كوردستان و بارزانی له‌هه‌ولێره‌وه ده‌وڵه‌تی كوردستان ڕاده‌گه‌ێنن نه‌یاران گوێتان لێ یه .. ؟
د. محەمەد خدر مەولود
ده‌بێ بگوترێ ئه‌ركی بارزانی وا ئاسان نییه ، وه‌ك له‌هزرو خه‌یاڵی كه‌سانێكدا وێناكراوه ، له كاتێكدا كوردستان و سه‌رۆكه‌كه‌ی به‌وپه‌ڕی باوه‌رو متمانه به‌خۆ بوونه‌وه له‌ناو چه‌قی ناوچه‌یه‌كی پڕ له گرفت و كێشه‌ی ئاڵۆز ، هه‌نگاوی مه‌زنی وا باوێن تا رێگربێ له‌شه‌رێكی دیكه‌ی سه‌ختر و خوێناویتر له‌شه‌ری داعش دا بكه‌ن ، هه‌ڵبه‌ته ده‌بێ بارزانی هه‌ستی به ده‌سپێكردنی گۆڕانكاری له سه‌ر نه‌خشه‌ی ڕۆژهه‌ڵاتی ناوه‌راست كردبێ و دڵنیاش بێ له‌لێكهه‌ڵوه‌شانه‌وه‌ی ئه‌و ناوچه‌یه‌ی كه‌پێی ده‌گوترێت رۆژهه‌ڵاتی ناوه‌راستی پڕ له كێشه و گرفتی به‌گرێ وگۆڵ ، به‌تایبه‌تیش له‌دوای شه‌ری سه‌ختی مووسڵ كه ئێران و عێراقی حه‌شدی شه‌عبی خۆیان به‌براوه‌ی یه‌كه‌می داده‌نێن.
بارزانی سه‌رۆكی پێویستی سه‌رده‌م :
ئێستا ، پێیان خۆشبێ و هه‌ندێ له كوردیش پێیان ناخۆش ، پێمانخۆشبێ و هه‌ندێ له‌وان پێیان ناخۆش ،سه‌رده‌م ، سه‌رده‌می كورده له ناوچه‌كه‌دا .
چونكه‌له‌و ناوه و نێوه‌نده‌دا
ئه‌وه‌ندی توركیاو سوریا و عێراق و ئێران له سۆنگه‌ی داعشه‌وه تێیكه‌وتوون و شان و مل ئارداوین، به جارێ باری قوڕسی ده‌رهاویشته و لێكه‌وته‌كانی دوای داعشیش وا به ئاسانی ئه‌ستۆ پاكییان ناداتێ .
كورد له چاو ئه‌وان وێڕای ئهوهی قوربانی مێژوو ،و قوربانی له‌ده‌ست دانی ده‌رفه‌ته ، به‌ڵام له هاوكێشه‌كه‌دا له‌چاو ئه‌وان له به‌رامبه‌ر داعش دا براوه‌و سه‌ركه‌وتووه .
له‌مێژووش دا، به‌قه‌د ئه‌مرۆ ده‌رفه‌تی زێرین و هه‌لی له‌بار ،هه‌روا بارودۆخی مه‌ترسی دارتر له‌دوای داعشیش بۆ كورد وا نه‌هاتۆته پێش ،تا ئاستی ئهوهی پرسه‌كه‌ی به‌شێوه‌یه‌ك یه‌كلایی بكاته‌وه ، به‌زمانی سه‌رده‌م و لۆژیك ، به ئاشتی و دوور له توندو تیژی به ماف و به كۆتا مه‌رامی خۆی بگات .
سه‌ركه‌وتنی ئه‌و پرسه و گه‌یشتنی به رۆژی ئه‌مڕۆی ،وه‌ك چۆن له خۆڕاگری جه‌ماوه‌ری گه‌له‌كه‌ی دایه ، زیاتریش له قاره‌مانیه‌تی و له‌خۆبورده‌یی و به‌خشنده‌یی پێشمه‌رگه قاره‌مانه‌كانی دا بینراو و سه‌لمێندرا .
