دبیت ناڤ و نیشانه‌کێ سه‌یر بیت به‌لێ ئه‌گه‌ر هنده‌ک چاڤێن خوه‌ ڤه‌کین و باش سه‌حکه‌ینه‌ بویه‌ر و بانگه‌شه‌یێن ده‌ردوری خوه‌ دڤان چه‌ند سالێن داویێ دا مه‌ زور ژ لایێ ته‌ڤگه‌ره‌کا به‌رچاڤا کوردستانێ ئه‌ڤ بانگه‌شه‌یا دژایه‌تی کرنا ب گوتن و دینتنا وانا (بت په‌رسێی)بهیستیه‌ هه‌لبه‌ته‌ مه‌ره‌م و مه‌به‌ستا وان یا سه‌ره‌کی ژی پارتی و سه‌رکردایه‌تیا پارتی و گوهداری و مل که‌چ بوونا گه‌لێ پارتی بو بریارێن جه‌نابێ سه‌روک بارزانی و رێز گرتنا نه‌ک پارتی به‌لکو هه‌می گه‌لێ کورد له‌ هه‌ر چوار پارچا و بگره‌ سه‌ران و که‌سایه‌تی و سیاسته‌ڤان و شورشگێرێن وه‌لاتێن جیهانێ بو سه‌رکێشێ و ماندووبوون و خه‌باتا بابێ روحی مسته‌فایێ بارزانی له‌وما ژی ته‌ڤگه‌را گوران هه‌می ده‌ما ئه‌ڤ یه‌که‌ ب بت په‌رسی و پیروز کرنا که‌سان ل قه‌له‌م ددان و به‌رده‌وام پارتی ب ڤێ یه‌کێ تومه‌تبار دکر کو خه‌لکی ب زوره‌ملی بو سه‌ره‌دانا مه‌زارێ نه‌مران دبیت ژ بوی پیروزنیشان دانا مسته‌فا بارزانی،ئه‌ڤه‌ د ده‌مه‌کی دا کو دونیا و خه‌لک هه‌موو لسه‌ر خه‌بات و تێکوشانا بارزانی و چوک دانه‌نانا وی بو دوژمنا پێخه‌مه‌ت به‌رگری کرنا ژ دوزا کوردا شاهدن و هه‌می دونیا شانازیی ب سه‌رکرده‌کێ وه‌ک وی دبن و دبێژن کو دڤێت ملله‌تێ کورد سه‌ربلند بیت کو سه‌رکرده‌کێ وه‌ک مسته‌فا بارزانی هه‌بوویه‌ دیسان هه‌می ته‌خ و چینێن کوردستانێ باش دزانن کا نها گورێ وی سه‌رکردێ مه‌زن ل کیڤه‌یه‌ و دناڤ گورستانا زێدێ باب و باپیرێن خوه‌ و لناڤ سه‌دان هاوه‌لاتی و شه‌هیدێن خوینا خوه‌ بو رزگاریا گه‌لێ خوه‌ به‌خت کری دا نیژرایه‌،،

لێ ئه‌وا جهێ حێبه‌تی بوونا ڤی خه‌لکی یه‌ ئه‌و ته‌ڤگه‌را گوران کو هه‌تا دوهی پارتی ب پیروزکرنا که‌سا و بت په‌رێسیی تومه‌تبار دکر ئیرو پشتی ژ ده‌ست دانا رێکخه‌رێ بزاڤا خوه‌ کو ژ بلی شه‌رمزاری و په‌یدا کرنا کوسپ و ته‌گه‌را و روحیه‌تا تولڤه‌کرن و ناوچه‌گه‌ریێ هیچ ده‌ست که‌فته‌کێ دێ بو ڤی ملله‌تێ نه‌بوویه‌ مه‌رقه‌دێ وێ نه‌ک هه‌ر ل ناڤ زێدێ باب و باپیرێن وی نه‌ڤه‌شارت به‌لکو ل نیڤا باژێرێ سلێمانیی و لناڤ پتر ژ 120 دونه‌مێن عه‌ردی دویر ژ گورێ هه‌موو که‌سه‌کی و دویر ژ گورێ هه‌موو وان هه‌ژارێن کو ته‌ڤگه‌رێ ب بابێ وان پێناسه‌دکر هاته‌ نێژران بگره‌ بگره‌ هه‌موو رێک و پلان دهێنه‌ گێران بو پیروز کرنا وی و زاروکێن باغچه‌یان ژی ب شه‌ڤ و لاڤا کرنێ و خه‌لکی بو چاره‌سه‌ریا نه‌زوکیی دئینن سه‌رگورێ وی یا ژ هه‌میی ژ که‌مباختر دوهی گورێ وی ب حه‌ج و هاته‌ ناساندن و پیروزیا زاتێ نوشێروان ژ پیروزیا پێغه‌مبه‌را ژی هاته‌ بوراندن ئه‌و نوشێروانێ کو د هه‌می ژیانا خوه‌دا باوه‌ری ب پێغه‌مبه‌را و قورئانا پیروز نه‌هی ئیرو مه‌رقه‌دا وی بت شکێنین گوران کریه‌ حه‌ج ئاخر ده‌بێ چ پێغه‌مبه‌ره‌ک دوێ حه‌جێ دا هاتبیت نێژراندن ئه‌و پیغه‌مبه‌رێ بانگه‌وازا وی هنارتنا قورئانا پیروز لسه‌ر پشتا که‌ری بو عه‌ربا ؟ئاخر ئه‌ز نزانم چ په‌یامه‌کا ئاشتی و پێکڤه‌ ژیانێ ب ڤی پێغه‌مبه‌ری بو؟ ژوێ ژی خرابتره‌ کا ئه‌و خه‌بات و به‌رخوه‌دانا وه‌ بو دژایه‌تی کرنا پیروزکرنا که‌سا ؟کا دژایه‌تی کرنا وه‌ بو دیوانخانێ کو وه‌ ل سوینا وێ ته‌کیه‌ خانه‌ دانی؟ بوویه‌ دڤێت خه‌لک ڤان پرسیارا ب وێره‌کی ژ گورانێ بکت و باش بزانین گوران هه‌ر د بنیات دا دژی بت په‌رێسیێ نه‌بوویه‌ به‌لکو ئه‌و بخوه‌ ڤه‌رێژا هزرا گه‌نیا بت په‌رسێ و که‌س په‌رێسی بووینه‌ و دێ مینن وه‌سا ژی