بەشەک ژ لایەنێن کوڕدستانێ بەڕدەوام کاڕدکەن بو تێکدانا دەڕونێ هاوڵاتی و دڕوستکڕنا تڕسێ ژلایێ هاوڵاتی، ئەو ڤێ چەندێ بکاردئینن بو بەڕژەوەندیێن حزبی، ناهێتە ڤەشاڕتن ل قوناغەکێدا ڤان لایەنە مفا دیت ل تێکدانا دەڕونێ هاوڵاتی و دڕوستکڕنا تڕسێ ژلایێ هاوڵاتی، لێ ئەو کڕیا ناهێتەف دوباڕەکڕن و ئەو نەشێن دوباڕە و سێ باڕە ڤێ فێلێ(حیلێ) ل هاوڵاتیا بکەن، مەزن دبێژن( غەلەتیکڕن جاڕەکێ نابیتە نەزانی بەڵام دوباڕەکڕنا هەمان غەلەتیێ مەزنتڕین نەزانیە)، لبەڕ هندێ ئەو نەشێن دوباڕە تڕسێ ژلایێ هاوڵاتی دڕوست بکەن، سەڕدەمەکێ وان دگوت ئەگەڕ کوڕدستان ل جیاتێ بەڕمیلێن نەفتێ کو دنێڕیتە دەڕڤە، ئاڤێ پنێڕیت دێ موچێ کوڕدستانێ پێ دابین بیت، لێ هەڕ ئەوبین کو دەما هاتیە دناڤ دەسەڵاتێ دگوت ئەگەڕ کوڕدستان ملیونەک بەڕمیلێن نەفتێ نەهنێڕیتە دەڕڤە ئەوا نەشێت موچێ فەڕمانبەڕا بدەت، ژبلی کەهڕەب و ئاڤ و خزمەتگوزاڕی، تنێ موچەش پێ دابین نابیت، ئەڤە ل دەمەکێ بو کو بەرمیلا نەفتێ ل بەینا حەفتێ هەتا سەد دولاڕابی، لێ نوکە بەڕمیلا نەفتێ ب چل دولاڕایە، ژبەڕکو ئەو لناڤ دەسەڵاتێ نینە جاڕەکادی کاڕ لسەڕ دەڕونێ ماندی یێ هاوڵاتی و فەرمانبەڕ و خانەوادێن شەهیدا دکەن کو موچێ کوڕدستانێ ب بەڕمیلێن ئاڤێ دابینبکەن، ئەو بو مللەتەکێ دئاخڤن کو بیرتەسک بن نەک مللەتێ بیرفرەهێ کوڕد و خودان دوزا ئازادی و دیموکڕاسی و پێکڤە ژیانا هەمی پێکهاتە و ئایینا. ل پروسا دەوڵەت و ریفڕاندومێ ئەو جاڕەکا دیتر تڕسێ ژلایێ هاوڵاتی دڕوست دکەن و دبێژن ئەگەڕ کوڕدستان ڕیفڕاندومێ(گشتپرسی ، ڕاپرسی) بکەت دێ توڕکیا و ئێڕان سنوڕێن کوڕدستانێ گڕن و دێ مللەتێ مە ژبرسا مڕیت، لێ ئەو نزانن کو حەکیمیەت و سەڕکەفتنا حکومڕانیا کوڕد ل پڕوسا ئەمنیەت و وزێ دەوڵەتێن جیران یێن ناچاڕکڕی کو نەشێن پەیوێندیێن خو دگەل کوڕدستانێ ببرن، چونکی وان پێویستیا بازاڕکڕن و سامانێن سڕوشتی ب کوڕدستانێ هەیە، بونمونە: توڕکیا نێزیکی 95% غازا سروشتی ژدەڕڤە دئینیت و نێزیکی 97% نەفتێ ژ دەڕڤە دئینیت، بەشەکێ مەزنێ ڤان پێداویستیا کوڕدستان بو توڕکیا دابین دکەت بنڕخەکێ هەڕزانتڕ ژ دەوڵەتێن دی، هەڕوەها ژبەڕکو ئێڕان دەوڵەتەکا گەماڕودایە ژلایێ ئەمڕیکا تاڕادەکێ مەزن یا بێ بازاڕە کو کاڵا و خزمەت گوزاریێن خو تێدا ساخبکەت، لەوڕا کوڕدستان مەزنتڕین بازاڕە بو ساخکڕنا کاڵایێن وان، هەڕ ژبەڕ ڤێ چەندێیە نێزیکی 200 کومپانیایێن ئێڕانی ل کوڕدستانێ کاڕدکەن ، هەڕوەها قەباڕێ بازڕگانیا دناڤ بەڕا کوڕدستان و ئێڕانێ نێزیکی حەفت ملیاڕ دولاڕن، ژبەڕ ڤان ئەگەڕا و چەندین ئەگەڕێن دیێن ئابووڕی توڕکیا و ئێڕان نەشێن پەیوەندیێن خو دگەل کوڕدستانێ پچڕینن، ژ بلی بەرژەوەندیێن ئابوڕی ئەوا ڤان دەوڵەتا بەڕژەوەندیێن ئەمنیش دگەل کوڕدستانێ یێن هەی چونکو پێشمەڕگێن ڕوژهەڵات و حزبێن چەکداڕ هەمی یێن دناڤ کوڕدستانێ، ژئەگەڕێ نەمانا پەیوەندیێن وان دگەل کوڕدستانێ ئەوا ئەڤ هێزە دێ پەلاماڕێن وان دەن بتایبەت ئێڕانێ. ژبەڕ هندێ ب هەوڵ و تێگەهشتنا مەزنا ڕوشەنبیرو هاوڵاتیێن کوڕدستانێ جاڕەکادی دێ سەحڕا وان لایەنا بەتاڵبیت ژ دڕوست کڕنا تڕسێ ژلایێ هاوڵاتیانڤە، چ تشت نەشێن ببنە ڕێگڕ ل بریاڕا بهێزا خەلکێ کوڕدستانێ و مافێ هاوڵاتیە پرسیاڕا چاڕەنڤیسێ خو ل پشتی ڕیفڕاندومێ بکەت و پرسیاڕا بژێوا ژیان و ئاستێ خزمەت گوزاریان بکەت، لێ یا گڕنگە کو هەمی بزانین ئەڤە سێ ساڵە ئەم بێ موچە دژین هەڕچەندە کەم وکوڕتی دزوڕن لێ هەڕ بەڕدەوامبین، ئەزێ تەئکیدم ل پشتی ریفراندوم و سەڕبەخویێ ئەگەڕ داهاتێ کوڕدستانێ زوڕتڕنەبیت ئەوا هەڕ کێم نابیت.