ئه‌م په‌یامه بۆ هه‌موومانه
ئاسۆ عه‌لی فه‌ره‌ج
بۆ ئه‌م قۆناغه‌ی هه‌رێمی كوردستان، كه جه‌نابی سه‌رۆك مسعود بارزانی به ئیراده‌ی میلله‌ته‌كه‌ی رێبه‌رایه‌تی هه‌نگاوی به‌ره‌و سه‌ربه‌خۆیی ده‌كات به‌و په‌ڕی متمانه‌وه، رێگه نادات خه‌ڵكی كوردستان به هه‌موو پێكهاته‌كانیه‌وه جارێكی دیكه تووشی كاره‌سات و ناخۆشی بێته‌وه و بڕیاری ئه‌نجامدانی ریفراندم له 25ـی9ـی2017 جگه له‌وه‌ی مافێكی سرووشتی خه‌ڵكی كوردستانه له‌و روانگه‌وه سه‌رچاوه‌ی گرتووه، ده‌رفه‌ته‌كان گونجاو و شیاون بۆ ئه‌وه‌ی له‌گه‌ڵ عێراقێك نه‌مێنینه‌وه، پشكمان ته‌نیا كاره‌سات و نه‌هامه‌تی بێت.
ده‌بێت له‌م په‌یامه دڵنیابین و له‌پێش چاومان بێت، ئه‌نجامدانی ریفراندۆم موجازه‌فه نییه، به‌ڵكو ئه‌نجام نه‌دانی گه‌وره‌ترین موجازه‌فه‌یه. كه نازانین عێراقی دوای داعش و بوونی ئه‌و هه‌موو میلیشیایه و سه‌رهه‌ڵدانه‌وه‌ی بیری شۆڤینیستی عه‌ره‌بی مه‌زهه‌بگه‌ری چ به‌دوای خۆیدا ده‌هێنێت، پێویست نییه كوردستانیان بترسێندرێ له ئه‌نجامدان و ده‌رئه‌نجامی ریفراندۆمی هه‌رێمی كوردستان، پێچه‌وانه ئه‌م ده‌رفه‌ته چنینه‌وه‌ی به‌رهه‌می ئه‌و قوربانیانه‌یه له ژێرده‌سته‌ییدا به‌خشیومانه و به‌ده‌نگی زوڵاڵتر ده‌ڵێن: به‌ڵێ بۆ سه‌ربه‌خۆیی و نه‌خێر بۆ ژێرده‌سته‌یی.
