌ت. ئه‌ڤ گوهۆرینا هه‌لویستان نه ب تنێ د بیاڤێ ئه‌وله‌هی دابوو، به‌لكو سیاسی و ئابووری و هتد. توركیا نه‌وه‌كو ئیرانێ یه بۆ سه‌رده‌ریكرنێ، جۆره‌كێ دیمۆكراسیێ بكاردئینیت، ژ به‌ر نێزیكبوونا وێ ژ ئه‌ورۆپا و ئه‌ندامه‌تیا قولپا ناتۆ، زۆرا پیگیره ب پره‌نسیپێن ڤێ قولپێ، پێنه‌ڤێت ئه‌ڤ قولپه قه‌بوول ناكه‌ت كریارێن تیژ بكه‌ت ل گه‌ل ده‌وروبه‌ران. سه‌روبه‌رێ هه‌رێما كوردستانێ و رۆخسارێ وی رۆژ بۆ رۆژ نێزیكی وێ دبیت، ده‌مێ مرۆڤ ژ توركیا دزڤریته هه‌رێمێ، چو جوداهیێن رۆخساری نابیت، هه‌روه‌كو ب سه‌رئێكڤه‌نه، ژ لایێ ئاڤاهی، مزگه‌فتان، باخچه‌یان، جادده‌یان و هتد، چه‌ندین كۆمپانێن وێ هه‌نه ل سه‌ر ئه‌ردێ كوردستانێ، جیۆپۆلتیكا هه‌رێمێ نها ژ به‌ر دۆخێن دووماهیێ گه‌له‌ك د به‌رژه‌وه‌ندیا وێ دایه، وه‌كو ده‌رگه‌هه‌كێ رۆژهه‌لاتی یێ گرنگه یه بۆ سه‌ر وه‌لاتێن عیراق، ئیران، سووریێ، كه‌نداڤی، چو ژ زیانێ زێده‌تر ناگه‌هیتێ هه‌كه سنۆران بگریت، چونكو ب ئه‌قله‌كێ بازرگانی رۆژئاڤی ئه‌جینده‌یێن خوه برێڤه‌دبه‌ت. باشترین په‌یوه‌ندی ل گه‌ل هه‌رێمێ هه‌نه، ب به‌راوردی ل گه‌ل سووری، ئیران، ئه‌رمه‌ن، یۆنان، رۆسی و هتد. زیانێن مه و یێن وان وه‌كو ئێك لێهاتن، وه‌كو مژارا په‌كه‌كێ ژكو تێكدانا په‌یوه‌ندیێن مه كربوون و د هه‌لویستێ هه‌رێمێ گه‌هشتی كو كونترۆكرنا چه‌كدارێن په‌كه‌كێ مه‌زنتره ژ شیانێن هه‌ر حوكمه‌ته‌كێ ، چه‌ندین سه‌ربۆر ب سه‌ر مه و وان دا هاتینه، گه‌هشتیه ئه‌نجامه‌كی كو به‌لێ سیاسه‌تا هه‌رێمی یا نه‌رمه و سه‌رۆكێ وێ یێ ب ئه‌قلانه و ریالیستی سه‌رده‌ریێ دكه‌ت، ب راستی حنێره‌كا مه‌زنه، سه‌ركرداتیا هه‌رێمی و سه‌رۆكێ حوكمه‌تێ هه‌ر ئێك ژ لایێ خوه‌ڤه، شیان توركیا یا ئاسێ و سه‌ر ره‌ق نه‌رم بكه‌ت، ژ هه‌لویسته‌كێ هشك بوویه ئێكێ نه‌رم ، یێ هینگی ژیانكری و نها بینیت جهێ سه‌رسورمانێ یه. هه‌كه ب دیتنه‌كا لۆژیكانه ته‌ماشه بكه‌ین، دێ بینین كو گرنگیا بیاڤێ بارزگانی و مه‌زاختا به‌رهه‌مێ خوه ل هه‌رێمێ و ئه‌و ده‌ستێن كاری و كۆمپانی یێن وێ ل ده‌ف مه، بۆ وێ گرنگتره ژ ریفراندۆمێ!، چونكو چو نه‌ما ل سه‌ر سه‌رێ مه نه‌تاقیكرین، ل دووماهیێ نه‌چاری مه‌زنیا هه‌رێمێ و نیازپاكیا وێ بوویه.