وه‌ڵێ به‌ڵگه نه‌ویسته بوونی سه‌رۆك و ڕابه‌رێكی وه‌ك به‌رێز بارزانیش گره‌نتییه‌كی فریاد ره‌سی قۆناغه‌كان بووه ،تا گه‌یاندنی به ڕۆژگاری ئه‌مڕۆماندا .
گه‌یاندنی پرسی نیشتمانی نه‌ته‌وه‌یی كوردستانیان بۆ سه‌رۆكێكی مێژوو كرده‌ی وه‌ك بارزانی هه‌ڵبه‌ته په‌ڕینه‌وه‌بووه له رووبارێك خوێن .. ده‌ربازبوون بووه له نێو كێڵگه‌ی مینی دوژمنان و داخ و خه‌م و كه‌سه‌رو كاره‌ساتی شه‌ڕی برایان .
وێڕای ئهوهی بارزانی ئامانجی سه‌ره‌كی دوژمنان بووه بۆ لێدان و له‌ناو بردنی به‌هه‌ر شێوه‌ێك بووبێ ، نه‌یارانیشی درێغییان نه‌كردووه له گرتنه به‌ری سیاسه‌تی به رێ لادان و چاو به‌سته‌كردن و خه‌ڵك فریودان، هه‌ر وا ناشیرینكردن و زۆرجاریش هه‌ڵبه‌ستن و جنێو و تانه و ته‌شه‌ڕ، به‌ڕاده‌ی بێزه‌وه‌ركردنی خودی پرسه‌كه‌و به ئامانج گرتنی كه‌سی بارزانیش بۆ ئه‌جندا ده‌ره‌كییه‌كان و ڕۆڵگێرانی كه‌س و لایه‌ن و میدیای ناوخۆ بۆ وێنا كردنی خواستی ئه‌وان به‌داخه‌وه بۆ هه‌ندێ له‌كوردان خۆساخكردنه‌وه و لایه‌نگیری ئاشكرای پێوه دیاره ، پێیان خۆشبێ و پێیان ناخۆش ده‌چنه خانه‌ی دژ بوون .
به‌واتایه‌كی دیكه ئه‌وان له ئاگاییه‌وه بێ یا له بێ ئاگاییی ،مه‌به‌ست دار بێ یا بێ مه‌به‌ست پێمان ده‌ڵێن :
پرسی سه‌ربه‌خۆیی كوردستان واته پرسی بارزانی و ئه‌وهه‌ڵگری شوناس و ناسنامه نه‌ته‌وه‌ییه نیشتیمانییه‌كه‌یه تی و ئێمه‌ش دژ و نه‌یارو ناحه‌ز .
له كاتێكدا ئه‌وان گه‌ر هه‌رسوور بن له‌سه‌ر ئه‌و سیاسه‌ته‌و به‌و هزرو دیده‌وه كاربكه‌ن وئامانج لێی قۆرغكاری و پاوانخوازی بۆ ده‌فه‌رێك له‌ده‌فه‌ره‌كان په‌یره‌و بكه‌ن ، وه‌ك ئهوهی خه‌ریكه له‌سلێمانی پیاده‌ی ده‌كه‌ن كاره‌سات و مه‌ترسییه گه‌وره‌كه لێره‌دا سه‌رهه‌ڵده‌دا ، كه‌سه‌ربه‌خۆیی و پرۆسه‌ی ریفڕاندۆمی كوردستان و بارزانی كێشه بن ، نه‌ك چاره‌سه‌ر..!!
لێره‌دا ده‌بێ بگوترێ :
ئه‌وا ئه‌جندای تاران و قومی ئیمامه ، له باغی دادی مالیكی یه‌وه ،بارزانی به ئامانجگرتووه و مه‌به‌ستیانه دارومولك ، شكۆی خۆی له‌ده‌ست بداو مه‌حكوم بێ . له كاتێكیش دا مێژوو سه‌لماندویه‌تی كه دارولمولك نه مه‌حكومه ، نه سوخره كێش .
