لەم بارودۆخەی كە كوردستانی تێدایە، لە هەموو كات زیاتر پێویستمان بە تەبایی، یەكڕیزی نیشتمانی و یەك گوتاری هەیە. ئایا ئامانجە ڕاستەقینەكە كە مەبەست لێی سەربەخۆیی كوردستانە، ئەوەندە ناهێنێت چەند پرسێكی‮ ‬لۆكالی‮ واز لێ بێنین و بەیەكەوە بكەوینە گفتوگۆ، بە هەموو لێكدانەوەیەك وا پێویست دەكات پرسی سەربەخۆیی و ڕاپرسی كۆمان بكاتەوە و ببێتە كلیلی چارەسەری ململانێ ناوخۆییەكان، نەوەك پێش مەرج و پاش مەرج بۆ یەكتر دابنێین، ئەگەر لەسەر چۆنیەتی پیادەكردنی مافی چارەی خۆنووسین ریَِكەوتین، ئیتر كێشەكانی دیكەی پەیوەست بە كارا كردنەوەی پەرلەمان و بنەمای یاسایەكانی ئەنجامدانی ڕاپرسی و وردەكاریەكانی دیكە زۆر بە ئاسانی چارەسەر دەبن، بە دڵنیاییەوەیش وا پێویست دەكات هەمووان لە پێناوی ئەم ئامانجە پیرۆزە، سازش بكەین و نەرمی بنوێنن.
‬ ‬ ئەوەی‮ ‬جێگەی‮ ‬مەترسی‮ ‬و نائومێدییە، دابەشبوون و لێكترازانی‮ ‬هێزەسیاسیەكان و ناوماڵی‮ ‬كوردە،‮ ‬كە خەریكە هەڕەشە لە گەییشتن بە ماف و ئاواتەكانمان دەكات،‮ ‬لە كاتێكدا، ‬ڕۆژهەڵاتی‮ ‬ناوەڕاست بەگشتی‮ ‬و كوردستان بەتایبەتیی‮ ‬پێی‮ ‬ناوەتە قۆناغێكی ‬ئێجگار هەستیار و ئالۆز،‮ زۆرینەی‮ ‬چاودێرانی‮ ‬ناوخۆیی‮ ‬و بیانی‮، ‬گۆڕانكارییە هەرێمی‮ ‬و نێودەوڵەتییەكان ‬بە دەرفەتێكی چارەنووسساز بۆ میللەتی كورد ‬دەزانن، بۆیە دەتوانین بڵێین كورد لە ئامانجێكی لە مێژینەی نزیك بووەتەوە، كورد لەوەتەی هەیە بە ئاواتی دامەزراندنی دەوڵەتێكی سەربەخۆیە، لەو ڕەوشەی عێراق باشترین و نزیكترین شت كە پێی بگات جیابوونەوە و سەربەخۆییە.
كورد و سەربەخۆیی دوو دەستەواژەی بەیەكەوە گرێدراون، لە ماوەی رابردوودا، هەرێمی كوردستان لەژێر سەركردایەتیی جەنابی سەرۆك مەسعود بارزانی، سەرۆكی هەرێمی كوردستان بەباشترین شێوە هەرێمەكەی بەڕێوە بردووە و حەكیمانە سیاسەتی كردووە، ئەزموون ئەوەی سەلماندووە، بیست و شەش ساڵە هەرێمی كوردستان لە دۆخی ئازادیدا دەژیت، خاك، ئاڵا، مارش، ئاسایش و هێزی پێشمەرگە، پەرلەمان و حكوومەتی هەیە، باشووری كوردستان بە دیفاكتۆ لە ناوچەكە و جیهان ناسراوە. گەلی كورد، گەورەترین نەتەوەی بێ دەوڵەتە لەسەر ڕووی زەمین، شەمەندەفەری كوردستان و سەرنشینانی كورد، سات لە دوای سات، لە وێستگەی ڕاگەیاندنی سەربەخۆیی نزیكتر و نزیكتر دەبنەوە.
كورد بەبێ خاتر گرتن، بێ ئەملا و ئەولا، بە هەموو پێوەرێك شایەنی سەربەخۆییە.