دبیژن زێر ب ئاگری دهێته تاقیكرن و ژن و زهلام ژی ب وی زێری. مه ژی گهلهك جۆرێن ئاگری دیتن و تاقیكرن. مه گهلهك خۆ راگرت و گهلهك ههدار ل سهر مهحنهت و مهینهتان كێشا، بهلێ ئهنجام چ بوون؟!، بلا ئهڤ سهربۆرا شهڕێ داعشێ بیت و ئهو ههلۆیستێ بهرتهنگ یێ ئهم كهفتینێ، ههلبهت دبێژن ((ههڤال بۆ بهر تهنگاڤیانه))، ههكه حوكمهتا عیراقێ ژی ب دروستی ههڤال با، چما ل رۆژا گۆینێ خوه ل ههرێما كوردستانێ نهدكره خودان؟!، نا بێژم وهكو وهحوكمهت بهلێ وهكو مللهت، ههكه میناكا شنگالێ بینم، ل رۆژا هێرشا هۆڤانه یا چهكدارێن داعش ب سهردا هاتین، یهكێن لهشكرێ عیراقێ بۆ بهرددا و حوكمهتا عیراقێ باش دزانی كو سازیا پێشمهرگهی چو لۆجستی و چهكێ باش د دهست دا نینه و نهدایێ، ههر وهسا گرێدای بهندێن دستوورینه و ئهو دستووێ بهندێن وی هێلاینه ههلاویستی، پێشمهرگه ههتا ڤێ چڕكێ ژی د دستوورێ عیراقێ دا وهكو (پاسهوانێ ههرێم) ب زۆری هاتیه بناڤكرن نه ژدل، بهلێ ئهڤه چهندین سال بهرسهرڤهچوون و موزایهدێن سیاسی رێنادهنه ڤی سامانێ نهتهوی كو ببیته سازیهكا فهرهمی بۆ عیراقا فیدرال بخۆ و چهند مفا گههانده عیراقێ، ههكه نوكه ههرێم ژی وهكو مووسل دنالی، ئهڤه چهنده ههمی بوو جهێ تهحمل و ههدارا حوكمهتا ههرێما كوردستانێ ب وێ سیاسهتا خوه یا نهرم و نه یا توند و نهیا پاشڤهرۆ، بهلێ هینگی راوهستا ههتا ئهڤ شهڕێ نهخوازیار ب سهر گهلێ ههرێمێ دا هاتی، ژ ئهنجامێ ژی عیراق هاته تاقیكرن ب مهنزنترین تاقیكرن، ئهڤا هێرشا داعش. باشترین گرۆڤه ژی ئهو راستیێن سهرۆكێ حوكمهتا ههرێمێ نێچرڤان بارزانی بهری دوسێ رۆژهكان دیاركرین، ب ههلكهفتا بۆرینا سێ سالان ل سهر كۆمكۆژیا كوردێن ئێزدی دا ل شنگالێ، كوحوكمهتا عیراقێ چهك و كهلوپهلێن پێداویستیێن پێدڤی ژ پێشمهرگه را نهوهشاندینه، د ههمبهرا دا ژی مه ههمیان ب چاڤێن خوه دیتك و لهشكرێ عیراقێ ههمی تشتهك بۆ چهكدارێن داعشێ بجه هێلا و ئێدی چو بهلانسێن بهرگریكرنێ نهمابوون، ههتا پشتی هینگی حوكمهتا ههرێمێ و ب كهساتیا نێچیرڤان بارزانی و سهرۆك مهسعود بارزانی شهڤ و رۆژ دكرنه ئێك و ههولێن قورتالكرنێ ژ وهلاتێن مهزن را دكرن، نههێلاین هێشتا كێر بگههیته ههستی، شهرهف و كهرامهتا ڤی خهلكی ههمیێ پاراست، ب كوڕ و برا و مالبات ڤه، خوه هاڤێتنه د سهنگهرێ شهرهفێ دا، ههكه نوكه ئهم ژی ل بن رهحما چهكدارێن چهپهڵ یێن گهمارا زبلخانهیا ڤێ جیهانێ ههمیی دا بووین، لهشكرهكێ شههیدان پێشمهرگه پێشكێشی شهرهفا مه كر، نههێلا پێلا ستهمێ بگههیته ئهردێ مهیێ پاك، ئهو پلانگیریێن دوژمنێن بیانی راگرتین و شكهستن ئینایی، لێ ئهڤرۆ ئهو پلانگیری دبهردهوامن، بهلێ ب رهنگهكێ دن، ئهو ژی ههمی رێگری ل بهرامبهر نههێلانا سهركهفتنا پهیڤا سهربهخوهیێ و ریفراندۆمێ، لهورا ژی سهرۆك وهزیرێن ههرێمێ د وێ گۆتارا خوه دیاركربوو كو عیراقێ پێشكهفتن بۆههرێمێ نهخواستیه و نا خوازیت، ژی لهورا دبێژین جودابوون گوله و نێرگزه و بلا ههر د ناڤا كۆمهكا ستریان دا بین.