بارزانی فریاد ره‌سه :
مه‌سعود بارزانی سه‌رۆكی هه‌رێمی كوردستان ،ئه‌و پیاوه‌ی بزافی سیاسی هه‌ر چوار پارچه‌ی كوردستان چاوییان له هه‌نگاوه‌كانیه‌تی ، ئه‌و سه‌رۆكه‌ی ڕه‌وایی پرسی نه‌ته‌وه‌یی كه سه‌ربه‌خۆ بوونه به پرۆسه‌ی ریفڕاندۆم گه‌یاندۆته ناوه‌نده بریاربه‌ده‌سته‌كانی دونیا ، له دوا وتاری دا بۆ رۆژنامه‌ی (واشنتن پۆست ) ی ئه‌مریكی ده‌نگدان به به‌ڵێی بۆ سه‌ربه‌خۆیی به‌چاره‌سه‌ری كێشه‌كان ده‌زانێت ، نه‌ك دروستكردنی كێشه .
مه‌سعود بارزانی ، ئه‌و پیاوه‌ی خاوه‌نی پرۆژه‌ی ده‌وڵه‌تی كوردستانه ، رۆژهه‌ڵات و رۆژئاوا – ئۆراسیاو و ئه‌تله‌نتیكی به‌خۆیه‌وه سه‌رقاڵ كردووه ، پێداگیری له‌سه‌ر گه‌یاندنی په‌یامه‌كه‌ی له هه‌موو بۆ نه نێو ده‌وڵه‌تییه‌كان ده‌كاته‌وه، هه‌ر له كۆربه‌ندی داڤۆسی ٢٠١٦ وه تا داڤۆسی ده‌ریای مردووی ئوردن و كۆڕبه‌ندی سانپیته‌رسبڕۆگ له رۆژی مێژوویی ٧-٦-٢٠١٧وه‌و به‌ر له داعش و له دوای داعشیش دا ، بارزانی فریادره‌سی چاره‌سه‌ری پرسی كوردستانه‌به‌كێشه وئاسته‌نگه ئابووری و جیۆسیاسییه‌كانی ناوچه‌كه‌وه‌ش ، به ڕاده‌ی ئهوهی مێژووی سیاسی ناوچه‌كه له‌م چاره‌گه سه‌ده‌یه‌یی دوایدا سه‌لماندویه‌تی بێ ئه‌و چاره‌سه‌ری پرسه‌كان و ڕاگرتنی ته‌رازوی به‌رژه‌وه‌ندییه‌كان لاسه‌نگ ده‌بێ و له غه‌فڵه‌تگیری گه‌وره‌كانیشدا ئه‌مریكا به پله یه‌ك ، رووسیا به پله دوو ، نه‌ك هه‌ر هاوكێشه‌ی ناوچه‌كه گرێ و گۆڵی تێده‌كه‌وێ وه‌ك ئهوهی به‌م دوا دواییه له سوریا وا گڵۆڵه‌كان ده‌كه‌ونته لێژی و ئه‌سه‌دیش رژتر ، و به‌رژه‌وه‌ندییه‌كانیش به‌پێچه‌وانه‌ی خواستی كورد ئاوه‌ژوو ده‌بنه‌وه ، به‌شێوه‌یێ دژی خواست وقوربانییه‌كاننله ڕۆژئاوا خه‌ریكه رژێمی ئه‌سه‌د له ناوچه كوردستانییه‌كانی ئه‌وێ ده‌بن به دیفاكتۆ و كوردیش له ئاهه‌نگی مه‌ولووده‌كه به‌بێ شیرینی له هاوكێشه‌كه وه‌ده‌رده‌نرێ .
ئه‌و ، بارزانی پیاوه مه‌ترسییداره‌كه ، بۆ ئه‌وانه‌ی له خوڵقه‌وه هه‌ڵگری پرۆژی دژه نه‌ته‌وه‌ی كوردن ، نه‌ته‌وه ،به‌مانا و زاراوه سیاسیی و یاساییه‌كه‌یه‌وه ، له‌و ناوچه‌ی ته‌ژییه له‌جۆره تۆتالیتاریزمێك كه هیچ پێكهاته‌یه‌كی نه‌ته‌وه‌یی و تایفی له ناوچه‌كه‌دا یه‌كتریان قبوڵ نییه ، كوردیش وه‌ك نه‌ته‌وه‌ی ژێر ده‌سته ی خۆیان سه‌یر ده‌كه‌ن یا به هاووڵاتی پله دوو . یا به پێكهاته‌ی خێل و په‌رته‌وازه‌ی ناو تایفه و ئاینزاكانی نێۆكۆمه‌ڵگای ئیسلامی و به ژێر به‌رداشی عه‌ره‌ب و فارس و توركی داده‌نێن .
