دبیت ئه‌ڤ پرسیاره‌ هنده‌ک سه‌یر بیت بو هه‌ڤالان لێ هه‌ر چه‌وا بیت ژ ئه‌نجامێ وان گوتنان کو به‌رده‌وام ژ لایی هنده‌ک ئالیێن سیاسی و هنده‌ک ناوچه‌یێن دیار کری و هنده‌ک که‌سێن دیار کری د ده‌رحه‌ق پارتی دا دهێن کرن ڤێ پرسیارێ د مێشکێ من دا دا ئازرینن کو ئه‌رێ راسته‌ مێژویا پارتی هه‌تا ڤی ئاستی یا ره‌ش بیت و من های ژێ نه‌بیت ؟
ئه‌رێ ئه‌گه‌ر ئه‌ڤ مێژویه‌ هنده‌ ره‌شه‌ پا ئه‌ڤه‌ چیه‌ هند مه‌ خوه‌ بدویف وه‌ستیاندی هزاران ژ ڤی خه‌لکی ده‌ربه‌دری و مالوێرانی ب دویف ڤه‌ دیتی ؟
ئه‌رێ ئه‌گه‌ر براستی ژی هنده‌ ره‌شه‌ بو چی پێشمه‌رگه‌یێن ل به‌روکێ شه‌ری خوه‌ ب کوشتن ددن و دبێژن بژیت سه‌روک و ئه‌م فیدایی سه‌روکی نه‌ ؟
هه‌لبه‌ته‌ ئه‌ڤه‌ هنده‌ک پرسیارن کو پیدڤی ب به‌رسڤ دانێ هه‌یه‌ و هه‌ر یه‌ک ژمه‌ بو پارتی بوونا خوه‌ دبیت هنده‌ک به‌گ ره‌وه‌ند هه‌بن کو لسه‌ر وی بنیاتی پارتی بوون دناڤا خوینا وان دا گه‌شه‌ و وه‌رارێ بکت ،،،
هه‌ر وه‌ک چه‌وان دژایه‌تی کرنا پارتی لده‌ف هنده‌ک لایه‌نان یان ژی که‌سان به‌گ ره‌وه‌ندا خوه‌ هه‌یه‌ و روژ ب روژێ دوژمنایه‌تیا پارتی دناڤا خوینا وان دا وه‌رارێ دکت...

لێ ئه‌وا من ب درستاهی دڤێت باس لی بکم ئه‌رێ ئه‌گه‌ر خه‌لکه‌ک مێژویا پارتی هنده‌ ره‌ش دبینیت ئه‌ڤێن نها ل خوارێ باس لی دکم ده‌ستکه‌فتێن کێ نه‌ ؟

1/ شوره‌شا ئه‌یلولا مه‌زن کو بناڤ و ده‌نگترین شوره‌شین کوردا بوویه‌ (هه‌ر چه‌نده‌ دزانم هنده‌ک لایه‌ن دێ بێژن هه‌می گه‌لێ کوردستانێ به‌شدار بی و نه‌ مولکێ پارتی ب تنی یه‌ ) له‌وما ئه‌ز ژی دبێژم وان ئه‌ز نزانم ئه‌گه‌ر گه‌له‌ک ل ژێر سه‌رکردایه‌تیا که‌سه‌ک وه‌ک مسته‌فا بارزانی کو سه‌روکێ پارتی بوو شوره‌شی بکت چه‌وا دبیت ئه‌و ده‌ستکه‌فته‌ بو پارتیا وی نه‌هێته‌ هژمارن
2/ راگه‌یاندنا به‌یانا 11 ئادارێ دان پێدانا فه‌رمیا حکومه‌تا ئێراقێ ب کوردا
3/ شوره‌شا گولانا پیشکه‌فتن خواز
4/ورژاندنا هزار دامه‌زراندنا (به‌ره‌یی کوردستانی )
5/وروژاندنا هزرا هه‌لبژادرنا و حکومه‌تا دامه‌زراویی
6/داکوکی کرن ل سه‌ر نه‌هاتنا له‌شکه‌ری تورکیا ل سالا 2003ێ بو رزگار کرنا ئێراقی و ب راشکاوی گوتنا (کوردستان دێ بیته‌ گورستان ) بو تورکا ژ لایی جه‌نابی سه‌روکی ڤه‌
7/ پێداگیری لسه‌ر نه‌هه‌لاویستینا ئالایی ئیراقی ل په‌رله‌مانێ کوردستانێ
8/ رێگه‌ نه‌دان ب حکومه‌تا ئیرانێ بو ده‌رباز کرنا هاریکاریا د رێکا هه‌ولیرێ را بو (به‌شار ئه‌سه‌د)ێ سه‌روکێ سوریا
9/ ئینانا سه‌ر خه‌ت یا هه‌می هێزێن هه‌ڤ په‌یمانی ل دژی داعش ل کێمتر ژ 48 ده‌مژمێرا ندا
10/به‌شدار بوونا سه‌روکێ پارتی و ب کورێن خوه‌ ل به‌روکێن شه‌ری دژێ داعشا
،،،،

