هەڕچەندە ئەز خو مەزنتڕ ل هندێ دبینم کو وڵاما ئاخافتنێن شاسواڕی بدەم، لێ من دڤێت ڕونکڕنێ بو هندەک ئاخفتنێن وی بکەم کو ل ئێک دەمدا دبێژیت و بدڕوش دئێخیت، شاسواڕ دبێژیت ئەزێ گەهشتیە وێ بروایێ کو ب چو ڕەنگەکێ ڕیفڕاندوم بو سەربەخویێ نیە، تنێ کاڕەکە بو بەڕژەوەندیا شەخسی، و ل هەمان وەختیش دبێژیت ڕیفڕاندوم هەڕەشەیە بو کوڕدستانێ و ئەگەڕ ڕێژا پێویستا (بەڵێ) بینیت لەوانەیە کوڕدستان دوچاڕی برساتی و هەڕەشا دوژمن و هێڕشا دەوڵەتان بیت، باشە ئەگەڕ ڕیفڕاندوم بو سەڕبەخویێ نەبیت بوچی سەرکەفتناوێ هەڕەشەیە؟ ئایا ئەگەڕ ریفراندوم هەڕشەبیت و ببیتە جهێ مەتڕسیێ بوچی بوسەربەخویێ نیە؟ وادیاڕە لبەڕ بەڕژەوەندیێن خو شاسواڕ یێ هەستای ب پێکئینانا جوڵانەوەیەکێ دژی سەربەخویێ، و هەجەتێن وی ل ڤێ جوڵانێ ژبلی فێڵکڕن چ تشتێ دی نیە، چونکو وەختێ شاسواڕ دبێژیت سەربەخویا کوڕدستانێ دێ بیتە ئەگەڕێ هێڕشا دوژمنا بوسەڕ کوڕدستانێ، هەڕوەکو بێژی ئەڤە ئێکەم جاڕە دوژمنی هێڕشی کوڕدستانێ کڕبیت، و ئەگەڕ وی خەما هاوڵاتی بیت بوچی ل سێ ساڵێن جەنگێ دژی داعش هیچ ئاڕیکاڕیەک پێشکەشی پێشمەڕگەی و خێزانێن شەهیدا نەکڕ، بوچی جاڕەکێ و شەڤەکێ سەڕەدانا سەنگەڕا نەکڕ، بوچی فیشەکەک نەکڕی بو بەڕگڕیێ، ل هەمی مێژویا هەڕێما کوڕدستانێ مەزنتڕین هەڕەشە لسەڕ کوڕدستانێ و مانا کوڕدستانێ بڕیتی بو ل داعشێ، چونکو ئاڕمانجا داعشێ بریتی بو ل نەهێلانا کیانێ کوڕدی، ئەگەڕ شاسواڕ ل خەما هاوڵاتی با بلا ل جەنگێ داعشێ بو جاڕەکێ چوبا سەنگەڕا، ئەڕێ تشتەکێ عەقلانیە بێژین سەربەخویا کوڕدستانێ دێ بیتە جهێ هەڕەشا دوژمنا؟ بۆ ل ساڵا 1983 هەشت هزار بارزانی ژلایێ ڕژێما عێڕاقێ بساخی هاتنە بن ئاخکڕن ئایا وان ڕوژا ڕیفڕاندومێ دیاڕکڕبو؟ بۆ ل ساڵا 1988 ئەنفالا کوڕدستانێ هەڕ ل خانەقین هەتا زاخو ل هەشت قوناغێن جیاواز هزاڕان گەنج و پیرو زاڕوک و چواڕهزاڕ پێنج سەد گوند هاتنە ژناڤبڕن ئایا وان ڕوژا ڕیفڕاندومێ دیاڕکربو؟ بودجێ هەڕێمێ ل 2014 هاتە برین ئایا ڕوژا ڕیفڕاندمێ دیاڕکڕبو؟ شاسواڕی دڤێت ل ڤێ چەندێ خوشەویستیا خو بو هاوڵاتی دیاڕبکەت و رایەکا گشتی ل دیف ئاڕمانج و مەبەستێن خو دڕوست بکەت، لێ ئەو نزانیت کو پێشمەڕگە و خێزانێن شەهیدا پێشتڕ ئەف خوشەویستیە یا دڕوستڕکی، چونکو دەمێ پێشمەڕگە ل تاڕیاتیا شەڤێ و ل سەڕمایا زڤستانێ و هەتا چوکا دناڤ قوڕێ دا بو بەڕگڕیا ئاخا کوڕدستانێ و هاوڵاتیێ کوڕدستانێ، وی دەمی شاسواڕ ل خوشتڕین و جوانتڕین جهێ نڤستن و مانەڤا شەڤێ بو، وەختێ پێشمەڕگەی سێ هەیڤا موچە وەڕنەگڕتی و سەنگەڕ چولنەکڕی، شاسواڕ مژولێ بازڕگانیێ بو کو مانگانە ب ملیاڕا دولاڕ قازانج دکڕن، بلا شاسواڕ باش بزانیت ئەگەڕ کوڕدستانێ خەما تڕس و برسێ با ژ مێژەیە دا تەسلیم بیت، مەزن دبێژن( ئەو چیچکێ دەنگێ دهوڵێ بتڕسیت دێ ژبرسا مڕیت)، ئەگەڕ شاسواڕچی ل ئاخفتنەکا سەڕکڕدەکێ بیانی بتڕسن ئەوا بێگومان دێ کوڕدینیا خو ل دەست دەن ژترسا، ئەوی دڤێت خو بکەتە پاڵەوان لسەڕ حسابا هاوڵاتیێن هەژاڕ، موخابن ل پێش ویش گەلەک هەبون بێڕێزی ل بەڕامبەڕ هەژاڕا دکڕ و مێشکێ وان دخاپاند، ئەو بهەمی ڕەنگەکێ یێ یاڕیا بهەستێ فەقیڕ و هاوڵاتیێن کێم دەڕامەت دکەت، ئەزێ تەئکیدم هاوڵاتی ل هەمی بەڵێن و سەڕدابڕنەکا بدڕو مەزنتڕە و ئیرادا خو تەسلیمی کەسەکێ ناکەن کو بو ئێک ڕوژێش بەژداڕیا خەما هاوڵاتی نەبویە، چونکو مەزنتڕین خەما هاوڵاتی شەڕێ تیروڕێ بو ، شەڕێ تیڕوڕێ هەڕشەکا مەزنبو لسەڕ مانەڤا هاوڵاتی بشێوەکێ ئازادانە، لەوڕا ئەوێن بەڕگڕی کڕی دێ بسەڕبلندانە ب بەڵێ دەنگ دەن و یێن دیتڕ ب نەخێڕ.