به‌شێوه‌یێك خوێندنه‌وه‌یان بۆ تاكی كورد به‌م شێوه‌یه :
لای تورك :
- كورد توركی چیایی و یه و له ماشه ،هه‌ڵناكه‌وێت پاشا .
لای عه‌ره‌بی عێراق:
-كورد برای دینیی ژێرده‌سته‌كه‌ی شیمالی حه‌بییبه ،لامل و یاخی یه ، فورسانه چ هی سه‌لاحه‌دین بێ یا هی حه‌شد !!
لای فارس :
كورد ،زمان و كه‌لتوری به‌شێكه له زمانی فارسی و وه‌ك نه‌ته‌وه جاشه ، نه‌باشه !!.
ئه‌وه‌یان كه خوێندنه‌وه‌ی نه‌ته‌وه‌كانی دراوسێی كورد بن بۆ كورد ، كاتێ بارزانی جاری ریفڕاندۆم و سه‌ربه‌خۆیی ده‌دا ، په‌یامی نیشتیمانی نه‌ته‌وه‌یی له دوا قۆناغه‌كانی گه‌شه سه‌ندنی مێژوویی و پێگه‌یشتنی خۆی دا ڕاده‌گه‌یێنێ ، به جاڕدانیشی هه‌مووان سه‌رسام ده‌كا و ڕه‌وایی بوون و ئاینده یی ده‌به‌خشێته نه‌ته‌وه‌یه‌كی غه‌در لێكراوی مێژوو .
ئێستا ئه‌وان هه‌موو سه‌رسام و دۆشداماون و ده‌پرسن :-
-: چۆن ده‌بێ له كوردی ماشا هه‌ڵكه‌وێ پاشا ،كوڕانی پێلاو بۆیاغ كه‌رو شاگرد ئوتێل و بۆی ڕێستورانتان ، كچانی كه‌نیزه‌و ژنانی ته‌یان و خزمه‌تكارو جلشۆری ماڵان ،پیاوانی ڕێگرو جه‌رده و جاش و ماش .. كوردستانی به‌پیت و به‌ره‌كه‌ت ،ئاوی كه‌وسه‌رو خاكی گه‌وهه‌ر، پێخوستی ئه‌م و ئه‌و ، گۆڕه‌پانی ته‌ڕاتێنی غه‌یره ، خه‌ڵكه‌كه‌ی سه‌ربه‌خۆبێ و خاكه‌كه‌شی خودان سنوور و ببێ به ده‌وڵه‌ت ؟ سه‌یرو سه‌یران و سه‌رسووڕمانه لای ئه‌وان !! كوردو ده‌وڵه‌ت ؟ .. كوجا مه‌رحه‌با !!
بارزانی به‌ووردی و لۆژیكانه بیر ده‌كاته‌وه و خوێندنه‌وه‌ی واقیع بینانه‌ی بۆ ده‌وڵه‌تی عێراق و ناوچه‌كه‌ش هه‌یه ، له ماوه‌ی ١٠٠ ساڵی سایكس پیكۆوه ، به‌كرده‌وه‌ش له حه‌فتا ساڵه‌ی ته‌مه‌نی سایكس پیكۆ دا ،وا له گۆره‌پانی سیاسی و تێكۆشانی چه‌كداری شۆرشگێری دایه ،میراتگری شۆرشی یه‌كه‌می بارزان ١٩٣١- ١٩٣٢و شه‌ری قاڕاوه‌ی مه‌هاباده‌له ساڵی ١٩٤٦ و له‌دایك بووی ژێر ئالای كوردستان و كۆماری سه‌ربه‌خۆ و ئه‌ندازیاری سه‌ركه‌وتنی داستانی خواكوڕك و ساته‌كانی كۆتایی قۆناغه‌كانی ئه‌نفاله‌له هاوینی ساڵی ١٩٨٨ دا به پێشبینی كردنی بۆ ڕوودانی كاره‌ساتێك به‌سه‌ر ناوچه‌كه‌ی شه‌ڕی كه‌نداو دا وه‌ك ئهوهی له‌عێراقی سه‌دام حوسێن و ده‌وڵه‌تانی عه‌ره‌بی كه‌نداوی فارس و عه‌ره‌ب قه‌وما ..