11/ بوونا هه‌ولێرێ بو ناوه‌ندا بریاردانێ ب سه‌رکێشیا سیاسی یا کێ یه

12/ سیاسه‌تا هێنانه‌ ده‌ر و فروتنا سامانێ ژێر خاکێ کوردستانێ وه‌ک نه‌فت و گاز کو فاکته‌رێ هه‌ری سه‌ره‌کی یێ بهێز بوونا پێگه‌ها ئابوریا کوردستانێ یه‌ ل ناوچێ

13/ رازیکرنا هه‌ڤ په‌یمانا بو لێدانا چه‌کدارێن داعشا ل کوبانێ

14/ سه‌رنه‌رم کرنا تورکیا درنده‌ترین دوژمنێ کوردا بو رێگه‌دان ب ده‌رباز بوونا هێزێن پیشمه‌رگه‌یی و چه‌ک و جبه‌خانه‌ و ئالایێ کوردستانێ ڤه‌ لسه‌ر خاکا تورکیا بو کوبانێ

15/ سه‌رکێشیا ناساندنا دوزا کوردا ب جیهانێ

به‌لگه‌ لسه‌ر ڤان گوتنائه‌وه‌ کو هنده‌ک لایه‌ن خوه‌ ژ ڤان ده‌ست که‌فتنا بێ به‌ری دکن بگره‌ ب خرابی ژی بو کوردستانێ پێناسه‌ دکن

له‌ما من پێ باشه‌ ئه‌گه‌ر ئه‌ڤه‌ خرابی بن هه‌ر یه‌ک ژ وان لایه‌ن و که‌سا بلا ژ که‌ره‌ما خوه‌ هنده‌ک خرابیێن هوسا بکن ئه‌م دێ سوپاسیا وان کین

ئه‌ڤه‌ و ده‌یان نموونه‌یێن دی ژی هه‌نه‌ کو بو خه‌لکه‌کی دیار بکت کو مێژویا پارتی پره‌ ژ سه‌رفه‌رازی و ب روومه‌ت بوونێ کو ئه‌ز نه‌شێم ژ ده‌رحه‌ق ب ده‌که‌ڤم و باس لێ بکم
ئه‌ڤه‌ چپکه‌ک بوو ژ ده‌ریایه‌کا سه‌رفه‌رازیا
له‌وما ژی دبێژم ئه‌وێن هوین ڤێ مێژویی ره‌ش دبینن تنێ وه‌ نه‌خوشیا پارتی بوونێ هه‌یه‌ و لومه‌ی گه‌له‌ک ژ وه‌ ژی ناکم چونکی وه‌ شه‌قێن ده‌ستێ پاریی یێت خوارین،،،
دگه‌ل هندێ ژی دان ب هندێ دنم پارتیه‌ک 70 سال ته‌مه‌نێ وێ بیت که‌م و کوری ژی هه‌نه‌...