دبیت بوچوونێن به‌روڤاژی ژی هه‌بن لێ ئه‌گه‌ر مروڤ هنده‌کێ پاشڤه‌بزڤریت و ئاوره‌کێ ل مێژووا ناوچێ ب گشتی و کوردستانێ ب تایبه‌تی بده‌ت دێ زور ب روونی دیار بیت کو کوردستان به‌رده‌وام د سه‌ده‌یێن بوریدا ناوه‌ندنا هه‌می ململانه‌ و به‌رنگاری بوونێن (سه‌فه‌وی و ئوسمانی)یا بوویه‌ و به‌رده‌وام ژی ڤان دوو هێزا کاریگه‌ری لسه‌ر کوردستانێ هه‌بوویه‌ هه‌ر چه‌نده‌ پشتی رێکه‌فتنا سایکس بیکو ل سالا 1916ێ و دابه‌ش بوونا کوردستانێ لسه‌ر هه‌ر چوار وه‌لاتێن (ئیران و تورکیا ) یێن سه‌فه‌وی و ئوسمانی ژ لایه‌کێ و (سوریا و عێراق)ێن عه‌ره‌بی ژ لایه‌کی دیڤه‌ ئه‌ڤه‌ ژ بلی ئه‌و کاریگه‌ریا راسته‌خوه‌ یا وه‌لاتێن روژئاڤا (ئیمپریالیزم )ا جاران ل ناوچێ ب تایبه‌ت ژ به‌ریتانیا و فه‌رنسا هه‌ر وه‌سا سه‌ره‌رای ناساندنا ده‌وله‌تا ئوسمانیا ب (زه‌لامێ نه‌ساخ)ژی لێ به‌رده‌وام کێشه‌یا کوردا وه‌ک هێله‌کا گه‌ره‌م دناڤبه‌را هه‌ردوو وه‌لاتێن توکیا و ئیران دا مایه‌ و ژبیر نه‌کین ژی هه‌ر یه‌ک ژ وه‌لاتێن سوریا و عێراق ژی پارچه‌یه‌ک و وی زه‌لامێ نه‌ساخێ ئوسمانی بووینه‌ له‌وما تورکیا یا نها ژی هه‌ول دده‌ت خوه‌ بو مه‌به‌ستێن خوه‌ پتر گورانکاریێن باش بسه‌ر هه‌لویستێ خوه‌ هه‌مبه‌ری کورداندا بکت،،،هه‌لبه‌ته‌ ئه‌ڤ چه‌نده‌ ژی پتر بو مه‌رما رێگری کرن ل ئیرانێ یه‌ کو چه‌قێن خوه‌ ل دور کوردا ب ئالینیت ،،،ئه‌وا دیار و حاشاتی لێ نه‌هێت کرن کێشه‌یا (سوننه‌ بوون و شیعه‌ بوونێ) کو به‌رده‌وام ئێک ژ خالێن هه‌ری گه‌رمێن ململانا دناڤبه‌را هه‌ردوو هێزا دا بین نها ژی باندورا خوه‌ لسه‌ر ‌ ڤێ ململانێ هه‌یه‌ ،،،لێ نها ئه‌وا هاتیه‌ گوهرین ئه‌وه‌ کو ئێدی کێشه‌یا کوردا ژ قالبێ خوه‌ یی ناوچه‌یێ ده‌رکه‌فتیه‌ و ئێدی لسه‌ر ئاستێ وه‌لاتێن زلهێزێن جیهانی باس لێ دهیته‌ کرن و کوردا ب تایبه‌ت ل باشور خودان بریار و سه‌رکردایه‌تیه‌کا بلیمه‌ت و خودان هه‌لوسیتن،،ب تایبه‌ت ژی کو پشتی هه‌ر یه‌ک ژ وه‌لاتێن (عێراق سوریا) نها بووینه‌ زه‌لامێ نه‌ساخێ جاران ئیران هه‌می هه‌ول و بزاڤا ل ڤان دوو وه‌لاتا ددت کو مه‌رجه‌عیه‌تا شیعه‌گه‌ریێ لێ بپارێزیت و خه‌ونا وێ یا خوه‌ گه‌یاندنا بو ده‌ریایا سپی حاشاتی لێ ناهێته‌ کرن و هه‌لبه‌ته‌ دگه‌ل ڤێ چه‌ندێ ژی به‌رده‌وامه‌ دگه‌ل هنده‌ک هێز و لایه‌نێن سیاسیێن کوردی وه‌ک (په‌که‌که‌ و هه‌می چه‌قێن وێ هنده‌ک لایه‌نێن سیاسی ژی ل باشور) هه‌می هه‌ولا بو رێگری کرنێ ل هه‌بوونا کیانه‌کێ کوردی یێ سه‌ربه‌خوه‌ ددن،،،به‌رامبه‌ر ڤێ یه‌کێ ژی هه‌لویستی بارزانی وه‌ک سه‌روکێ هه‌رێما کوردستانێ یێ روون و ئاشکه‌رایه‌ کو ده‌ست ژ راگه‌یاندنا ده‌وله‌تا کوردی به‌رناده‌ت ،،،

یا دیار ئه‌وه‌ کو نه‌ وه‌لاتێن روژئاڤا و نه‌ژی ئه‌مریکا ب تایبه‌ت بهیچ ره‌نگه‌کی رازی نابیت ب هه‌بوونا هه‌یمه‌نه‌تا ئیرانێ هه‌تا ده‌ریایا سپی چونکی ئه‌ڤه‌ راسته‌خوه‌ دێ کارتێکرنێ ل هه‌می به‌رژوه‌ندیێن وان کت و دیسان مه‌ترسیه‌کا راسته‌خوه‌یه‌ بو سه‌ر ئیسرائیلێ چو پێ نه‌ڤێت تورکیا ژی دێ هێته‌ دورپێچکرن ژ لایێ هێزه‌کا شیعه‌ڤه‌ کو دێ به‌رده‌وام مه‌ترسی بیت لسه‌ر ئارامی و سه‌قامگیریا تورکیا ئه‌گه‌ر ئه‌ڤ چه‌نده‌ روی بدت له‌وما ژی تورکیا هیچ بژارده‌یه‌کا دی باشتر ژ وێ چه‌ندێ نابیت کو دان ب ده‌وله‌تا کوردی بنیت ئه‌وا ل باشور بهێته‌ راگه‌یاندن و هوسا تورکیا دێ ب رێکا ڤێ ده‌وله‌تێ دێ بیت جیرانا ده‌وله‌ته‌ک دیموکراس و سوننه‌ باوه‌ر کو دێ زور بو باشتر بیت ژ ده‌وله‌ته‌کا مه‌رجه‌عی و شیعه‌ ئه‌ڤه‌ ژ بلی وان هه‌می به‌رژوه‌ندیێن ئابوری ئه‌وێن کو دێ تورکیا دگه‌ل کوردستانێ هه‌بن،، راکێشانا هێلا نه‌فتێ ل سه‌ر خاکا تورکیا و هاتنا سه‌دان کومپانیا یێن تورکی ل هه‌رێمێ دانا قه‌رێن بێ به‌رامبه‌ر بو کوردستانێ و دانانا ئالایێ کوردستانێ و رێگه‌دان ب ده‌رباز بوونا هێزێن پێشمه‌رگه‌ی بو کوبانێ دبێت ئه‌ڤه‌ هه‌می ئاماژه‌یێن روون بن کو تورکیا نابیت ئاسته‌نگ ل هه‌مبه‌ر ده‌وله‌تا کوردی ل باشور،،