مژارا گشت پرسیێ ئارمانج نینە بەلکی رێکەکە ژبۆ ئارمانجەکا مەزن کو سەربخوەییا کوردستانێیە، ئەڤ گۆتن یا سەرۆک وەزیر رێزدار "نێچیرڤان بارزانی" یە کو ل ١٩ ڤێ مەھێ پشتی کۆمبوونا ئەنجۆمەنێ وەزیران ئینای زمان.
ل وڵاتێن ئەروپی ب گشتی و ھندەک وڵاتێن دیکە یێن جیھانێ پشتی چەند دەھەیەکێن کێم ل شەڕێ جیھانی یێ دوویێ، شەڕ و کاودانێن سیاسی یێن لوکاڵی و نیڤ دەولەتی لاواز بوون و خەلکێ وان وڵاتان ب گشتی پێتڤی ب تێگەھا سیاسی یا کاروبارێن دەرڤە یێن وڵاتی نەمایە، دناڤا وڵاتێن رۆژئاڤادا ب گشتی خەلک ژ بۆ ھەڵبژاردنێن حزب و سەرۆکێن خوە ژبۆ وکمڕانیێ ھەڵسەنگاندنێ لسەر پیڤەرێ خزمەتگۆزاری و ڤەژاندنا کەرتێ ئابووری و دابین کرنا مافێن مرۆڤان دکەت، واتە ب کورتی خەلکێ وان وڵاتان ناچار نینە د کویراتیا سیاسەتا نیڤدەوڵەتی و حزبان بگەھن بۆ سەرەدەری کرنێ دگەل ھەڤدوو و وڵاتێن دیکە،ئەڤ چەندەژی فاکتەرەکە کو سەرکردەیێن وان وڵاتان ئارامتر و لسەرخوەتر و بێ سەرئێشتر دکارن کارۆبارێن خوە یێن حزبی و دەوڵەتداریێ بمەشینن.
بەرۆڤاژی وڵاتێن رۆژئاڤا، ل رۆژھەڵاتا ناڤین ب تایبەت ھەرێمەکا مینا کوردستانێ کو دەھان جاران ھندیھەیکەلێ خوە، خوەدی پرسگرێکێن سیاسی و رێڤەبرنێیە، سەرکردەو حزبێن وڵاتپارێزڕاستی مەزنترین پرسگرێکێن سیاسی دبن، دناڤ ڤی وڵاتیداتێگەھەکا ساخلەم یا سیاسی ژ بۆ ھەر تاکەکێ گەرەکە ژبەرکو وڵات ھێشتا یا دناڤ گێلەشوکا سیاسیدا مایەڤە، تێگەھشتن ژ سیاسەتێ ژی ژ بوجڤاکی ب گشتی کارەکێ ب زەحمەتە، ژ بەرکو سیاسەتێ زانستێ خوە یێ تایبەتێ ھەی، ژبو سەرکردەیان ڕوونکرن و تێگەھاندنا ھەر بابەتەکێ سیاسی ژ بۆ جڤاکی کارەکێ ب زەحمەتەو ناھێتە کرن، ئەڤ چەندەژی ڕێ خوەش دکەت کو ھندەک لایەنێن سیاسی ژ بۆ مەرامێن تایبەتێن خوە ل دیف بەرژەوەندیێن ئارمانجێن خوە ھرزو بیرێن خەلکی ئاراستە بکەن، لەوما ئەڤرو دبینین خێزانەکێ چەندین شەھید و قوربانی یێن بۆ سەربخوەیی بوونێ دای لێ یا کەفتیە دژێر کاریگەرییا ھندەک حزب و لایەنێن نەنیشتیمانی و بەرژەوەندی خوازڤەو ل داوی پێنگاڤ ژ بۆ گەھشتنا وێ ئارمانجێ کو خوین بۆ ڕشتی پاشگەز دبیتەڤە و دبێژیت مە سەربخوەیی نەڤێت مە مووچە دڤێت!، ھەروەکی خوینا کەس و کارێن وی کو بۆیە قوربانی بۆ سەربخوە بوونێ ل چەند مووچەیەکان بێ بھاتر بیت.
بۆ ئەو کەسێن کێمەک ژی خوەدی خاندنا بابەتی بن، یا دیار و ئاشکەرایە کو دەستەواژەیا گشت پرسی واتە ل گشتی پرسین ل سەر مژارەکێ ئان بڕیار دان ئێکلاکەرەڤە لسەر بابەتەکێ، لێ نێچیرڤان بارزانی ناچار دبیت ڤێ چەندێ دووپات بکەت کو گشت پرسی نە ئارمانجە بەلکی رێکەکە بۆ ئارمانجەکێ، واتە بارزانی دبێژیت مە مینا سەرکردایەتییا ھەرێما کوردستانێ ڕێیەک ژ بۆ خەلکی ڤەکرییە داکو دەنگی بدەن و ئەڤ ڕێیە ب خورتی نینە کو مینا جھێ ترسێ بیت و مینا کەرەسەتە بھێتە ب کار ئینان ل دژی لایەنێن سیاسی، ئارمانجا ڤی نەتەوەی ھەبوونا ژیانەکا ئازادە دناڤ وڵاتەکێ دیموکراسی و ئازاددا، ئەو عیراقا کو سەدەیەکە دگەل دژین و خوەدی ئەزمونێن جوراوجۆرێن نێگەتیڤین، نەک بتنێ نەشیایە ببیتە ئەو وڵات کو مافێن ژیانێ ژ بۆ کوردان و پێکھاتەیێن دیکە یێن کوردستانێ تێدا بھێنە پاراستن، بەلکی یێ بۆیە سەرزەمینەک ژ بۆ کوشتن و قڕکرنا کوردستانیان، لەوما بارزانی دبێژیت مە رێیەک ڤەکرییە کو دەلیڤە بھێتەدان مللەت بۆ ئارمانجەکێ دەنگێ خوە بدەت، دژایەتی کرنا وێ ڕێکێ چ واتایەکا خوە یا مەنتق نینە و بتنێ خاپاندنەکە. بێگومان ئەڤ ڕوونکرن و تێگەھاندنا جڤاکی ل سەر ڤان مژاران کارێ نڤیسەر و ماموستا و ڕۆشنبیر و دەزگەھێن ڕاگەھاندنێیە، ھەلبەت یێن دلسوز و نیشتیمان پەروەر، ھەبوونا ھندەک ژ ڤان جورە دەزگاە و میدیاکاران ل ھەرێما کوردستانێ کو بەروڤاژی ئارمانجێن وڵاتی کار دکەن و وانێن نێگەتیڤ و مەترسیدار ددەنە جڤاکی، ئێکجار ئەرکێ نیشتیمان پەروەرو دلسوزێن ڤی وڵاتی ب ھەمی چینانڤە زەحمەت و گران کرییە، گەرەکە ھەمی لایەنێن دلسوز درێژەپێدەرێن خەباتا پێشمەرگەی بن بو ئازاد بوونا ئێکجاری یا ڤی وڵاتی.