دەمێ بەحس ژ دەسەلاتا کوردی دئێتە کرن پشتی دامەزراندنا حکومەت و پەرلەمان و دام دەزگەھێن جورا و جور ل سالا ١٩٩٢ و ھەتا ئیرو کو کوردستان ل سالا ٢٠١٤ و ھەتا نھا ل توندترین شەرو کریزدایە ھەر ژ قوتکرنا قوتێ خەلکی ژ ئالیێ بەغدا ڤە ھەتا ھاتنا تیرورستێن داعش و داکەفتنا بھایێ نەفتێ و ھاتنا نیزیکی دووملیون ئاوارە و پەنابەرا و ھەبونا رێژەکا زور ژ فەرمانبەر ...ھتد. ئێکسەر بەحس ژ تێگەھێن (گەندەلی و نەشەفافیەت و حزبیکرنا دام و دەزگەھێن حکومی و چەند پرسێن دیتر ئانکو کورتیا گازندێن سالێن نوتا وەرە ھەتا گروپێ بازرگانیێ نەخێر ھەمی ل سەر ھندێ دھەڤرانە کو بوچی کوردستان پێشنەکەفتی یە ؟ ) لێرە دا فەرە خوینەر ھند ب ویژدان و ئینساف بخینیت و گوھبگریت ھەتا وی رادەی کو فاکتەرێ سەرەکی یێ پێش نەکەفتن و ڤان کریزیان ھەمیان بزانیت . راستیە و ناھێتە ڤەشارتن ل کوردستانێ کێم و کورتیێن زەق ھەنە و فەرە کار بێتە کرن کو وان کێم کورتیان ب رەە و ریشال ڤە دەربینن و تیما حکومەتا ھەرێمێ ھاریکار بیت کو زورترین چاکسازیا بکەن ل وێ پروسا راگەھاندی دبیاڤێ چاکسازیێ دا . پشتەڤانیا سەروکێ حکومەتا ھەرێما کوردستانێ ژی گەلەکە بو ڤێ پروسێ وەکی وەزیرێ چاندنێ ئەڤ چەندن پشت راستکری کو راگەھاندی نێچیرڤان بارزانی سەروکێ حکومەتێ پشتەڤانێ سەرەکی یێ کارێن مەیە ل حکومەتێ .
ھەروەسا فەرە شەیتەنەکرنا حکومەتێ و کار و پروژێن وێ ژی ب ئەکادیمی بێتە بەرسڤ دان , ژبەرکو ل وی ئاستی ژی نینە کو زورەک ژ خەلکی ھەمی باشیەکێ ب خرابی دبینن.
ل ڤێ قوناغێ دا کو کوردستان پشتی ب ھەمی شێوازێن قوربانی دانێ گەھشتیێ , جھێ سەرسورمانێ یە گروپەک دروست بیت و ب ھەمی جورئەت داخازا نەخێرێ بکەت بو ریفراندومێ ! لێرە دا فەرە گروپێ نەخێر باش بزانیت کی ئەگەر بویە کو کوردستان ب ڤێ قەیرانێ بگەھیت ؟ بو بەرسڤ دانا ڤێ پرسی بەری ب خال بەحس بکەم , وێ گوتنا نێچیرڤان بارزانی سەروکێ حکومەتا ھەرێما کوردستانێ دئینم دەمێ گوتی ( بەغدا رێگرێ سەرەکی بویە ل بەرامبەر پێش ڤەچونا ھەرێما کوردستانێ )
ئەرێ راستە بەغدا ئەگەرێ سەرەکی بویە ل بەرامبەر پێشکەفتنا ھەرێما کوردستانێ ؟
• نەبونا کیانەکێ سیاسی یێ سەربەخو واتا پاشکەفتن . تاکێ کوردی ل ھەمی جیھانێ چوبیت ھەر یێ خوەدی کەساتیا دەولەتداریێ نەبویە . حکومەتا ھەرێما کوردستانێ ل سەدان پروژە و بەشداری و ھاریکاریا بێ پشک بویە , ب ئەگەرێ بەغدا .
• ب درێژاھیا دەسەلاتداریا کوردی بەغدا بەردەوام کار کریە و پارێ سیاسی مەزاختیە بو تێکدانا ناڤ مالا کوردی و ھەتا ڤێ داویێ ژی بەردەوامە .
• دەسەلاتداریا کورد بەردەوام ل بن دورپێچا حاکمێن بەغدا بویە . ئەگەر عیراق ژی ل بن دورپێچێ بیت وی دەمی بو کوردستانێ دووجارەیە .
• سیاسەتا شکاندن و وێرانکاریێ ل کوردستانێ دھاتە پەیرەوکرن ژ ئالیێ بەغدا ڤە , و چ پروژەکێ ستراتیجی ھەر ژ رێک و بان و ھێلا شەمەندەفەرێ و فروکخانە و پروژێن چاندن و پیشەسازیێ ژی .
• رێگری کرن ل پێش ڤەچونا کوردستانێ بەردەوام بویە ب ژیان ئێخستنەف ناڤ (٥٠٠٠) گوندێن کوردستانێ ژ ئالیێ حکومەتا ھەرێما کوردستانێ دربەک مەزن ل پێش ڤەچونێ دایە ل ئالیەکێ دی .
• پشتی کەفتنا رژێما ێەدامێ دکتاتور ل نیسانا ٢٠٠٣ بەردەوام ب ئەڤرو ڤە ژی بوجێ کوردستانێ ھاتیە سیاسی کرن و چو جاران یا مافێ گەلێ کوردستانێ نەھاتیە رەوانەکرن , ھەتا داویێ ھاتە قوت کرن .
• رێگریەکا دیتر ل پێشڤەچونا ھەرێما کوردستانێ ئەو بویە کو بەردەوام کوردستان بێ بەش بویە ل وان قەرزێن نێڤدەولەتی , ل دانەڤا وان قەرزان ژی کوردستانێ مولزەمە و فەرە ل پرسێن گەل بەغدا ئەڤ چەندە ژی بێتە بەحس کرن .
• بێ بھەر بونا کوردستانێ ل وان ھەمی گرێبەستێن گران بھا یێن چەکی کو حکومەتا عیراقێ ب بھایێ چەندین ملیار دولاران ئەنجام ددەت .
• مفاوەرنەگرتنا تەخ و چینێن گرنگێن جڤاکی وەکی ئەکادیمی و پزیشک و یاریزان و ھونەرمەند و خوەدی پیشەیێن جورا و جور ل وان پشکێن عیراقێ ھەی ل دەرڤە .
• بەردەوام بەغدا ل پیلانا دا بویە ل دژی ھەرێما کوردستانێ ل ب ھەفکاریا وەلاتێن ھەرێمی.
• بەغدا ھەتا نھا ژی بەردەوام وان مەزنە کومپانیێن جیھانی دئێخیتە لیستا رەش دا , کو وەبەرھێنانێ ل کوردستانێ دکەن .
ئەڤە و چەندین خالێن دی گروڤە نە ل سەر ئاخفتنا سەروکێ حکومەتا ھەرێما کوردستانێ دەمێ بەغدا ب رێگر ل سەر پێشنەکەفتنا ئێک جاری یا کوردستانێ ھژمارتی . لەوما زور گرنگە تاکێ کورد ڤێ چەندێ بزانیت کو ئەڤرو بەغدا رێگرە ل ھەمبەری پێشڤەچونا کوردستانێ و بەردەوام کار دکەت کو کورد ب ھیڤیا سەدان سالی نەگەھیت.