بارزانیفریادره‌سی كۆبانێ و رۆژئاوا .. ته‌لیسم شكێنی داعش .. به‌زمانی سه‌رده‌می ته‌كنه‌لۆژیاو مۆدرێن ، به ئاشتییانه‌و دیبلۆماسییانه ، به گفتوگۆی پڕ له لۆژیك بۆ ئاینده،ڕاشكاوانه ده‌ڵێ :
- ده‌نگ دان به‌ریفراندۆم ، ده‌نگدانه بۆ چاره‌سه‌ری كێشه‌یه‌ك هێنده‌ی ده‌وڵه‌تی عێراق كۆنه .
وه‌ك سیاسییه‌كی ووردبینی ئاگادارله رووداوه‌كان، بارزانی له سه‌رده‌م و كاتێكدا ده‌ژێت ، هه‌ر ده‌ڵێی سه‌رده‌م و كاتی لێك هه‌ڵوه‌شانه‌وه‌ی یه‌كێتی سۆڤیه‌تی جارانه ،و پیرۆسترۆكایه‌ك له ناو هه‌ناوی كۆمه‌ڵگا ناجۆرو ناهه‌مواره لێك هه‌ڵوه‌شاوه‌كه‌ی عێراق دا خۆی مه‌ڵاس داوه ، به شێوه‌یێ نه شیعه‌ی عه‌ره‌ب له‌گه‌ڵ عه‌ره‌ب ، نه‌سونه‌ی عه‌ره‌ب له‌گه‌ڵ عه‌ره‌ب ، نه‌سونه‌و شیعه‌ی كورد له‌گه‌ڵ عه‌ره‌به ئاین و ئاین زاكه‌ی ،نه‌توركمانه شیعه مه‌زهه‌ب و سونی مه‌زهه‌به كه‌به فیتی ئه‌نقه‌ره له‌گه‌ڵ خۆیان له‌لایه‌ك و له‌گه‌ڵ كوردو عه‌ره‌بیش له‌لایه‌ك هه‌ڵده‌كه‌ن ، هه‌روا نه كریستییانیانی كلدان و ئاشوور ، نه سلێمانی به‌فیتی به‌غداو تاران له‌گه‌ڵ هه‌ولێر ته‌با و یه‌كگرتوو بێ ،به‌جۆرێ ئه‌و ناجۆری و ناهه‌موارییه‌ی له پێكاته‌كه‌ی عێراق داهه‌یه له به‌رمیلێك بارووتی كات بۆدانراو بچێ له ساتی ته‌قینه‌وه‌ی دابێ ، له‌بوركانی ئاگری شه‌ڕێك بچێ ، شه‌ڕی ناو لێنه‌ندراوی جیهانی سێیه‌میا هه‌ر جه‌نگێك له دوای داعش له‌مووسڵ،له چه‌خماغه‌دان دایه‌و له ئێستاوه بریسكه‌ی لێوه هه‌ڵده‌ستێ وبۆنی سوتماكردنی خاكی كوردستانی لێ دێ هه‌روه‌ك له ( خاتیمه‌ت و لئه‌نفال دا له ١٩٨٨ دا ) بینیمان.
