ب درێژاهیا مێژوویا کوردان دا ژ بۆ دەستڤە ئینانا مافێن ڕەوایێن گەلێ کورد ب خەبات ئوو قوڕبانیدانێ ، ڕەوتەک هەبووە دژی وێ خەباتێ ڕاوەستییایە ئوو ب هاریکاریا دۆژمنان کار کریە ژ بوی ژناڤبرن ئوو کپکرنا وێ خەباتێ ئوو نەهێلایە مللەتێ مە ب مافێن خۆ شا ببیت .!
د حالێ حازر دا ئوو گەهشتنا خەونا سەدساڵییا کورد کو دەوڵەتبوونە ، گەلێ مە پێتڤی ب ئێکگرتن ئوو ئێک گۆتار هەیه داکۆ پڕۆسـا ڕەفڕاندۆمێ ب سەرکەفتییانە دەرباز بکەین ئوو زاڵ ببین لسەر هەمی وان ئاستەنگان یێن دهێنە د ڕێ دا .
ئاها نوکە ژی دوو بەرە درۆست بوونە ، بەرەیێ بەلێ بۆ ڕیفڕاندومێ ( ئەم ) ئوو بەرەیێ دژە ڕێفڕاندومێ ( ئەو ) ؛ ل شوینا ئەم ئوو ئەو دەستان بکەینە ناڤ دەسێن ئێک دا ببین خۆدان دەوڵەتەکا دیمۆکراسی، ئەو یێ دەستان دکەنە ناڤ دەستێن دۆژمنان ئوو خەونا مللەتێ زۆڵم لێکری دکەنە بن ئاخێ . بەرەیێ دووێ کو دژی ڕیفڕاندومێ نە ، هەر نەڤیێن ئەوانن یێن کو د کەڤندا ژی هەر پیلان د دانێن دژی سەرکردایەتییا کورد د شۆڕشێن ئیلۆن ئوو گۆڵانێ ئوو شۆڕشێن دیتردا .

د کەڤندا مەزنان یا گووتی : ( برا ل پشت برای بیت ، مەگەر قەزا ل لایێ خودێ بیت ) ئەو نەک یێ ل پشتا مە ، بەلکی یێ ل دژی مە ، ئەو نەک هەوڵددەن بۆ جۆدابوونا مە ژ ئیراقێ بەلکی ئەو یێ دژایەتییا مە دکەن داکۆ ژ ئیراقێ جۆدا نەبین .!
بەرەیێ بەلێ بۆ ڕەفڕاندومێ ؛ یێ وڵات وڵات دگەرێت داکۆ ڕازیبوون ئوو پشتەڤانییا دەوڵەتێن زلهێز بدەست خۆ بئێخیت داکۆ هاریکاری ئوو پاڵپشتییا هەرێمێ بکەن بۆ ئەنجامدانا ڕەفڕاندۆما جۆدابوونێ ژ ئیراقێ ئوو داکۆ دژی ڤێ بڕیارا چارەنڤیسساز نەڕاوەستن ، بەلێ د هەمان دەمدا بەرەیێ دژە ڕەفڕاندۆمێ ژی یێ وڵات وڵات دگەڕن داکۆ شکستێ ب ئەنجامدانا ڕەفڕاندۆمێ بئینن ئوو یێن کۆمبوونان دگەل سەرکردێن عەرەبێن فاشیست یێن وەک نوری مالکی دکەن ئوو دژایەتییا خۆ دگەل وان دووپات دکەن بۆ جۆدابوونێ .
ئەم یێ دزانن کۆ سەکردایەتییا کورد ب ڕێبەریا سەرۆک بارزانی بڕیارەکا درۆست یا دای بۆ ئەنجامدانا ڤێ پرۆسـا هندە گرنگ چنکو عەرەب ، تۆرک ئوو فارس ل دژی ڤێ پرۆسـێ نە ئوو ئەڤ دژایەتیکرنە ل لایەن ڤان دەوڵەتێن فاشیست هەستا نەتەوەیی یا ل نک مە زێدەتر لێکری ، بەلێ ب مخابنیڤە ئەو ( لایەنێن دژە ڕەفڕاندۆم ) یێن ترسێ ل نک خەلکی زێده دکەن ئوو هەستا نەتەوەیێ ل نک خەلکی د مرینن ژبەر گەف ئوو تەهدیدێن ڤان دەوڵەتێن دژە کورد ئوو زاڵم .!
د سەر ڤێ هەمیێ ڕا ژی ئەو یێ مە ب کۆیلە ( عەبد ) د دانن بێی کۆ بزانن کۆیلەبوون بۆ سەرخوەبوونا کوردستانێ مەزنترین شانازییه بۆ مە ئوو کویلەبوون بۆ مالکی ئوو هەڤبیرێن وی مەزنترین شکست ئوو خیانەتە .