گومانی تێدانیە زۆر لەو وولاتانەی ئێستا بە گەشەسەندوو ناسراون لەپێشدا زۆر دوا کەوتوبون . بەچەندەها قۆناغی سەخت تێپەڕیون لەروی پەروەردە و ئابووری و ژێرخان و سەرخانی ئابوری . یەکێک لەو وولاتانە مالیزیا بوو کەلەسەردەمانێک بە وولاتێکی گۆشەگیر هەژمار دەکرا و وولاتێکی پاشکەو تووبو . بەلام دوای ئەوەی( مەهاتیر مەحەمەد ) رکێفی دەسەلاتی گرتە دەست لە مالیزیا لەماوەی 10 ساڵدا ئەو وولاتە لەوولاتێکی دواکەوتوو بوە وولاتێکی مودێرن لەڕوی ئابووری گەشەسەندن و پیشەسازی کە ئێستا ململانێی هەریەکە لە ژاپۆن و کۆریای باشور و سەنگاپورە دەکات لەڕوی تەکنەلۆژیا . داهاتی تاک سالانە لەم وولاتە لە 500 دۆلاری ئەمریکیەوە بوە 15000 دۆلاری ئەمریکی زیادی کردو ڕێژەی بێکاری بەڕێژەیەکی بەرچاو دابەزی . ئەوەی من لێرەدا مەبەستمە باسی بکەم لەم بابەتەدا ئەوەیە ئایا نێچیرڤان بارزانی دەتوانێت هەمان نموونەی مەهاتیر لە کوردستان دوبارە بکاتەوە ؟ بێگومان بەلێ چونکە ئەوەی کاک نێچیرڤان بارزانی یش بۆ کوردستانی کردوە کەمتر نەبوە لە ئەوەی مەهاتیر بۆ مالیزیای کردوە . بەلام هەلومەرج جیاوازن لەنێوان مالیزیا و کوردستان چونکە مالیزیا خاوەن سەروەری و سەبەخۆییە کەس نابوە کۆسپ لە پێش پێکەوتنەکانێ ئەوێ . بەلام ئەو کاتەی کاک نێچیرڤان بارزانی باسی لەوەکرد کە دەبێت نەوتی خۆمان ڕاستەو خۆ بفرۆشین توشی دەیان تەحەدیات بوەوە لەسەر ئاستی ناو خۆ و دەرەوە . بەلام گوێی بە ئەو رێگریانە نەداو بۆڕی نەوتی کوردستانی بۆ وولاتی تورکیا ڕاکێشاو لەماوەی تەنها حەوت ساڵ بوینە خاوەن ژێر خانێکی بەهێز لەبواری ووزە و بوین بەخاوەنی دوو فڕۆکەخانەی نێودەوولەتی بە بەهای 30 ملیارد دۆلاری ئەمەریکی وەبەرهێنانی ناوخۆ و دەرەکی هێنایە کوردستان و لەڕوی بەرهەمهێنانی نەوت کوردستانی کردە خاوەن 700 تا 800 هەزار بەرمیل نەوت لەڕۆژێکدا . بەلام ئەوانە زیاتر پێویستی بەوەهەیە ئێمە ببین بەخاوەن وولاتێکی سەربەخۆ بۆ ئەوەی وولاتەکەمان ڕوبەڕوی هەڕەشەی هەرێمی نەبێتەوە . ئەوەی ڕاستی بێت من متمانەی تەواوم بە کاک نێچیرڤان بارزانی هەیە کە دەتوانێت کوردستان لەهەرێمێکی کاوڵ کراو لەسەردەستی ڕژێمی بەعس بکاتە وولاتێکی پێشکەوتوو چونکە کوردستان خاوەن ووزەیەکی زۆرە و دەتوانرێت سودی لێببینرێت و ژیانی هەولاتیان خۆش بکات . لەکۆتایدا دەبێت کاک نێچیرڤان بارزانی زیاتر سود لە و ڕۆلەی خۆی ببینێت کە بواری دیبلۆماتی هەیەتی چونکە خاوەن ژمارەیەکی حساب بۆ کراوە لە سەر ئاستی جیهان بەگشتی و ڕۆژهەلاتی ناوەڕاست بەتایبەتی .