ئالێره‌دایه حیكمه‌ت و لۆژیكی بارزانی مه‌به‌ستیه‌تی له‌و ئان و ساته‌دا تا زووه له‌دوای موسڵ له ٢٥-٩ به پرۆژه نیشتیمانییه‌كه‌ی ڕێگربێ له‌شه‌رێكی دیكه‌ی سه‌خترو خوێناویتر ،ئا لێره‌دایه بارزانی فریاد ڕه‌سه ، ئه‌و ، ئه‌وسا له‌داستانی خواكوڕكا له هاوینی ١٩٨٨ دا پێشهاته‌كانی هاته‌دی به‌جۆرێ ئهوهی چه‌ندین ساڵه له‌ناوچه‌كه ده‌گوزه‌رێ ده‌رهاویشته‌ی كۆتایی شه‌رو كاره‌ساتی هه‌شت ساڵه‌ی عێراق و ئیرانه ، جگه له و رق و كینه‌و دوژمدارییه مێژوویه‌ی سه‌دامی سوونی له فورسی مه‌جوس له قادسییه‌ی سه‌عدی یه‌كه‌مه‌وه له به‌رامبه‌ر یه‌كدا هه‌یانبوو ، به‌ڵام هه‌ردوو لاش ، هاوڕابوون بۆ ڕیشه كێش كردنی كورد ، وه‌ك نه‌ته‌وه‌ی به‌رداشی هه‌ردوولا ، له‌ڕه‌گ و پیكه‌وه .
ئێستای دوای مووسڵیش تۆبڵێی سیناریۆكان له‌به‌رگێكی دیكه‌دا خۆیان دووباره نه‌كه‌نه‌وه ؟
له بێ ئاگایی یا لاملی ئه‌نقه‌ست و مل نه‌دان بۆ ئه‌م پرۆژه نیشتیمانییه چاره‌نووس سازه ، به هه‌ر بڕو بیانویێ بێ، جاكه‌سی ، یا له ڕكی پارت و لایه‌ن و ڕق و كینه‌ی مێژوویی ،یا له‌ڕكی خودی بارزانی، كه پیاده‌كردنی ئه‌جندای ده‌ره‌كییه بۆ هه‌رمه‌به‌ستێ له مه‌به‌سته‌كان به :
- به نه‌خێر ،بۆ ریفڕاندۆم !!
زه‌ره‌مه‌ندی یه‌كه‌م له ناوچه‌كه‌دا،كوردستان و لێدان و له بار بردنی پرۆژه ستراتیژییه‌كه‌ی ده‌بێ .
نه‌خشه ڕێگای بارزانی چاره‌سه‌ره .
نه‌خشه ڕێگای بارزانی بۆ گه‌یشتن به سه‌ربه‌خۆیی ، پرۆژه‌یه‌كی نیشتیمانی نه‌ته‌وه‌یی گه‌لێكه سه‌د ساڵه، هه‌لێكی وا زێرینی پڕده‌رفه‌تی بۆ نه هاتۆته پێش
بۆیه گرنگه هه‌موومان ،له‌گه‌ڵ هه‌نگاوه‌كانی نه‌خشه ڕێگای ده‌وڵه‌تی كوردستان دا، به پارت ولایه‌نی سیاسی و رێكخراوی كۆمه‌ڵگای مه‌ده‌نی و ئه‌كادیمییانی كوردستان و مامۆستایان و نووسه‌رو رۆشنبیران و هونه‌رمه‌ندان ، یاسا ناس و مافپه‌روه‌ران ، ئه‌ندازیارو پزیشكان ، كرێكارو جوتیارو وه‌رزشكارو میدیاكاری جه‌سوور ،قوتابی و خوێندكار كاسبكار و بزنسمان ، هه‌موو خه‌ڵكی لادێ و شار بۆ ساتی ڕاگه‌یاندی له ئاماده‌باشی ته‌وا دابین و بوونی كێشه‌و ئاسته‌نگه ئابووری و سیاسییه‌كانی ناوخۆ ،به پێوه‌ری كێشه‌و ئاسته‌نگه‌كانی كۆمه‌ڵگای زیندووی پێشكه‌وتووی پڕله ئه‌كتیف سه‌یر بكه‌ین ، نه‌ك بۆ ده‌ستی ده‌ستی پێكردنی پرسه نه‌ته‌وه‌ییه نیشتیمانییه چاره‌نووس سازه‌كه .
