سەربەخۆیی كوردستان ئەو مافەرەوایە كە هەر كوردستانییەك دڵسۆز و نیشتیمانپەوەر سات بە سات لە چاوەروانیدایە و ئەم پرسە پرسێكی زۆر هەستیارو تایبەتە بە میللەتی كورد لە هەرێمی كوردستان و هیچ هێز ووڵاتێكی دەرەكی ناتوانێت رێگە لە دیموكراسیی وئازادی و بریادانمان بگرێت ، چونكە لە پێناو ئازادی و سەربەخۆیی كوردستان دەریاییەك خوێنمان بەخشییوە .ئێستا تا دێت لە ئامانجە گەورەكە زیاتر لەجاران لە پرسی سەربەخۆیی نزیک بووینه‌ته‌وه‌ و لەدایکبوونی ئه‌و ئامانجه‌ گەورەیەش تەنها بە سیاسی و سەرکردە گەورەکان دەکرێت و که‌سانی واقیع بین و بەئاگاکانیش لێی تێدەگەن، نه‌ک که‌سانێک لەبەر ئەوەی خۆیان بچوکن، هێشتا واده‌زانن سیاسەت بریتیه‌ لەو شەڕە جنێوه‌ی کە هه‌ندێک سیاسی نا بەرپرس و نوسەری بێ ئاگا و میدیای حزبی و به‌ناو ئه‌هلی خولقاندوویانه‌ و لێی کۆ بوونه‌ته‌وه‌! کورده‌ عێراقچیه‌کان، به‌ بیانووی ئه‌وه‌ی به‌ داگیرکه‌ر ده‌وره‌دراوین و هه‌ندێک وڵاتانی دراوسێ و جیهان له‌گه‌ڵ پرسی سه‌ربه‌خۆیی کوردستان نین و دان به‌و ده‌وڵه‌ته‌دا نانێن. سەربەخۆیی کوردستان پرسێکی ناوخۆ‌یی نێوان کوردستان و عێراقه‌، کورد خۆی بڕیاری جیابوونه‌وه‌ لەعێراق ده‌دات و کاری وڵاتانی تر نیە قسەی لەسەربکەن، هه‌رکاتێک کورد لە عێراق جیابوویەوە ئەوسا بەدیار دەکەوێت وڵاتان دان بەو دەوڵەتەدا ده‌نێن یان نا، ئیستا کاری وڵاتان نیە بێن و عێراقێکی پارچه‌کراو دابه‌ش بکه‌ن، کورد کە ده‌یه‌وێت لەعێراق جیا ببێته‌وه‌ داوا لەکەس ناکات کە جیای بکاته‌وه‌، به‌ پێچه‌وانه‌وه‌ خۆی ئه‌و بڕیاره‌ ده‌دات و به‌ دڵنیاییه‌وه‌ كاتی بریاردان لە سەر مافی چارەی خۆنووسین و دەوڵەتبوونی كوردستان نزیك بۆتەوە ..
بە دڵنیاییەوە، بە لای ئەمریكا و ئەورپا و وڵاتانی ناوچەكە هەرێمی كوردستان مایەی ئومێدە لە رۆژهەڵاتی ناوەڕاستدا. هەندێ كەس لە ئەمریكا ترس و نیگەرانییان هەیە لەوەی ئەگەر كوردستان سەربەخۆیی بەدەست بهێنێت، ئەوا ئەمە دەبێتە هۆی هەڵكشانی گرژی لەگەڵ توركیا و ئێران و.. هتد،گەلی كورد سەلماندوویانە ئیرادەی ئەوەیان هەیە بە شێوەیەكی كارا خۆیان حوكمڕانیی خۆیان بكەن، هەروەها توانای خۆبەڕێوەبەری سیاسییان هەیە، ئابووریی خۆیان هەیە و لە هەمان كاتدا توانای خۆیان پیشاندا لە میانەی شەڕی دژ بە داعشدا، واتە توانایەكی سەربازیشیان هەیە، هەموو ئەمانەش وایان لێدەكات بتوانن ببنە كاراكتەرێكی كارا و شەرعی لە بواری پەیوەندییە نێودەوڵەتییەكاندا. مێژووی پەیوەندییەكانی كورد لەگەڵ حكومەتەكانی عێراقدا بۆ نزیكەی سەدەیەك بریتی بووە لە دوژمنایەتی و ستەمكاری لە دژی كورد، واتە لە میانەی خەباتكردنی كوردا لە پێناوی مافەكانیدا، میللەتی كورد رووبەڕووی چەندین ئێش و ئازار بووەتەوە، وەك هەڵمەتەكانی ئەنفال و ئەو سیاسەتە و كردەوە دڵڕەقانەی لەسەر دەستی سەدام حوسێن دوچاری بوون، لە ئێستاشدا ئێمە بینیمان كە كوردستان دووچاری ئێش و ئازار بوو لەسەر دەستی داعش و حكومەتی عێراق نەیتوانی پارێزگارییان لێبكات، بۆیە كورد دەتوانێت بانگەشەیەكی شەرعی بكات بۆ بەدەستهێنانی خۆبەڕێوەبەری یان سەروەریی تەواو لەسەر بنەمای ئەوەی كە حكومەتی عێراق نەیتوانی پارێزگارییان لێبكات و لەسەر بنەمای مافەكانی مرۆڤیش.
