با خه‌ونی ده‌وڵه‌ت بوون بگۆرین بۆخه‌می ده‌وڵه‌ت بوون
ئاراس عبدالله
پێوسته هه‌وڵه‌كان زیاتر په‌ره‌ی پێبدرێت ،كات به‌فیرۆ نه‌روات و ده‌ست نیشانی ئه‌وكارو كرده‌وانه بكرێت كه هه‌نگاوه‌كان كورت ده كه نه وه . ره‌نگه‌گڵۆپی سه‌وز پێکرا بێت بۆ بون به‌ده‌وڵه‌ت بۆیه پێویسته ناكۆكی و ناته‌بایی به‌لاوه بنرێت چونكه پێشهاته‌كان له‌سه‌ر نه‌خشه‌ی رووداوه‌كان خۆی ده‌رخستووه پێویستمان به هه‌نگاوی خێراتر هه‌یه،ده‌بێت سه‌رجه‌م نه‌ته‌وه‌و پارته‌سیاسیه‌كانی كوردستان رۆڵی باڵایان هه‌بێت ،نابێت هه‌ندێ لایه‌ن هه‌نگاوی ئه‌رێنی و هه‌وڵی به‌رده‌وامیان هه‌بێت وهه‌ندێ لایه‌نی تریش وه‌ك ته‌ماشاكه‌ر سه‌یری رووداوه‌كان بكه‌ن ،چونكه مێژوو به‌زه‌یی به هیچ لایه‌ك ناكات .گه‌لی كوردستان ده‌رفه‌تێکی ئه‌رێنی وباشی بۆ هاتۆته پێش بۆ ئه‌وه‌ی له عێراق جودا ببێته‌وه و ببێته خاوه‌ن كیان و ده‌وڵه‌تی خۆی ،
ئه‌و زه‌مینه‌ی ئیستا له‌باره بۆ دروست كردنی ده‌وڵه‌تی كوردستان له هیچ کاتێکی تر دروست نابێته‌وه ،بۆیه ده‌بێت چه‌تری ده‌وڵه‌ت بوون كۆمان بكاته‌وه ،خه‌ونی ده‌وڵه‌ت بوون بگۆرین بۆ خه‌می ده‌وڵه‌ت بوون چونكه خه‌ونه‌كان نابن به راستی به‌ڵام خه‌مه‌كان ده‌بن به خۆشی.