بارزانی كوڕ ، ئه‌مرۆ هیواو ئاواتی بارزانی باوك مسته‌فا بارزانی دێنێته دی ، به‌جاردانی ڕیفراندۆمه‌وه ،دوو پاتی ده‌كاته‌وه‌و ڕوونتر ده‌دوێ و ده‌ڵێ :
كورد سه‌پانی باوكی (داعش و ماعش) ه‌كان نییه و نایه‌وێ دوای سه‌د ساڵی تر جارێكی دیكه ببێته وه قوربانی مانۆر و سینارۆیی دا‌به‌شكردنی ناوچه كه،بۆیه‌ده‌یه‌وێ به جاردانی ریفراندۆم به دۆست و هاوپه‌یمانان بڵێ :
راستكردنه‌وه‌ی باری لاسه‌نگی به‌رژه‌وه‌ندییه‌كانی ئه‌مریكاو رۆژئاوا له ناوچه‌كه كه‌ده‌رئه‌نجامی‌یه‌كلایی نه‌بوونه‌وه‌ی هه‌ردوو شه‌ری كه‌نداو له‌لایه‌ك و غه‌فڵه‌تگیری رووسیا، له‌دوای لێدان له قه‌زافی و تێوه‌گلانی له ڕۆژهه‌ڵات و باشووری ئوكراینای گرگرتوو له لایه‌كه‌ی دیكه‌دا، نابێ خواست و ویستی نه‌ته‌وه‌یه‌كی ٤٠ ملیۆنی نادیده بگیرێت . به‌تایبه‌تیش له كوردستانی عێراقدا ، له باشووری قوربانی سیاسته تاكلایه‌نییه‌‌كه‌ی به‌غدای زۆرداری خۆسه‌پێن ، جه‌لادی دوێنێی خاوه‌ن ده‌سه‌ڵاتی پر له ناهامه‌تی بۆكوردستانیان هه‌رله جینۆسایدو ته‌عریب و كیماباران و ڕاگوێزان و سوتماكردنی خاك دا تا بڕینی موچه‌و قوتی خه‌ڵك و سیاسه‌تی برسیكردن و په‌رتكه‌و زاڵبه‌و ڕشتنی ژه‌هری شارچیه‌تی و ناوچه‌گه‌رایی كه درێژه پێده‌ری به پاشكۆكردنی كۆمه‌ڵگای كوردستان به شێوازێكی مۆدرێن و هه‌وڵی دابڕاندن و لێكترازاندنی شاره‌كانی كوردستانه له یه‌كتری . ئه‌وا به‌هیچ كلۆجێ و به‌هیچ شێوه‌یێ سازش به
كوردو كوردستانییانی ده‌ره‌وه و ناوه‌وه‌ی ماده‌ی ١٤٠ بۆ ریفڕاندۆم و سه‌ربه‌خۆییناكات نه‌كهه‌ر ساردناكاته‌وه ، به‌ڵكو هه‌رگرفتێكیش بۆ ناوچه جێناكۆكه‌كانی كوردستان به‌تایبه‌تیش بۆ كه‌ركوك و شنگاڵ ، بێنه پێش یا بوق ژه‌نانی ئه‌جندای ده‌ركییه‌كیش هه‌ربه‌رده‌وام له بوق ژه‌نین ، ئه‌وا كوردستان و
بارزانی ،بێباك له‌م و له‌و ، به روناهی چاوی یارو كوێرای چاوی نه‌یار ، هه‌رله هه‌ولێره و بۆسلێمانی ، بۆكه‌ركوك وبۆ شه‌نگال، بۆ كوێستان و گه‌رمیان ..بۆ بادینان و سۆران ، بۆ ٤٠ ملێون كورد ،ده‌وڵه‌تی سه‌ربه‌خۆیی كوردستان ڕاده‌گه‌یێنن .
ئه‌م ڕاگه‌یاندنه‌ی كوردستان وبارزانی ، جاڕی مافی سه‌به‌خۆیی و ئازادی كوردستانیانه .
دوژمن و ناحه‌زان.. یارو نه‌یارانی بارزانی .. میدیای نابه‌رپرس ... گوێتان لێیه ؟
مێژوو جارێكی دیكه خۆی دووباره‌ناكاته‌وه و فرمێسكی به‌زه‌یشبۆ غه‌فڵه‌تگیران ناڕێژێ .