ئەمرۆ هەرێمی كوردستان لە رووی سیاسی و دیپلۆماسییەوە لە لایەن وڵاتانی ناوچەییی ، نێودەوەڵەتی پێگە و جێگەی بایەخە و گەیشتۆتە لووتكە و بۆ پرسە ستراتیژییەكانی پشت لە میللەتی كورد ناكەن . خەڵكی‮ ‬كوردستان دەوڵەتی‮ ‬هەبێت باشترە لەوەی‮ ‬كە نەیبێت ئێمە ئەنفال كراین كەس لەسەرمان بە جواب نەهات سوریا كاول بووە كەس لەسەری‮ ‬بەجواب نایە ئێستا‮ ‬12‮ ‬ملیۆن خەڵك لە سوریا ئاوارەیە،‮ ‬بەڵام كە عێراق چوو كوێتی‮ ‬گرت‮ ‬یەكسەر لەسەری‮ ‬هاتنە دەنگ ئەوەش تەنها لەبەر ئەوەی‮ ‬دەوڵەت بوو بۆ ئێمەش ئەو كات دەرفەت بوو‮ ‬یەكسەر‮ ‬ڕاپەرینمان كرد ئەگەر كوێت دەوڵەت نەبا وایان بۆ نەدەكرد چونكە ئێمەش دەوڵەت نەبوین بۆیە دەیان جار ئەنفاكراین و كمیاباران كراین تەعریب كراین چ نەماوە پێمان نەكرێت هەمووی‮ ‬بە كێشەی‮ ‬ناوەخۆ دەچووە سەر و كەس خۆی‮ ‬لێ بە خاوەن نەدەكرد،‮ ‬بۆیە لە رووی‮ ‬ناسنامەی‮ ‬وڵات ئەگەر سەربەخۆ بیت دەبیتە ئەندام لە نەتەوە‮ ‬یەكگرتوەكان،‮ ‬كە بوویە ئەندام بەرگریت لێدەكات،‮ ‬لە رووی‮ ‬سیاسیشەوە‮ ‬بوونی‮ ‬ریفراندۆم گرینگی‮ ‬زۆری‮ ‬هەیە و زۆر جیاواز دەبێت كە تۆ فیدرالیەت بیت‮ ‬یان دەوڵتێكی‮ ‬سەربەخۆ بیت لە رووی‮ ‬سیاسیەوە لە‮ ‬یوئێن ئەندام دەبیت‮ ‬و ئاڵات لەوی‮ ‬بوونی‮ ‬هەیە دەتوانی‮ ‬بەرگری‮ ‬لە خۆت بكەی‮. ‬ئەنجامدانی ریفراندۆم راپرسییەكە كە لە هاووڵاتیانی وڵاتی‮ ‬خۆت دەپرسی‮ ‬ئایا لەگەڵ سەربەخۆییت‮ ‬یان لەگەڵ ئەوەی‮ ‬لەگەڵ عێراق بمێنیەوە؟ ئەویش بە بەڵێ و نەخێر وەڵام دەدرێتەوە‮. ‬دوای‮ ‬ئەوەی‮ ‬كە وەڵامی‮ ‬خەڵك وەرگیرا ئەگەر وەڵامەكە دڵخۆشكەربوو و ریفراندۆمیش‮ ‬51‮ ‬بە49 ‮ ‬كە شتێكی‮ ‬دڵخۆشكەر نیە،‮ ‬بۆیە دەبێت ریفراندۆم لە‮ ‬%70‮ ‬دەنگ بێنێت ئەو كات ئەو دەنگەت هێنا ئەوە دەبێتە پێناسەیەك بۆت كە هەموو وڵاتان دەزانن كە خەڵكی‮ ‬كوردستان پێی‮ ‬خۆشە سەربەخۆ بژێت نەك لەگەڵ عێراق،‮ ‬ئەو كاتیش سەركردایەتی‮ ‬سیاسی‮ ‬كورد دەستی‮ ‬كراوەتر دەبێت،‮ ‬دەتوانێ دانوستان بكات و بلێت میللەتی‮ ‬ئێمە رازی‮ ‬نییە لەگەڵ هیچ نیزامێك بژی،‮ ‬لەلایەكی‮ ‬تریشەوە ریفراندۆم پێگەی‮ ‬هەرێمی‮ ‬كوردستان بەهێزتر دەكات‮.‬لە ئێستا دا هەڵومەرجی‮ ‬كوردستان زۆر لەبارە بۆ ئەنجامدانی‮ ‬ریفرانۆدم چونكە هەموو سنوری‮ ‬كوردستان و مادەی140 ‮ ‬لە دەستی‮ ‬هێزی‮ ‬پێشمەرگەی‮ ‬كوردستانە كوردستان ئارامە دەتوانین پارێزگاری‮ ‬بكەین و دۆخەكەش لەبارە ئەمرۆ كۆمەڵگەی‮ ‬نێودەوڵەتی‮ ‬دژی‮ ‬ئەو كارە نییە بەڵكو هاوكاریشە،‮ ئەو دۆخەی‮ ‬ئەمرۆ لەبارە سبەی‮ ‬لەبار نەبێت بۆ ئەنجامدانی‮ ‬ریفراندۆم‮ ‬یان دووساڵ لەمەو پێش ئەم دۆخە لەبار نەبوو بۆ ئەنجامدانی‮ ‬ریفراندۆم‮.‬