چ دەم ل نۆکە گۆنجاییتر نینە بۆ ڕەفڕاندومێ .!
July 18, 2017
وتار و بیروڕا
![چ دەم ل نۆکە گۆنجاییتر نینە بۆ ڕەفڕاندومێ .!](https://gulanmedia.com/public/old_images/nusaran/20068390_682194438639182_1194807716_n.jpg )
ئەڤە سەدان ساڵە دەوڵەتێن جیران ئوو زلهێز ، کوردان د خاپینن ب ئەگەرێ نەبوونا دەمەکێ گۆنجایی بۆ راگەهاندنا سەرخۆەبوونا کورستانی و وەکی هەمی نەتەویێن دیتر ببنە خۆدان دەوڵەت وکیانەکێ سەربخۆ .
گەر ترسا مە یا هندێ بیت کو دەوڵەتێن جیران ب تۆرک ، عەرەب ئوو فارس دێ دژی مە ڕاوەستن ئوو ئابلۆقەیا ئابۆری (حصار ) ئێخنە سەر کوردستانێ ئوو دێ مە ژ ترسێ و برسیبوونێ کۆژن ، ئەم چ جارا نابین خۆەدی دەوڵەت .!
ئەڤ دەمێ هاتیە دیار کرن بۆ ئەنجامدانا ڕێفڕاندوومێ باشترین و گۆنجایی ترین دەمە بۆ ئەنجامدانا ڤێ پڕۆسا گەلەک گرنگ و چارەنڤیسساز ژبەرکۆ هەمی مەرجێن دەوڵەتبوونی مە هەنە ،
سنۆرێن مە دگەل دەوڵەتا عێڕاقێ ب خۆینێ یێن هاتینە دیارکرن ،ئەم خۆدان سۆپایەکێ رێکخستی نە ، کۆ ئەویش پێشمەرگەهێن قەهڕەمانن ، هەروەسا خۆدان ئابۆرەکێ پێشکەفتنێ نە د کەرتێ نەفت ئوو سامانێن سرۆشتی ، دگەل کەرتێ چاندنێ ئوو گەشتیاریێ دا ، هەروەسا مە پەیوەندیێن گرنگ دگەل چەندین دەوڵەتێن زلهێز هەنە ئوو
ب دەهان دەوڵەتان کۆنسلخانە ل هەڤلێرێ هەنە ئوو پاڵپشتییا مە دکەن .
شەڕەفخانێ بەدلیسی دبێژیت : ( هەمی دەوڵەت ئاڤابوونە ژ تفاقێ .. بێ دەوڵەتی ئاڤا بوویە ژ نیفاقێ )
ڤێجا دا کۆ ئەڤ دەرفەتا زێڕین ژ دەستێن مە نەچیت ، بڵا ئەم ئێک ڕێز و ئێک گرتی بین ئوو تفاق دناڤبەرا هەمی هێزو لایەنێن سیاسیێن مە دا هەبیت . ئوو پێکڤە دەستان بکەینە ناڤ ئێک بۆ پاڵپشتیکرنا بڕیارا سەرۆک بارزانی ژ بۆ ئەنجامدانا ڕەفڕاندوومێ ئوو ڕاگەهاندنا دەوڵەتەکا کوردی .