پارتی دیموکراتی کوردستان ئێکە ژ کەفنترین و مەزنترین پارتێن سیاسی یێن هەرێما کوردستانێ،پارتەکا نیشتیمانی و ئازادیخواز و دیموکراسیخوازە،باوەری ب مافێن مرۆڤی و دادپەروەریا کومەلایەتی و ئازادیا تاکەکەسی و مافێ نەتەوەیا کورد و هەمی نەتەوەیێن دی هەیە،ئەلبەتە ئێك ژ ئارمانجێن دەمەزراندنا پارتی هەر ژ دەستپێکیدا هەتا نوکە کوششکرن بویە ژبو نێودەولەتیکرنا دوزا کوردی و گەرانەوەیا ناوچەیێن ڤەقەتاندی و ئاڤاکرنا جڤاکەکا مەدەنی و پراکتیزەکرنا دیموکراسیەتێ و چەسپاندنا پرەنسیپێ هەڤوەلاتیببون و دادپەروەری و یەکسانی و پێکڤەژیانێ ل ناڤا جڤاکیدا.
پارتی هەر ژ دەستپێکا ژیانا خویا سیاسیدا مێژویەکا پر سەروەری تومارکریە،خوەدان گەلەك راپەرین و شورەشێن مەزن بوویە،شورەشا ئەیلولێ ب سەرکردایەتیا باوکێ روحی نەتەوەیا کورد بارزانی نەمر باشترین بەلگەیە ژ بو وێ راستییێ،پارتی وەك پارتەکا نیشتیمانی هەردەم بەرخودان و خەبات کرییە ژبو گەهشتنا گەلێ کوردستانی ب مافێن خویێن سەرەتایی و سرۆشتی کو رێکەفتنا ۱۱ ئادارێ ۱۹۷۰ بومە دیاردکەت کو پارتی هەردەم خەبات و تێکوشان کرییە بو شادبوونا گەلێ کوردستانێ ب مافێن خویێن سەرەتایی،هەر ژبەرهندێ دیروک دبێژتە مە پارتی خوەدان مێژویەکا پر سەروەرییە...
هەژی گوتنیێ یە پارتی هەردەم کوششکریە ژبو نێودەولەتیکرنا دۆزا کوردی ژوان ژی سەربخوەبوونا کوردستانێ، لەوما بارزانی نەمر ل سالا ۱۹۷٦ ل بارەگایێ رێکخراوا مافێن مرۆڤی راگەهاند"هەتا ئالایی پیرۆزێ کوردستانێ ل بارەگایێ نەتەوەیێن ئێکگرتی بلندنەکرێت دوزا کورد چارەسەر نابێت،ئەو ئاخفتنا بارزانی نەمر رامانا هندێ دهێت کو بارزانی نەمر هەمی ژیانا خو خەبات و تێکوشان کرییە تاکو نەتەوەیێ کورد و گەلێ کوردستانێ ببنە خوەدان دەولەتاخو،لەورا بومە دیار دبیت کو پارتی هەردەم خەباتکرییە ژبو سەربخوەبونا کوردستانێ.
هەژی ئاماژەپێدانێ یە مسعود بارزانی کورێ مەلا مستەفا بارزانی پشتی وەغەرکرنا بارزانی نەمر هەمی هەولێن خویێن سیاسی و دیپلوماسی ئیخستینە کار بو گەهشتنا ئارمانجا بارزانی نەمر کو ئەوژی تنێ سەربخوەبونا کوردستانێ یە،جەنابێ بارزانی سەربخوەبونا کوردستانی خستیە رۆژەڤێ وە،پرسا سەربخوەبونا کوردستانێ بویە پرسەکا نەگور ژ لایێ جەنابێ بارزانی یەوە،هەرچەندە گەلەك ولاتێن زلهێزێن جیهانی و ئیقلیمی و هەندێك حزبێن سیاسی یێن هەرێما کوردستانێ وەکو ئەمریکا و روسیا و تورکیا و ئیران و داخازا پاشخستنا رێفراندومێ ژ بارزانی کرییە،لێ جەنابێ بارزانی ئەو داخوازیا وان رەتکرییە و گەلێ کوردستانێ سەرپشك كرییە بو ئەنجامدانا رێفراندومی و راگەهاندنا سەربخوەبونا کوردستانێ،لەوما پارتی و جەنابێ بارزانی هەمی ژیانا خویا سیاسی تەرخانکرییە ژبو سەربخوەبوونا کوردستانێ،هەر ژبو وێ مەرەمێ باجێن قورسداینە،بەلێ ژ لایێ پارتی و جەنابێ بارزانی سەربخوەبونا کوردستانێ ئەولەیاتا وان یا سەرەکیە،ژمارەکا زۆرا شەهیدێن وێ پارتێ بو سەربخوابونا کوردستان بەلگەهێن بو وێ راستییێ....