ڕیفڕاندوم ئەو ئامرازەکێ دیمۆکراسیێ یە کو هەرێمەک ، نەتەوەیەک یان دەوڵەتەک ئەنجام ددەت بۆ دانا بڕیارەکا چارەنڤیسساز بۆ هەڤوەڵاتیێن وێ هەرێمێ یان وێ دەوڵەتێ .! بۆ میناک ڕیفڕاندوما سەرخۆەبوونا هەرێما کوردستانا عێراقێ ، کو بڕیارە ل ۲٥ ـێ ئیلۆنا ئەڤ ساڵە بهێتە ئەنجام دان .
ئەڤ ڕیفراندومە ئێک ژ پرۆسێن گرنگێن گەلێ مەنە داکو ببیتە خۆەدی دەوڵەتەکا سەربخۆ .
ڕاستە ل وەلاتێن دیموکراسی د هەر ڕیفڕاندۆمەکێ دا تاک یێ ئازادە کا دێ ژ بۆ بڕیارەکا چاڕەنڤیسساز ب بەلێ یان ب نەخێر دەنگی خۆ دەت .!
حەتا د ڕیفڕاندۆما کوردستانێ ژی دا ، هەر کەسەک یێ ئازادە کا دێ چەوا دەنگی دەت .!
ئەگەر کەسەک ب دەنگێ نەخێر دەنگێ خۆ بدەت کەسەکێ خۆ فرۆش و خیانەتکار نییە ، بەلێ درۆستکرنا کەمپینان ئوو هاندانا خەلکی بۆ سەرخستنا دەنگێن نەخێر د ڕیفڕاندۆما سەرخۆەبوونێ دا مەزنترین خیانەتە ئوو یێن کۆ ب ڤی کارێ نە رەوا و دژی بەرژەوەندێن نەتەوی و نشتیمانی ڕادبن مەزنترین خیانەتکار ئوو کورد فرۆشن .!
سەرکەفتنا دەنگێ بەلێ ، دێ مە چەندین پێنگاڤان ل سەرخۆەبوونێ نێزیک کەت ، کو ئەڤە خەونا دیرۆکی یا هەرتاکەکێ کوردە . چونکی دەنگ دان ب بەلێ دەنگ دانە بۆ :
ـ ڕێزگرتنا خوینا شەهیدان .
ـ چەسپاندنا ئارمانجێن شۆڕەشا ئیلۆنێ و گۆڵانێ .
ـ تەمامکرنا ئارمانجێن ڕاپەرینا ۱۹۹۱ .
ـ ئاڤاکرنا دەوڵەتا کوردستانێ لسەر بنەمایێن دیموکراسیەت و سەروەریا یاسایێ و دادوەریا جڤاکی .

بەلێ سەرکەفتنا دەنگێ نەخێر دێ مانا مە دگەل عێراقەکا کوردکۆژ ئوو دژە کورد مسۆگەر کەتەڤە .!
عێراقی بوون ئوو بندەستی ئوو مانەڤە دگەل عەرەبێن کوردکۆژ ل وان پیرۆز بیت یێن کو کەمپینێن دژە ڕێفڕادۆم ڕادگەهینن .!
بەلێ وازێ ژی ل مە بینن دا کۆ ئەم ئوو ( عێراق الحبیب ) ـا هنگۆ لێک ڤەببین .! چونکی :
ـ هوون د مستەفیدن بەلێ ئەم نا !
ـ هوون ب سەرشۆریێ د ڕازی نە ، لێ ئەم نە!
ِـ هوون دژی مافێن ڕەوایێن گەلێ کوردن لێ ئەم نە .